ព័ត៌មានជាតិ

ពលរដ្ឋក្នុងខេត្តកំពង់ចាម បានចូលរួមការពារជំងឺកូវីដ ១៩

បានផុស

៦ years មុន

នៅ

ថ្ងៃចន្ទ ៧ ធ្នូ ២០២០

ដោយ

កំពង់ចាម ៖ ប្រជាពលរដ្ឋដែលរស់នៅក្នុងខេត្តកំពង់ចាម កំពុងបានចូលរួមក្នុងការទប់ស្កាត់ ការឆ្លងរីករាលដាលជំងឺកូវីដនៅតាមសហគមន៍ និងនៅតាមទីប្រជុំជន ជាក់ស្ដែងនៅផ្សារបឹងកុកក្រុងកំពង់ចាម គណៈអាជីវករផ្សារធ្វើការចុះផ្សព្វផ្សាយណែនាំអប់រំណែនាំ និងបានចែកម៉ាស់ ការដបអាកុលគ្រប់ច្រកចេញចូលក្នុងផ្សារក្នុងបង្កើនការប្រុងប្រយ័ត្នក៏ដូចការចូលរួមសហការជាមួយអាជ្ញាធរខេត្ត និងក្រសួងសុខាភិបាល ដើម្បីទប់ស្កាត់ការឆ្លងរីករាលដាលជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ឡុង ឆៃអ៉ី ប្រធានគណៈអាជីវករផ្សារបឹងកុក បានឲ្យដឹងថា ក្រោយពីមានការណែនាំរបស់ប្រមុខរាជរដ្ឋាភិបាលកម្ពុជា និងដើម្បីចូលរួមប្រយុទ្ធប្រឆាំងការឆ្លងរីករាលដាលជំងឺកូវីដតាមសហគមន៍ ជាពិសេសបង្កើនការទប់ស្កាត់បង្ការការពារ ដោយខាងគណៈអាជីវករបានចែកម៉ាស់ ដាក់ដកអាល់កុលតាមច្រកចេញចូល និងបានចុះផ្សព្វផ្សាយណែនាំពីវិធានការការពារជំងឺកូវីដ១៩ឲ្យបានខ្ជាប់ខ្ជួន។

លោកស្រី បានបន្តទៀតថា ក្រោយពីមានលេចលឺព័ត៌មានក្លែងក្លាយបំពុលសង្គម ផ្សាយថាមានអ្នកដូរលក់ក្នុងផ្សារបឹងកុកកើតជំងឺកូវីដ១៩នេះ ទើបបង្កការភ្ញាក់ផ្អើលដល់ប្រជាពលរដ្ឋទូទាំងខេត្ត។ លោកស្រីឆៃអ៊ី ក៏បានអំពាវនាវបន្ថែមដែរថា អ្នកលក់ដូរ ឬអាជីវករក្នុងផ្សារបឹងកុកពុំមានអ្នកណាកើតឬឆ្លងជំងឺកូវីដ១៩ ពោលគែសូមឲ្យបងប្អូនប្រជាពលរដ្ឋទាំងអស់ស្តាប់តាមសេចក្តីព័ត៌មានរបស់អាជ្ញាធរខេត្តនិងជាពិសេសក្រសួងសុខាភិបាល។

គូសបញ្ជាក់ផងដែរថា រដ្ឋបាលសាលាខេត្តកំពង់ចាម ក្រោមការដឹកនាំបញ្ជាផ្ទាល់ពីសំណាក់ លោក អ៊ុន ចាន់ដា អភិបាលខេត្តកំពង់ចាម បានជំរុញដល់មន្ត្រី អាជ្ញាធរក្រុង-ស្រុកទាំង១០ បង្កើនការផ្សព្វផ្សាយ និងណែនាំពីការវិធានការពារទប់ស្កាត់ការឆ្លងរីករាលដាលតាមសហគមន៍ គឺធ្វើយ៉ាងណាត្រូវឲ្យពលរដ្ឋចូលរួមសហការជាអាជ្ញាធរ ទាំងការរស់នៅ និងប្រកបមុខរបរប្រចាំថ្ងៃ៕