Connect with us

ព័ត៌មានអន្ដរជាតិ

មហាសេដ្ឋីអូស្ត្រាលីម្នាក់ ប្រកាសគម្រោង ធ្វើឱ្យកប៉ាល់ទីតានិករស់ឡើងវិញ

បានផុស

នៅ

មហាសេដ្ឋីអូស្ត្រាលីម្នាក់ បានប្រកាសពីគម្រោងសាងសង់កប៉ាល់ទីតានិក ឡើងវិញ ជាមួយនឹងខ្ទង់ចំណាយរហូតដល់ ជាង ៦រយលានដុល្លារ ។ នេះបើយោងតាមការផ្សាយរបស់សារព័ត៌មាន The Start នៅថ្ងៃទី២០ ខែមីនា ឆ្នាំ ២០២៤ ។

លោក Clive Palmer បង្ហាញគម្រោង កប៉ាល់ទីតានិកទី២ (រូបភាព÷ The Start)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានឱ្យដឹងថា មហាសេដ្ឋីខាងលើមានឈ្មោះ Clive Palmer អ្នកជំនួញផ្នែករុករករ៉ែមាស ហើយសម្រាប់គម្រោងសាងសង់កប៉ាល់ទីតានិកទី២ នេះ គាត់បានលើកឡើង២ដងរួចមកហើយ ប៉ុន្តែត្រូវបានបរាជ័យ ដោយលើកទី១ កាលពីឆ្នាំ ២០១២ និងលើកទី២ កាលពីឆ្នាំ ២០១៨ ។ ប៉ុន្តែសម្រាប់គម្រោងលើកនេះ លោក Clive Palmer បានប្ដេជ្ញាថា នឹងធ្វើឱ្យល្អបំផុត ។

រូបភាពក្នុងគម្រោងកប៉ាល់ទីតានិកទី២ (រូបភាពដោយ÷ The Start)

លោក Clive Palmer បាននិយាយអំពីផែនការរបស់គាត់យ៉ាងដូច្នេះថា ការសាងសង់កប៉ាល់កម្សាន្តទីតានិកទី២ នឹងកំណត់រយៈពេលរួចរាល់នៅឆ្នាំ ២០២៧ ហើយពេលរួចរាល់លោកនឹងកំណត់គោលដៅសម្រាប់ចេញដំណើរដូចគ្នានឹងកប៉ាល់ទីតានិកចាស់ដែរ ពោលគឺចាប់ផ្ដើមចេញដំណើរពីទីក្រុង Southampton ទៅ New York ។

លើសពីនេះសម្រាប់អ្នកទេសចរទាំងអស់ នឹងតម្រូវឱ្យស្លៀកសម្លៀកបំពាក់ជំនាន់ទសវត្សរ៍ឆ្នាំ ១៩០០ ហើយសម្រាប់សំបុត្រក៏នឹងចែកចេញជា៣ថ្នាក់ គឺថ្នាក់ទីមួយ ថ្នាក់ទីពីរ និងថ្នាក់ទីបី ។ សរុបមករបៀបរបបនៃការរៀបចំដំណើរកម្សាន្តនៅលើកប៉ាល់ទីតានិកទី២ គឺនឹងរៀបចំឱ្យដូចគ្នាទៅនឹងកប៉ាល់ទីតានិកដើមទាំងអស់ ។

ជាមួយគ្នានេះលោក Clive Palmer បានបង្ហើបថា គម្រោងសាងសង់កប៉ាល់ទីតានិកថ្មីនេះ គឺលោកនឹងរៀបចំឱ្យល្អបំផុត ហើយលោកពិតជាសប្បាយចិត្តព្រោះយ៉ាងណាវាក៏ល្អជាងការទុកលុយនៅផ្ទះដែរ ។

សូមជម្រាបជូនថា នៅថ្ងៃទី ១៥ ខែមេសា ឆ្នាំ ១៩១២ កប៉ាល់ទីតានិកបានបុកផ្ទាំងទឹកកកនៅមហាសមុទ្រអាត្លង់ទិក ហើយបានលិចកំឡុងពេលធ្វើដំណើរពី Southampton ទៅ New York ដោយបានសម្លាប់អ្នកដំណើរ និងនាវិកប្រមាណ ១.៥០០ នាក់។សោកនាដកម្មនេះបានបំផុសគំនិតលោក James Cameron ឱ្យផលិតភាពយន្តរឿង Titanic ហើយទទួលបានភាពល្បីល្បាញ រហូតដល់ឈ្នះពានរង្វាន់អូស្ការឆ្នាំ ១៩៩៧ ៕

ប្រែសម្រួលដោយ÷ ប៉ោ កុសល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម