ព័ត៌មានជាតិ
ក្រសួងទេសចរណ៍ ចង់យកបច្ចេកវិទ្យា Blockchain Financial របស់ថៃមកប្រើប្រាស់ក្នុងវិស័យទេសចរណ៍នៅកម្ពុជា
ក្រសួងទេសចរណ៍កម្ពុជា កំពុងចាប់អារម្មណ៍ចង់យកបច្ចេកវិទ្យាឌីជីថល Blockchain Financial ពីប្រទេសថៃមកប្រើប្រាស់លើឧស្សាហកម្មទេសចរណ៍នៅកម្ពុជា ដើម្បីទាក់ទាញភ្ញៀវទេសចរជាតិអន្តរជាតិបានកាន់តែច្រើនបន្ថែមទៀត។ បច្ចេកវិទ្យាឌីជីថល Blockchain Financialនេះ កំពុងមានការពេញនិយមប្រើប្រាស់ខ្លាំងនៅក្នុងឧស្សាហកម្មទេសចរណ៍ថៃ។
ការចង់នាំយកបច្ចេកវិទ្យាឌីជីថល Blockchain Financialនេះ ត្រូវបានបញ្ជាក់ឲ្យដឹងដោយលោកបណ្ឌិត សុខ សុក្រឹត្យា ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជារដ្ឋលេខាធិការក្រសួងទេសចរណ៍កម្ពុជា។ លោកបណ្ឌិត សុខ សុក្រឹត្យា កាលពីពេលថ្មីៗនេះ បានជួបពិភាក្សាការងារជាមួយលោក Jirayut Supsrisopha ប្រធាន និងជាអគ្គនាយកក្រុមហ៊ុន Bitkub Capital Group Holdings Co., LTD. (Thailand) ជាក្រុមហ៊ុនប្រើប្រាស់ផ្នែកបច្ចេកវិទ្យាឌីជីថលBlockchain Financialមួយនៅប្រទេសថៃ។
លោក សុខ សុក្រឹត្យា បានអះអាងថា ការជួបពិភាក្សាជាមួយម្ចាស់ក្រុមហ៊ុននេះគឺ ដើម្បីសិក្សាស្វែងយល់ឲ្យបានស៊ីជម្រៅថែមទៀតអំពីការប្រើប្រាស់ប្រព័ន្ធបច្ចេកវិទ្យាឌីជីថល និងដើម្បីសិក្សានាំយកប្រព័ន្ធដ៏ទំនើបនេះមកប្រើប្រាស់នៅក្នុងឧស្សាហកម្មទេសចរណ៍កម្ពុជានាពេលឆាប់ៗខាងមុខនេះ។ បើតាមលោករដ្ឋលេខាធិការក្រសួងទេសចរណ៍កម្ពុជា គឺប្រព័ន្ធបច្ចេកវិទ្យានេះ នឹងធ្វើការទាក់ទាញអ្នកវិនិយោគលើវិស័យទេសចរណ៍ និងភ្ញៀវទេសចរជាតិ និងអន្តរជាតិកាន់តែច្រើន ដោយសារតែប្រព័ន្ធនេះបានផ្តល់ភាពងាយស្រួលក្នុងការគ្រប់គ្រង។
ចំណែក លោក Jirayut Supsrisopha បានផ្តល់បទពិសោធន៍ រួមទាំងចំណេះដឹងសំខាន់ៗទាក់ទងនឹងហេដ្ឋារចនាសម្ព័ន្ធដ៏ទំនើបនេះ ហើយបានបង្ហាញពីសក្តានុពល និងសារៈសំខាន់នៃការប្រើប្រាស់ប្រព័ន្ធបច្ចេកវិទ្យាឌីជីថលនេះផងដែរ។ លោកបានលើកឡើងថា ក្រុមហ៊ុន Bitkub រីករាយ និងត្រៀមសហការជាមួយរាជរដ្ឋាភិបាលកម្ពុជា ក៏ដូចជា វិស័យឯកជនដទៃទៀត ក្នុងការនាំយកប្រពន្ធ័បច្ចេកវិជ្ជាទំនើបនេះ មកប្រើប្រាស់ក្នុងការអភិវឌ្ឍប្រទេស ដើម្បីធ្វើយ៉ាងណាឲ្យកម្ពុជាកាន់តែរីកចម្រើនបន្ថែមទៀតលើវិស័យទេសចរណ៍។ លោកថា ប្រព័ន្ធបច្ចេកវិទ្យាដ៏ទាន់សម័យមួយនេះ គឺគ្មានអ្នកណាអាចលួចព័ត៌មានសម្ងាត់បាននោះឡើយ ហើយវាមានប្រព័ន្ធសន្តិសុខឌីជីថលល្អក្នុងការរក្សាទិន្នន័យរបស់អតិថិជន៕
អត្ថបទ ៖ វណ្ណ សុគន្ធា
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)