ព័ត៌មានជាតិ

រដ្ឋបាលសង្កាត់ចោមចៅទី៣ចុះកៀរអាចម៍ដីលើផ្លូវជាតិលេខ៤

បានផុស

៥ years មុន

នៅ

ថ្ងៃពុធ ១ ធ្នូ ២០២១

ដោយ

នៅរសៀលថ្ងៃទី១ ខែធ្នូ ឆ្នាំ២០២១ លោក វ៉ា សាវឿន ចៅសង្កាត់ចោមចៅទី៣ លោក អ៊ឹម វណ្ណា ចៅសង្កាត់រងទី១ និងលោក សុទ្ធ សុជាតិ ចៅសង្កាត់រងទី២ បានដឹកនាំប្រជាការពារសង្កាត់យកគគ្រឿងចក្រកៀរអាចម៍ដីចេញពីផ្លូវជាតិលេខ៤ នៅចំណុចស្តុបកប់ស្រូវរហូតមកដល់មុខសាលាបឋមសិក្សាហ៊ុនសែនជម្ពូវ័ន ភូមិជម្ពូនវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ដើម្បីបរិស្ថានស្អាតនិងកុំឱ្យប៉ះពាល់ដល់សុខភាពបងប្អូនប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី៣ បានឱ្យដឹងថា ដោយសារតែមួយរយះនេះមេឃបានបន្តធ្លាក់ភ្លៀងមកស្ទើររៀងរាល់ថ្ងៃ ធ្វើឱ្យកំទិចអាចម៍ដីជាច្រើនគរជាប់ចិញ្ចើមផ្លូវ ដោយឃើញដូចនេះ ទើបលោកដឹកនាំប្រជាការពារសង្កាត់ចុះសំអាតឱ្យបានស្អាតឡើងវិញ ចៀសវៀងប៉ះពាល់ដល់សុខភាពបងប្អូនប្រជាពលរដ្ឋដែលរស់នៅក្បែរនោះ និងអ្នកធ្វើដំណើរជាដើម។

ក្នុងឱកាសនោះផងដែរលោក វ៉ា សាវឿន ចៅសង្កាត់ចោមចៅទី៣ សូមសំណូមពរដល់បងប្អូនប្រជាពលរដ្ឋដែលរស់នៅក្នុងតំបន់នោះ ក៏ដូចជាអ្នកធ្វើដំណើរសូមចូលរួមសំអាតបរិស្ថានទាំងអស់គ្នា និងកុំភ្លេចថែរក្សាសុខភាពអនុវត្តតាមក្រសួងសុខាភិបាល៕

អត្ថបទ៖ សុខា