ព័ត៌មានជាតិ
កសិករស្ទាក់ស្ទើរក្នុងការចិញ្ចឹមត្រីប្រាខណៈលទ្ធភាពនៃការនាំចេញទៅចិនស្ថិតក្នុងការត្រួតពិនិត្យ
ក្រុមវារីវប្បកម្ម ឬអ្នកចិញ្ចឹមត្រី មិនទាន់ហ៊ានសម្រុកចិញ្ចឹមលក្ខណៈទ្រង់ទ្រាយធំនៅឡើយ ខណៈមិនទាន់ទទួលបានដំណឹងនៃសេចក្តីសម្រេចរវាងភាគីកម្ពុជា និងចិនអំពីការនាំចេញត្រីប្រា។
លោក សុខ រ៉ាដែន ប្រធានសមាគមវារីវប្បករកម្ពុជា បានលើកឡើងថា ក្រោយទទួលបានដំណឹងនៃការសិក្សាអំពីលទ្ធភាពនាំចេញត្រីប្រាពីកម្ពុជាទៅចិន លោកមានអារម្មណ៍សប្បាយរីករាយ ប៉ុន្តែសមាគមអ្នកចិញ្ចឹមត្រី មិនទាន់ហ៊ានសម្រុកចិញ្ចឹមជាលក្ខណៈទ្រង់ទ្រាយធំនៅឡើយ ដោយរង់ចាំមើលសេចក្តីសម្រេចរវាងរាជរដ្ឋាភិបាលប្រទេសទាំងពីរ។ លោកបន្តថា «កន្លងមកដោយសារវិបត្តិកូវីដ យើងចិញ្ចឹមខ្វះទីផ្សារ ចំណីក៏ថ្លៃ លក់ចេញបានតិចតួច អត់មានអ្នកទិញ ប៉ុន្តែបើរដ្ឋប្រកាសអំពីការនាំចេញច្បាស់លាស់ យើងទុកចិត្ត យើងមានលទ្ធភាពក្នុងផ្គត់ផ្គង់ការនាំចេញ»។
លោក សុខ រ៉ាដែន បន្ថែមថា បច្ចុប្បន្នកសិករ មានបទពិសោធន៍ និងបច្ចេកទេសក្នុងការចិញ្ចឹមច្បាស់លាស់ សម្រាប់ការងារនាំចេញ។ ប៉ុន្តែអ្វីដែលពិបាក លោក រ៉ាដែន សង្កត់ធ្ងន់ថា« ទី១ គឺយើងនាំពូជចូលពីប្រទេសជិតខាង, ទី២ ចំណីសឹងតែ ១០០%នាំចូលពីប្រទេសគេ ហើយតម្លៃចំណីក៏ថ្លៃ …ហើយយើងត្រូវមានរចនាសម្ព័ន្ធប្រព័ន្ធទឹក ប្រព័ន្ធភ្លើង ដែលជាមធ្យោបាយធ្វើឲ្យបានល្អ»។
ពាក់ព័ន្ធនឹងបញ្ហានេះ លោក ស្រី វុទ្ធី អ្នកនាំពាក្យក្រសួងកសិកម្ម បានប្រាប់កម្ពុជាថ្មីយ៉ាងខ្លីថា ក្រសួងកំពុងតែរៀបចំត្រួតពិនិត្យពិធីសារនៃការនាំចេញនេះ។
សូមបញ្ជាក់ថា កាលពីថ្ងៃទី ៦ ខែធ្នូ ឆ្នាំ ២០២១ លោក វ៉ាង វិនធៀន ឯកអគ្គរដ្ឋទូត នៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា បានថ្លែងនៅក្នុងពិធីសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ ១១ (អ្នកលឿង-ថ្នល់ទទឺង)ថា ចិន កំពុងសិក្សាអំពីលទ្ធភាពនៃការនាំចេញត្រីប្រាទៅកាន់ទីផ្សារប្រទេសចិននាពេលឆាប់ៗខាងមុខនេះ។
លោក វ៉ាង វិនធៀន បានថ្លែងដូច្នេះថា« ខ្ញុំមានដំណឹងល្អចំនួនពីរ ទី១ភាគីចិនបានសម្រេចចិត្តធ្វើការសិក្សាវិភាគហានិភ័យលើផ្លែមៀន និងត្រីប្រារបស់កម្ពុជា តាមរយៈវីដេអូពីចំងាយ ជាវិធានការដ៏សំខាន់មួយ ដើម្បីអនុវត្តកូសង់ស៊ីស ក្នុងកិច្ចប្រជុំតាមរយៈវីដេអូរវាងលោក លី ឃើឈាង នាយករដ្ឋមន្រ្តីចិន ជាមួយសម្តេចតេជោ ហ៊ុន សែន…ប្រសិនបើរលូន មៀន និងត្រីប្រាកម្ពុជា នឹងនាំចេញទៅប្រទេសចិនក្នុងពេលដ៏ខ្លីខាងមុខនេះ»៕
អត្ថបទ៖ ទួន សុផល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ