Connect with us

ព័ត៌មានជាតិ

មន្ទីរសុខាភិបាលភ្នំពេញ នឹងពង្រាយគ្រូពេទ្យ ៨០នាក់ តាមមណ្ឌលប្រឡងបាក់ឌុប ត្រៀមសង្រ្គោះបេក្ខជនមាន​បញ្ហាសុខភាព

បានផុស

នៅ

មន្ទីរសុខាភិបាលរាជធានីភ្នំពេញ នឹងដាក់ពង្រាយក្រុមគ្រូពេទ្យប្រមាណ ៨០នាក់ នៅតាមមណ្ឌលប្រឡងបាក់ឌុបទាំង ២៨ ដើម្បីត្រៀមជួយសង្គ្រោះ ដល់បេក្ខជនពេលមាន បញ្ហាសុខភាពស្រាលៗនៅក្នុងកំឡុងពេលប្រឡង។

លោកវេជ្ជបណ្ឌិត ងី មានហេង ប្រធានមន្ទីរសុខាភិបាល រាជធានីភ្នំពេញ បានមានប្រសាសន៍នៅរសៀលថ្ងៃទី ២៥ ខែធ្នូនេះ ថា ការប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី ២៧ និង ២៨ធ្នូខាងមុខ មន្ទីរសុខាភិបាលរាជធានីភ្នំពេញ នឹងចាត់ក្រុមសង្គ្រោះបឋមចំនួន ២៨ក្រុម ប្រចាំការនៅតាមមណ្ឌលប្រឡងនីមួយៗ ដោយក្នុងមួយក្រុមមួយមណ្ឌលចាប់ពី ២ទៅ ៣នាក់ តាមមណ្ឌលធំតូច។

លោកប្រធានមន្ទីរ បានបន្តថាជា ធម្មតាពេលប្រឡងបាក់ឌុបម្តងៗ បេក្ខជនប្រឡតែងតែជួបបញ្ហាសុខភាពស្រាលៗ មួយចំនួន ដូចជា៖ ឈឺក្បាល វិលមុខ ក្តៅខ្លួន សន្លប់ដោយសារភ័យជាដើម។មានបេក្ខជនខ្លះ ត្រូវប្រឡងនៅលើរថយន្តសាម៉ុយក៏មាន។

លោកប្រធានមន្ទីរ បានបន្តទៀតថា មន្ទីរបានត្រៀមរថយន្តសង្គ្រោះបន្ទាន់​​​ប្រចាំការ នៅមន្ទីរពេទ្យបង្អែកទាំង ៨ផងដែរ ក្នុងករណីមានបេក្ខជនណាម្នាក់ មានបញ្ហាសុខភាពធ្ងន់ធ្ងរ ត្រូវបញ្ជូនទៅសង្គ្រោះបន្ទាន់នោះ។

លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា រាជធានីភ្នំពេញ បានមានប្រសាសន៍ថាឆ្នាំនេះ មានបេក្ខជនចូលរួម ប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនៅមណ្ឌលប្រឡងរាជធានីភ្នំពេញចំនួន ២០៧៧៩នាក់ មាន ២៨មណ្ឌល ចែកជា ៨៤០បន្ទប់។ តួលេខនេះ មានការថយចុះ ៩២៧នាក់ បើធៀបទៅនឹងឆ្នាំមុន ដែលមានបេក្ខជនចំនួន ២១៧០៦នាក់។

លោក បានមានប្រសាសន៍បន្តថា នៅក្នុងដំណើរការប្រឡងបាក់ឌុបនេះ យើងនឹងបិទអាជីវកម្មថតចម្លងនៅជិតមណ្ឌលប្រឡង ១ថ្ងៃ មុនការប្រឡង ហើយសកម្មភាពអាជីវកម្ម ដែលបញ្ចេញសំឡេងឮខ្លាំង ដែលធ្វើឲ្យមានការរំខានដល់បេក្ខជន ក៏ត្រូវបានបិទដូចគ្នាដែរ ដើម្បីឲ្យដំណើរការប្រឡងប្រព្រឹត្តិទៅដោយរលូន និងលទ្ធផល អាចទទួលយកបានទាំងអស់គ្នា។

លោកបានបន្តទៀតថា ចំពោះកម្លាំងការពារមណ្ឌលប្រឡង រួមមានមន្ត្រីប៉ូលីស និងមន្ត្រីកងរាជអាវុធហត្ថ ត្រូវបានដាក់ការពារ នៅជុំវិញមណ្ឌលប្រឡង ដើម្បីការពារសន្តិសុខសណ្តាប់ធ្នាប់ និងជួយសម្រួលចរាចរណ៍ ដល់បេក្ខជនពេលមកប្រឡង និងចេញពីមណ្ឌប្រឡង។

លោកប្រធានមន្ទីរ បានបន្តទៀតថា ចំពោះដំណើរការប្រឡង គឺយើងអនុវត្តដូចមុនពេលឆ្លងជំងឺកូវីដ-១៩ ដដែលទេ មិនមានការប្រែប្រួលឡើយ ហើយអ្វីដែលក្រសួងបានដាក់ចេញ មន្ទីរបានប្រជុំផ្សព្វផ្សាយរួចរាល់ហើយ ដើម្បីឲ្យមន្ត្រីអប់រំអនុវត្ត ប្រកបដោយទទួលខុសត្រូវខ្ពស់។

គួរបញ្ជាក់ថា សម្រាប់ការប្រឡងបាក់ឌុប នៅថ្ងៃទី ២៧ និង ២៨ខែធ្នូខាងមុខនេះ មានបេក្ខជនចុះឈ្មោះប្រឡងសរុប ១១៤ ១៨៣នាក់ ស្រី៦០ ៣៩៧នាក់។ ដោយឡែក មណ្ឌលសំណេរ មានចំនួនសរុប ២០៤ មណ្ឌល ត្រូវជ ៤ ៦១៦ បន្ទប់។ បេក្ខជនត្រូវបានរៀបចំចំនួន ២៥នាក់ ក្នុងមួយបន្ទប់ លើកលែងតែបន្ទប់ចុងក្រោយ និងបន្ទប់ ដែលមានបេក្ខជន មកពីវិទ្យាល័យអប់រំពិសេស៕

អត្ថបទ៖ សំអឿន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១៥ នាទី មុន

ធ្លាយចចាមអារ៉ាមថា មេ MU ថៃ ត្រូវតុលាការចេញដីកាចាប់ខ្លួនពីបទឆបោក

ព័ត៌មានជាតិ២២ នាទី មុន

ទៅ​លេង​សៀមរាប​ ចាយត្រឹម ៥ ដុល្លារ ទទួល​​បទ​ពិសោធន៍​​ជិះ​កន្រ្តក​វិល​ខ្ពស់​បំផុត​ទី ៣ នៅ​អាស៊ាន

ព័ត៌មានជាតិ៣៤ នាទី មុន

គិត​ត្រឹម​ឆ្នាំ ២០២២ កម្ពុជាសម្រេចសាងសង់ផ្លូវសរុបបា​ន​ប្រវែងប្រមាណ ៦៦ ៧២៣​ គីឡូម៉ែត្រ

ជីវិតកម្សាន្ដ១ ម៉ោង មុន

មុនលាចាកលោក តួប្រុសរឿង នាងណាត ថៃ បន្សល់ស្នាដៃធំ ៥ សុទ្ធតែល្បីរន្ទឺប្រចាំប្រទេស

ព័ត៌មានអន្ដរជាតិ១ ម៉ោង មុន

រុស្ស៊ី ថា អាមេរិក គួរតែប្រញាប់ប្រាប់ព័ត៌មានរឿងវាយប្រហារភេរវកម្មនៅ​ក្រុងមូស្គូឲ្យហើយមក

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម