ព័ត៌មានជាតិ
ខេត្តមណ្ឌលគិរីរៀបចំខួប ៦០ ឆ្នាំ នឹងតាំងបង្ហាញជីវប្រវត្តិថ្នាក់ដឹកនាំគ្រប់ជំនាន់
ខេត្តមណ្ឌលគិរីនឹងរៀបចំខួប ៦០ ឆ្នាំ ដោយនឹងមានរៀបចំការបាញ់កាំជ្រួចដើម្បីអបអររួមទាំងការដាក់បង្ហាញប្រវត្តិថ្នាក់ដឹកនាំខេត្តនៅគ្រប់ជំនាន់។
បើតាមមន្រ្តីអ្នកនាំពាក្យខេត្តមណ្ឌលគិរីលោក ជាក់ ម៉េងហ៊ាង បានឲ្យកម្ពុជាថ្មីដឹងថា ការរៀបចំខួប ៦០ ឆ្នាំនៃការបង្កើតខេត្តមណ្ឌលគិរីនៅថ្ងៃស្អែកនេះ អាជ្ញាធរនឹងរៀបចំតាំងពិព័រណ៍សមិទ្ធផលពីមន្ទីរជុំវិញខេត្ត រួមទាំងមានការបាញ់កាំជ្រួចអបអរសាទរផងដែរ។
លោកថា ក្នុងពិធីនោះក៏មានការដាក់តាំងបង្ហាញជីវប្រវត្តិថ្នាក់ដឹកនាំខេត្តគ្រប់ជំនាន់ ក្នុងរយៈពេល ៦០ ឆ្នាំ តាំងពីខេត្តបានបង្កើតលើកដំបូង។
ខេត្តមណ្ឌលគិរី បង្កើតឡើងក្នុងឆ្នាំ១៩៦១ ដោយព្រះបរមតរនកោដ្ឋព្រះករុណាព្រះបាទសម្ដេច ព្រះនរោត្តម សីហនុ។ ខេត្តមណ្ឌលគិរី គឺជាខេត្តមួយស្ថិតនៅភូមិភាគឥសាន្ត មានចម្ងាយប្រហែល ៣៨២គីឡូម៉ែត្រ ពីរាជធានីភ្នំពេញ។ ផ្ទៃដីភាគច្រើនខេត្តនេះគ្របដណ្តប់ដោយព្រៃឈើ ប្រជុំភ្នំ និងខ្ពង់រាប សំបូរដោយជ្រលងដងអូរជាច្រើន។
បើតាមលោកអភិបាលរងខេត្តនិងជាអ្នកនាំពាក្យខេត្តមណ្ឌលគិរី ការរៀបចំកម្មវិធីខួប ៦០ ឆ្នាំ ក៏ភ្ជាប់ពិធីបុណ្យឆ្លងឆ្នាំ ដែលតាមលោកអភិបាលរងខេត្តបានបញ្ជាក់ឲ្យកម្ពុជាថ្មីដឹងថា មកដល់ពេលនេះសណ្ឋាគារនិងផ្ទះសំណាក់មានការកក់ពេញអស់ហើយ។
មន្រ្តីអ្នកនាំពាក្យខេត្តរូបនេះបានឲ្យដឹងថា ខេត្តមណ្ឌលគិរីគឺជាខេត្តដែលមានសក្តានុពលខ្លាំងក្នុងវិស័យអេកូទេសចរណ៍។ ខេត្តមានធនធាន និងតំបន់ទាក់ទាញទេសចរណ៍ ដែលភ្ញៀវទេសចរណ៍ចូលចិត្តមកកម្សាន្ត។
បើតាមមន្ទីរទេសចរណ៍ខេត្តមណ្ឌលគិរី ទូទាំងខេត្តមានតំបន់ទេសចរណ៍ចំនួន ៣៦កន្លែង មានដូចជាតំបន់រមណីយដ្ឋានទឹកធ្លាក់ តំបន់រមណីយដ្ឋានវប្បធម៌ជនជាតិដើមភាគតិច តំបន់ភ្នំ តំបន់ទេសភាព ភូមិជនជាតិ សមុទ្រឈើ សហគមន៍ទេសចរណ៍ ដែនជម្រកសត្វព្រៃ និងមានអាកាសធាតុត្រជាក់៕
អត្ថបទ៖ ប៊ុណ្ណារ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ