ព័ត៌មានជាតិ
ខេត្តស្វាយរៀង ប្រារព្ធយុទ្ធនាការ ១៦ ថ្ងៃ ពិភពលោកពណ៌ទឹកក្រូច បញ្ឈប់អំពើហិង្សា
ខេត្តស្វាយរៀង៖ នៅព្រឹកថ្ងៃទី ៦ ខែធ្នូ ឆ្នាំ ២០២១ លោកស្រី ឯក សុវណ្ណភារៈ អភិបាលរងខេត្តស្វាយរៀង បានអញ្ជើញជាអធិបតីភាពក្នុងកម្មវិធីយុទ្ធនាការ ១៦ ថ្ងៃ ពិភពលោកពណ៌ទឹកក្រូច បញ្ឈប់អំពើហិង្សាលើស្ត្រី និងក្មេងស្រី ក្រោមប្រធានបទ “ពិភពលោកពណ៌ទឹកក្រូច បញ្ឈប់អំពើហិង្សាលើស្ត្រី និងក្មេងស្រី ចាប់ពីពេលនេះ”។
នៅក្នុងពិធីនេះមានការអញ្ជើញចូលរួមពីសំណាក់ លោក សុច ពិសី អភិបាលស្រុកកំពង់រោទិ៍ លោក លោកស្រី ជាប្រធាន-អនុប្រធានមន្ទីរដែលមានពាក់ព័ន្ធ លោក-លោកស្រី កងកម្លាំងទាំង៣ប្រភេទ ប្រធានការិ.អង្គភាពចំណុះសាលាស្រុក លោកមេឃុំ នាយប៉ុស្តិ៍រដ្ឋបាលឃុំ និងអ្នកពាក់ព័ន្ធជាច្រើនរូបទៀត។
លោកស្រី ឯក សុវណ្ណភារៈ អភិបាលរងខេត្តស្វាយរៀង បានមានប្រសាសន៍លើកឡើងថា ប្រវត្តិយុទ្ធនាការ ១៦ ថ្ងៃ ដើម្បីបញ្ឈប់អំពើហិង្សាលើស្ត្រី និងកុមារ យុទ្ធនាការ ១៦ ថ្ងៃ គឺជាយុទ្ធការដែលប្រឆាំង អំពើហិង្សាលើស្ត្រី និងកុមារហើយយុទ្ធនាការនេះចាប់ផ្ដើម ឡើងនៅក្នុងឆ្នាំ ១៩៩១ ដោយក្រុមបុរសជនជាតិកាណាមួយក្រុម។ ក្រោយមកយុទ្ធនាការត្រូវបានរៀបចំ ឡើងនៅគ្រប់ទីកន្លែងនៅលើពិភពលោក រហូតដល់ទិវានេះបានក្លាយជាទិវាអន្តរជាតិ ដែលអង្គការសហ ប្រជាជាតិបានកំណត់ជាផ្លូវការ A/RES/54/134 ចុះថ្ងៃទី ១៧ ខែធ្នូ ឆ្នាំ ១៩៩៨ ហើយនឹងបានប្រកាស ទទួលស្គាល់ថា ជាទិវាអន្តរជាតិលុបបំបាត់អំពើហិង្សាលើស្ត្រី តាមរយៈមហាសន្និបាតលើកទី៤៣ របស់ អង្គការសហប្រជាជាតិ។
ជាទូទៅនៅថ្ងៃទី ២៥ ខែវិច្ឆិកា ត្រូវបានគេចាត់ទុកថាជា ទិវាអន្តរជាតិនៃការសាមគ្គីភាពរបស់បុរសប្រឆាំង និងអំពើហិង្សា របស់បុរសលើស្ត្រី។ ហេតុដូច្នេះហើយជារៀងរាល់ឆ្នាំ យុទ្ឋនាករនេះត្រូវបានរៀបចំធ្វើឡើងចាប់ពីថ្ងៃទី ២៥ ខែវិច្ឆិកា ដល់ថ្ងៃទី ១០ធ្នូ។
លោកស្រីបានបន្តទៀតថា ជារៀងរាល់ឆ្នាំក្រសួងកិច្ចការនារី តែងតែសហការជាមួយអង្គការក្រៅរដ្ឋាភិបាល ក៏ដូចជាក្រុមហ៊ុនឯកជន ដើម្បីប្រារព្ឋពិធីនេះឡើង ក្នុងគោលបំណងបញ្ឈប់អំពើហិង្សាគ្រប់រូបភាពមកលើស្ដ្រី យុវវ័យ និងកុមារ ដើម្បីលើកកម្ពស់ភាពសុខដុមរមនា និងភាពរុងរឿងក្នុងគ្រួសារ ក៏ដូចនៅកន្លែងធ្វើការ។
នៅថ្ងៃនេះ ក្រសួងកិច្ចការនារីបានរៀបចំយុទ្ធនាការ ១៦ ថ្ងៃ នៅសាលាស្រុកកំពង់រោទិ៍ ក្រោមការឧបត្ថម្ភគាំទ្រដោយ អង្គការ icc ដើម្បីធ្វើការផ្សព្វផ្សាយ ស្ដីពីការប្រឆាំងអំពើហិង្សាលើស្ត្រី និងកុមារ៕
អត្ថបទ៖ ភក្ដី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore