ព័ត៌មានជាតិ

ករណីស្ទះចរាចរណ៍រាល់ម៉ោងធ្វើការនៅច្បារអំពៅធ្វើឲ្យអ្នកដំណើរធុញថប់

បានផុស

៥ years មុន

នៅ

ថ្ងៃពុធ ១២ មករា ២០២២

ដោយ

ភ្នំពេញ ៖ ជារៀងរាល់ថ្ងៃអ្នកធ្វើដំណើរចេញពីច្បារអំពៅឆ្លងស្ពានព្រមុនីវង្សចាស់ចូលទៅរាជធានីច្រើននាំគ្នាធុញថប់ទៅនឹងករណីកករស្ទះចរាចរណ៍នៅកំណាត់ផ្លូវជាតិលេខ១រាល់ម៉ោងចេញនិងចូលធ្វើការរបស់មន្ត្រីរាជការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោក ជា សារុន រស់នៅភូមិមិត្តភាព សង្កាត់ព្រែកឯងខណ្ឌច្បារអំពៅបានប្រាប់ ចាប់តាំងបើកប្រទេសឡើងវិញ គឺករណីកករស្ទះចរាចរណ៍សឹងគ្រប់កន្លែង ប៉ុន្តែក្នុងនោះនៅផ្លូវជាតិលេខ១ចាប់ពីបុរីប៉េង ហួត ដល់គល់ស្ពានព្រះមុនីវង្សចាស់ ថ្មី ខ្លាំងជាងគេបើទោះបីជាកម្លាំងនគរបាលនិងកម្លាំងកងរាជអាវុធហត្ថខណ្ឌច្បារអំពៅចុះរៀបចំសណ្តាប់ធ្នាប់ចរាចរណ៍ក៏នៅតែស្ទះដដែល។

តាមការបញ្ជាក់ពីលោក វរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុកសណ្តាប់ធ្នាប់ចរាចរណ៍បានឲ្យដឹងថារាល់ម៉ោងដែលមន្ត្រីរាជការចេញនឹងចូលធ្វើការគឺចរាចរណ៍តែងកករស្ទះចាប់ពីបុរីប៉េង ហួត រហូតដល់គល់ស្ពានព្រះមុនីវង្សថ្មី ចាស់ប្រាកដមែន។ ហើយការកករស្ទះនេះគឺស្ទះតាំងពីរវង្វង់មូលក្បាលថ្នល់ ច្រមុះជ្រូកកែងផ្លូវ៦០ម៉ែត្រមកម្ល៉េះ។

លោកអធិការរងបានសំណូមពរដល់បងប្អូនប្រជាពលរដ្ឋដែលមានលំនៅឋានជាប់ផ្លូវបញ្ឈប់ការឈប់សំចតរថយន្ត ឬ ដាក់លក់អីវ៉ាន់លើចិញ្ចើមដែលងាយនឹងកករស្ទះចរាចរណ៍ខ្លាំងណាស់៕

ដោយ ៖ នរា