ព័ត៌មានជាតិ
គ.ជ.ប សម្រេចប្តឹងមន្ត្រីគណបក្សសម្ព័ន្ធដើម្បីប្រជាធិបតេយ្យ ទៅតុលាការ
គណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃចន្ទ ទី៧ ខែធ្នូ ឆ្នាំ២០២០ នេះ បានដាក់ពាក្យប្តឹងឈ្មោះ អ៊ី សាំងឡេង (តំណាងគណបក្សសម្ព័ន្ធដើម្បីប្រជាធិបតេយ្យ LDP) ទៅកាន់សាលាដំបូងរាជធានីភ្នំពេញ ពីបទបរិហារកេរ្តិ៍ជាសាធារណៈ, ជេរប្រមាថជាសាធារណៈ និងញុះញង់ឱ្យប្រព្រឹត្តបទឧក្រិដ្ឋជាអាទិ៍។
ការសម្រេចដាក់ពាក្យប្តឹងនេះ ដោយសារតែឈ្មោះ អ៊ី សាំងឡេង បានធ្វើឲ្យប៉ះពាល់កិត្តិយស និងសេចក្តីថ្លៃថ្នូររបស់ស្ថាប័ន គ.ជ.ប ដោយលើកឡើងថា “ច្បាស់ណាស់ គ.ជ.ប មួយនេះ គឺជាចោរ ! គឺជាចោរបំផ្លាញជាតិរបស់ពួកយើងដ៏អាក្រក់បំផុត ! គឺពួកគេនេះហើយ ជាអ្នកអនុវត្តផែនការចុះឈ្មោះមនុស្សដោយខុសច្បាប់ ដើម្បីធានាថាបរទេសនៅតែអាចត្រួតត្រាខ្មែរបាននោះ ! ភស្តុតាងនេះវាច្បាស់ជាងថ្ងៃទៅទៀត។ ខ្ញុំថាពួកគេគឺជាចោរបែបនេះ ចាំមើលគេមានអ្វីយកមកបដិសេធទៀតមើល ! ”។
លោក ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានប្រាប់កម្ពុជាថ្មីរសៀលនេះថា ឈ្មោះ អ៊ី សាំងឡេង គឺជាតំណាងគណបក្សសម្ព័ន្ធដើម្បីប្រជាធិបតេយ្យ LDP។
បទល្មើសខាងលើ បានប្រព្រឹត្តកាលពីអំឡុងខែវិច្ឆិកា ឆ្នាំ២០២០ តាមប្រព័ន្ធទូរគមនាគមន៍សោតទស្សន៍ ដោយភ្ជាប់ជាមួយសារ ដែលធ្វើឱ្យមានការភាន់ច្រឡំ នាំឱ្យបាត់បង់ទំនុកចិត្តលើស្ថាប័ន គ.ជ.ប ក៏ដូចជាមកលើការបោះឆ្នោត។
មាត្រា៤១ នៃរដ្ឋធម្មនុញ្ញចែងថា “ប្រជាពលរដ្ឋខែ្មរមានសេរីភាពខាងការបញ្ចេញមតិរបស់ខ្លួន សេរីភាពខាងសារព័ត៌មាន សេរីភាពខាងការបោះពុម្ពផ្សាយ សេរីភាពខាងការប្រជុំ។ ជនណាក៏ដោយ មិនអាចឆ្លៀតប្រើសិទ្ធិនេះ ដោយរំលោភនាំឲ្យប៉ះពាល់ដល់កិត្តិយសរបស់អ្នកដទៃ ដល់ទំនៀមទម្លាប់ល្អរបស់សង្គម ដល់សណ្តាប់ធ្នាប់សាធារណៈ និងដល់សន្តិសុខជាតិបានឡើយ”។
លោក សោម សូរីដា អគ្គលេខាធិការរង គ.ជ.ប និងជាតំណាងឲ្យ គ.ជ.ប ក្នុងការដាក់បណ្តឹងនេះ បានថ្លែងថា ក្រមព្រហ្មទណ្ឌ នៃព្រះរាជាណាចក្រកម្ពុជា ក៏បានកំណត់អំពីព្រំដែននៃសិទ្ធិនេះដែរថា មិនត្រូវប្រើប្រាស់សិទ្ធិរបស់ខ្លួនធ្វើឲ្យប៉ះពាល់ដល់បុគ្គលដទៃ និងសង្គមជាតិឡើយ គឺទី១, ប៉ះពាល់ដល់បុគ្គល រួមមាន ការប៉ះពាល់ដល់សិទ្ធិខាងរូបភាព សិទ្ធិលំនៅឋាន និងការបរិហារកេរ្តិ៍ផ្សេងៗ ដែលនាំឲ្យប៉ះពាល់ដល់កិត្តិយសបុគ្គលដែលបុគ្គលនៅទីនេះរួមមានទាំងរូបវន្តបុគ្គល និងនីតិបុគ្គល។ ទី២, ការប៉ះពាល់ដល់សង្គមជាតិដូចជា ការប្រើសិទ្ធិនោះនាំឲ្យប៉ះពាល់ដល់សណ្តាប់ធ្នាប់សាធារណៈធ្ងន់ធ្ងរ ឬមានចរិតលក្ខណៈញុះញង់ ដែលនាំឱ្យបាត់បង់នូវសន្តិសុខជាតិ។
លោក សោម សូរីដា បញ្ជាក់ថា ការចែកចាយព័ត៌មាន ឬបញ្ចេញមតិតាមរយៈបណ្តាញសង្គម ដោយធ្វើការអះអាងបំផ្លើស ឬការទម្លាក់កំហុសដោយទុច្ចរិត ដែលនាំឲ្យប៉ះពាល់ដល់កិត្តិយស ឬកិត្តិសព្ទរបស់អ្នកដទៃ ឬស្ថាប័នណាមួយរួមទាំងការចែកចាយព័ត៌មានមិនពិត ដែលមានលក្ខណៈញុះញង់ឲ្យមានការប្រព្រឹត្តអំពើហិង្សា ឬបង្កអសន្តិសុខដល់សង្គម គឺជាបទល្មើសព្រហ្មទណ្ឌ ដែលអ្នកប្រព្រឹត្តត្រូវទទួលទោសតាមច្បាប់ជាធរមាន៕
ដោយ ៖ កោះកែវ
សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស
Update៖ ករណីគ្រោះថ្នាក់រថភ្លើងបុករថយន្ដដឹកអ្នកដំណើររបួសសរុប៤៦នាក់ ក្នុងនោះមានតៃកុងរថភ្លើងម្នាក់
កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការសិក្សារបស់សិស្ស
ពលរដ្ឋឃុំទួលគគីរ មិនបារម្ភខ្វះទឹកសាបប្រើប្រាស់អំឡុងរដូវប្រាំង
លំដាប់ A ប៉ះគ្នា ឡៅ ចិត្រា ជួប លន បញ្ញា ដណ្តើមខ្សែក្រវាត់មានប្រាក់រង្វាន់៤០លានរៀល
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៦ ម៉ោង agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ agoលម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore