ព័ត៌មានជាតិ

អាជ្ញាធរខណ្ឌទួលគោក ជួសជុលផ្លូវមួយខ្សែប្រវែង១០០ម៉ែត្រ ដើម្បីសម្រួលចរាចរណ៍ដល់អ្នកធ្វើដំណើរ

បានផុស

២ years មុន

នៅ

ថ្ងៃចន្ទ ២០ ធ្នូ ២០២១

ដោយ

កំណាត់ផ្លូវលេខ២៥៩មួយខ្សែដែលមានប្រវែងប្រមាណជាង១០០ម៉ែត្រ ត្រូវបានអាជ្ញាធរខណ្ឌទួលគោកធ្វើការជួសជុលឡើងវិញ ក្រោយពីខូចខាតដោយកន្លែងខ្លះមានជង្ហុកសំបុកមាន់ ដើម្បីសម្រួលការធ្វើចរាចរណ៍របស់បងប្អូនប្រជាពលរដ្ឋ និងម្យ៉ាងទៀតដើម្បីជាការលើកសោភណ្ឌភាពរាជធានីភ្នំពេញ ឲ្យមានភាពស្រស់បំព្រង សមជាទីក្រុងដែលជាបេះដូងនៃព្រះរាជាណាចក្រកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំណាត់ផ្លូវលេខ២៥៩ដែលត្រូវជួសជុលនេះ គឺចាប់ផ្ដើមពីផ្លូវសហព័ន្ធរុស្ស៊ី ដល់ផ្លូវកម្ពុជាក្រោមស្ថិតនៅក្នុងសង្កាត់ទឹកល្អក់ទី១ ខណ្ឌទួលគោក ។

លោក ប៉ិច សុខឃឿន ចៅសង្កាត់ទឹកល្អក់ទី១ បានមានប្រសាសន៍បញ្ជាក់ឲ្យដឹងនៅព្រឹកថ្ងៃទី២០ខែធ្នូ ឆ្នាំ២០២១នេះថា អនុវត្តតាមការណែនាំរបស់លោក ឃួង ស្រេង អភិបាលរាជធានីភ្នំពេញ គឺបានជំរុញអោយអាជ្ញាធរខណ្ឌ សង្កាត់ ធ្វើការជួយជួសជុលកំណាត់ផ្លូវដែលខូចខាតឡើងវិញ ដើម្បីសម្រួលការធ្វើចរាចរណ៍របស់បងប្អូនប្រជាពលរដ្ឋ ។

ជាក់ស្តែងនៅថ្ងៃទី២០ ខែធ្នូនេះ យើងបានធ្វើការជួសជុលអ៊ុតកៅស៊ូផ្លូវ២៥៩ ដោយចាប់ពីផ្លូវសហព័ន្ធរុស្ស៊ីរហូតដល់ផ្លូវកម្ពុជាក្រោម ។ ការជួសជុល ផ្លូវ២៥៩នេះ គឺត្រូវជួសជុលដោយអ៊ុតកៅស៊ូ អាស់ហ្វា ដោយចាប់ផ្តើមអនុវត្តចាប់ពីព្រឹកថ្ងៃទី២០ ខែធ្នូ ឆ្នាំ២០២១ ដោយធ្វើការជួសជុលតែមួយថ្ងៃប៉ុណ្ណោះ ដែលជាគម្រោងមូលនិធិសង្កាត់ឆ្នាំ២០២១៕

អត្ថបទ៖ ស្រីរ័ត្ន