ព័ត៌មានជាតិ
សម្ដេចតេជោ ហ៊ុន សែន បកស្រាយអត្ថន័យឈ្មោះ «ដើមឈើចាំស្នេហ៍» នៅខេត្តព្រះសីហនុ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបកស្រាយនូវអត្ថន័យនៃឈ្មោះ «ដើមឈើចាំស្នេហ៍» នៅខេត្តព្រះសីហនុ ដែលសម្ដេចបានដាក់នាពេលកន្លងមក។
ការបកស្រាយនេះ គ្រាដែលសម្ដេចតេជោនាយករដ្ឋមន្ត្រី នៅរសៀលថ្ងៃទី ១ ខែធ្នូ ឆ្នាំ ២០២១នេះ បានដឹកនាំគណៈប្រតិភូ អញ្ជើញត្រួតពិនិត្យសមិទ្ធផលនានា នៅក្នុងក្រុងព្រះសីហនុ ខេត្តព្រះសីហនុ ជាពិសេសផ្លូវជាង ៣០ខ្សែនៅទីនោះតែម្ដង។ ការត្រួតពិនិត្យនេះ មុនពេលដែលសម្ដេចតេជោនាយករដ្ឋមន្ត្រី នឹងសម្ពោធសមិទ្ធផលទាំងនោះជាផ្លូវការ នៅព្រឹកថ្ងៃទី ២ ខែធ្នូស្អែកនេះ។
ជាមួយគ្នានេះ សម្ដេចតេជោ ហ៊ុន សែន បានអញ្ជើញទៅដល់ទីតាំង «ដើមឈើចាំស្នេហ៍» ដែលជាឈ្មោះសម្ដេចបានដាក់នាពេលកន្លងមក។ សម្ដេចតេជោ បានបកស្រាយអត្ថន័យ នៃការដាក់ឈ្មោះនេះថា សិលាចាំស្នេហ៍ ឬដើមឈើចាំស្នេហ៍ គឺតំណាងឲ្យនិមិត្តរូប នៃការគង់វង្ស។ សម្ដេច បានពន្យល់ទៀតថា ពាក្យថា ចាំ គឺមិនដែលជួប ដោយបានសេចក្ដីថា នៅទីនេះ គឺចាំរហូត ហើយបើពាក្យថា ជួបហើយ គេមិនហៅថា ចាំនោះទេ។
សម្ដេចតេជោ ហ៊ុន សែន បានថ្លែងបន្តថា «ត្រង់ចំណុចនេះ ខ្ញុំចង់សំដៅលើភាពគង់វង្ស ជាអមតៈរបស់វា ដែលខ្ញុំចង់និយាយសំដៅច្បាស់ ទៅលើសន្តិភាព របបរាជានិយម អាស្រ័យធម្មនុញ្ញ រាជបល្ល័ង មិនត្រូវបាននរណាប្រឆាំងនោះទេ ទោះបីអ្នកណាគំរាម កំហែងបំផ្លាញក៏ដោយ ពាក្យនេះមានន័យជ្រាលជ្រៅ»។
សម្ដេចតេជោនាយករដ្ឋមន្ត្រី បានបញ្ជាក់បន្ថែមថា ការដាក់ឈ្មោះថា «ដើមឈើចាំស្នេហ៍» គឺសំដៅទៅលើបញ្ហាទូលំទូលាយ និងគ្របដណ្ដប់ទៅលើសន្តិភាព ស្ថិរភាព របស់ប្រទេស ដែលមិនត្រូវឲ្យបាត់បង់។ ចំណែកឯករាជ្យ អធិបតេយ្យជាតិ ក៏មិនត្រូវឲ្យបាត់បង់ ហើយរបបរាជានិយម អាស្រ័យធម្មនុញ្ញ ក៏មិនត្រូវឲ្យបាត់បង់ ព្រមទាំងព្រមរាជបល្ល័ង និងទឹកដី នៃព្រះរាជាណាចក្រកម្ពុជា ក៏មិនត្រូវឲ្យបាត់បង់នោះដែរ៕
អត្ថបទ៖ ឃួន សុភ័ក្រ
-
ជីវិតកម្សាន្ដ២ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម៧ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៣ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៤ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ព័ត៌មានជាតិ៤ ថ្ងៃ ago
ចុងខែមិថុនា កម្ពុជានឹងមានភូមិខ្មែរលើដីជប៉ុន ហើយមានការដាក់បង្ហាញការដាំដំណាំខ្មែរ