Connect with us

ព័ត៌មានជាតិ

លោកជំទាវ ម៉ែន សំអន ប្រកាសកែសម្រួល និងបំពេញបន្ថែមគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តតាកែវ

បានផុស

នៅ

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញជាអធិបតី ក្នុងពិធីប្រកាសកែសម្រួល និងបំពេញបន្ថែមគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកែវ តាមរយៈ ប្រព័ន្ធ ZOOM នារសៀលថ្ងៃសុក្រ ៨កើត ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១២ ខែវិច្ឆិកា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងឱកាសនោះ លោកជំទាវបាននាំមកនូវការផ្តាំផ្ញើសាកសួរសុខទុក្ខពីសំណាក់ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្តេចទាំងទ្វេ តែងតែគិតគូរខ្ពស់ពីសុខទុក្ខ និងមានការដោះស្រាយបញ្ហាប្រឈមនានារបស់ប្រជាពរដ្ឋនៅទូទាំងប្រទេស។

លោកជំទាវបានថ្លែងនូវការកោតសសើរ និងថ្លែងអំណរគុណចំពោះ ឯកឧត្តម អ៊ូច ភា ដែលបានដឹកនាំនិងគ្រប់គ្រងខេត្តឲ្យមានការរីកចម្រើនលើគ្រប់វិស័យ ។ ទទ្ទឹមនឹងនោះសម្រាប់ការកែសម្រួលសមាសភាពនារីខេត្តតាកែវនាពេលនេះក៏មានការគាំទ្រពីអភិបាល នៃគណៈអភិបាលខេត្តផងដែរ។

លោកជំទាវអបអរសាទរចំពោះលោកជំទាវជាសមាសភាពដែលបានប្រកាសតែងតាំងក្នុងថ្ងៃនេះ ដោយបានធ្វើការផ្តាំផ្ញើរដូចតទៅ ៖

១. ត្រូវអនុវត្តតាមតួនាទីភារកិច្ចដែលមានចែងក្នុងសេចក្តីសម្រេច និងតាមលក្ខន្តិកៈរបស់សមាគមនារី ដោយគោរពតាម មានរបបប្រជុំ រៀនសូត្រ របបសុំយោបល់ របបចុះមូលដ្ឋាន និងរបបរាយការណ៍។

២. សូមសមាជិក សមាជិកាទាំងអស់ត្រូវបង្កើនការយកចិត្តទុក្ខដាក់ឲ្យបានខ្ពស់ ក្នុងការចូលរួមបង្ការទប់ស្កាត់ការឆ្លងរីករាយលដាលនូវជំងឺកូវីដ១៩ ដោយត្រូវរៀនរស់ជាមួយនឹងកូវីដ១៩ និងគោរពតាមវិធានការរបស់ក្រសួងសុខាភិលបាល និងវិធានរបស់រាជរដ្ឋាភិបាល ៣ការពារ៣កុំ ខណៈពេលដែលស្ថានភាពឆ្លង និងស្ថានភាពស្លាប់ដោយសារកូវីដ១៩ នៅកម្ពុជាបានធ្លាក់ចុះយ៉ាងណាក៏ដោយ។

៣. បន្តចូលរួមកិច្ចសហការបំផុសចលនាអប់រំផ្សព្វផ្សាយឲ្យបានទូលំទូលាយ ជាប្រចាំ តាមគ្រប់រូបភាពនិងគ្រប់ មធ្យោបាយនូវគោលនយោបាយ ខ្លឹមសារ សេចក្តីសម្រេចនានា ក៏ដូចជា សមិទ្ធិផលរបស់រាជរដ្ឋាភិបាល សំដៅបញ្ជ្រាបការយល់ដឹង ឆ្ពោះទៅកាន់ការបោះឆ្នោតក្រុមប្រឹក្សាឃុំ សង្កាត់។ ជាពិសេស ចូលរួមផ្សព្វផ្សាយអនុវត្តឲ្យបាននូវគោលនយោបាយ ភូមិ-ឃុំមានសុវត្ថិភាព ដោយផ្តោតសំខាន់លើការផ្តល់សេវាសាធារណៈឲ្យបានឆាប់រហ័ស ប្រកបដោយប្រសិទ្ធិភាព និងមិនមានការរំខាន និងការផ្តល់ការគាំពារ សង្គមជូនដល់ប្រជាពលរដ្ឋ ដែលភាគច្រើន គឺជាស្ត្រីដែលបានទទួលអត្ថប្រយោជន៍នេះ។

៤. ពង្រឹងរបៀបរបបធ្វើការងារ អនុវត្តនូវតួនាទីភារកិច្ច និងត្រូវបែងចែក ភារកិច្ច និងការទទួលខុសត្រូវ ដល់ថ្នាក់ដឹកនាំ នៃគណៈកម្មការសាខាសមាគម នារីខេត្ត ដែលទើបបានតែងតាំងនាពេលនេះ។

៥. អនុវត្តឲ្យបានជោគជ័យនូវផែនការសកម្មភាពសម្រាប់រយៈពេល៤ឆ្នាំ (២០២០-២០២៣) របស់សមាគមនារីកម្ពុជាដើម្បីសន្តិភាពនិងអភិវឌ្ឍន៍ ដើម្បីតម្រង់ទិសទៅ ដណ្តើមជោគជ័យក្នុងការបោះឆ្នោត ២០២២-២០២៣។

៦. ជំរុញឱ្យស្រ្តីដែលមានតួនាទី ត្រូវខិតខំបំពេញតួនាទីភារកិច្ចតាមជំនាញនីមួយៗ ក្នុងការកសាងនិងបង្កើនសមត្ថភាព ជំនឿជឿជាក់លើខ្លួនឯង ដើម្បីឱ្យស្រ្តី ទទួលបានឋានៈតួនាទី និងចូលរួមធ្វើសេចក្តីសម្រេចឲ្យ កាន់តែមានប្រសិទ្ធភាពខ្ពស់៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៦ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៧ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៧ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម