ព័ត៌មានជាតិ
រដ្ឋបាលខេត្តកំពង់ឆ្នាំង ដកហូតដីព្រៃលិចទឹកបានជាង ២ ពាន់ហិកតាយកមកគ្រប់គ្រងវិញ
នៅក្នុងរយៈពេល ៣ ថ្ងៃ នៃការចុះពិនិត្យ បង្ក្រាបករណីទន្ទ្រានយកដីព្រៃលិចទឹកនៅតំបន់បឹងទន្លេសាបខេត្តកំពង់ឆ្នាំង អាជ្ញាធរបានដកហូតដីជាង ២ ពាន់ហិកតា ស្ថិតនៅតំបន់គោកព្រះ ឃុំច្រណូក ស្រុកកំពង់លែង ខេត្តកំពង់ឆ្នាំង យកមកគ្រប់គ្រងវិញ។
លោក ស៊ុន សុវណ្ណារិទ្ធ អភិបាលខេត្តកំពង់ឆ្នាំង បានឱ្យដឹងថា នៅក្នុងរយៈពេល ៣ ថ្ងៃនៃការអនុវត្តបទបញ្ជារបស់សម្ដេចតេជោ កងកម្លាំងប្រដាប់អាវុធមាននគរបាល និងកងរាជអាវុធហត្ថខេត្តសរុបចំនួន ២០០ នាក់ បានចុះដកបង្គោលតាមព្រំដីក្នុងតំបន់ដីលិចទឹកបានចំនួន ២០០ ដើម និងរុះរើរោងចាំស្រែបានចំនួន ៥៥ ខ្នង។
ដោយឡែកនៅថ្ងៃទី២៩ ខែវិច្ឆិកា អ្នកកាន់កាប់ដីព្រៃលិចទឹកខាងលើនេះ ចំនួន១៣នាក់ ដែលបានកាន់កាប់ ដីព្រៃលិច ចំនួនជាង ២ ពាន់ហិកតា (២.០៥៨,៥០) បានចេញមុខមកសារភាពជាមួយស្នងការដ្ឋាននគរបាលខេត្តកំពង់ឆ្នាំង និងបានធ្វើលិខិតសុំទោសផ្ញើជូន សម្តេចជោហុនសែន ដោយយ ល់ព្រមប្រគល់ដីដែលខ្លួនបានកាន់កាប់ខាងលើនេះ ជូនរដ្ឋវិញដោយឥតលក្ខខណ្ឌ។
លោកអភិបាលខេត្តកំពង់ឆ្នាំង បានឱ្យដឹងថា ជាទិសដៅរដ្ឋបាលខេត្តកំពង់ឆ្នាំង និងដាំដើមឈើព្រៃលិចទឹកឡើង វិញ ចំនួន ២០ម៉ឺន នៅតំបន់ដីលិចទឹកដែលបានដកហូតខាងលើនេះ ដែលមានដើមរាំង និងដើមរំដេញ។
ជាមួយគ្នានេះដែរក្រោយពេលបញ្ច ប់ការនៅចំណុចខាងលើនេះ រដ្ឋបាលខេត្តនិងដាក់កម្លាំងសមត្ថកិច្ចការពារតំបន់ខាងលើនេះ មិនឱ្យជនខិលខូចចូលមកកាន់កាប់ ឬអាស្រ័យផលទៀតឡើយ។
ទាក់ទងនឹងប្រតិបត្តិការខាងលើនេះដែរ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំងបានឲ្យដឹងថា ដីព្រៃលិច ទឹកនៅក្នុងតំបន់គោកព្រះខាងលើនេះសរុបមានចំនួនជាង៥ពាន់ហិកតា។
ដោយឡែកតាមការចុះស្រាវ ជ្រាវរបស់មន្ត្រីជំនាញកន្លងមករកឃើញថាដីជាង២ពាន់ហិកតារ ត្រូវបានជនខិលខូចលួចឈូសឆាយយកជាកម្មសិទ្ធិ និងមកដល់ពេល នេះក្រុមការងារចម្រុះកំពុងចុះស្រា វជ្រាវបន្តទៀតដើម្បីរកអត្តសញ្ញាណអ្នកកាន់កាប់ដី និងទំហំដីដែលបានរងការបំផ្លាញដោយខុសច្បាប់។
ទាក់ទង និងជនសារភាពចំនួន១៣ នាក់ខាងលើនេះ លោកឧត្តមសេ នីយ៍ទោ ខូវ លី ស្នងការនគរបាលខេត្តកំពង់ឆ្នាំង បានឲ្យដឹងថា ក្រោ យបានសារភាព និងធ្វើលិខិតសុំ ទោសទៅសម្ដេចតេជោ ហ៊ុន សែន ជនទាំង ១៣ នាក់ បានទៅលំនៅ ឋានវិញជាធម្មតា។ ប៉ុន្តែបើមានបញ្ជាពីថ្នាក់លើយ៉ាងណានោះសមត្ថកិច្ច នឹងបន្តនីតិវិធីទៀត។
អត្ថបទៈ ឈៀង ថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ