ព័ត៌មានជាតិ
ផលិតផលប្រចាំខេត្ត ៤ បានចុះបញ្ជីទំនិញសម្គាល់ភូមិសាស្រ្តកម្ពុជា
នៅថ្ងៃទី២៩ ខែមករា ខាងមុខគឺជាខួបមួយឆ្នាំកាលដែល «ទឹកឃ្មុំព្រៃមណ្ឌលគិរី» ត្រូវបានក្រសួងពាណិជ្ជកម្មចុះបញ្ជីទៅក្នុងបញ្ជីម៉ាកសម្គាល់ភូមិសាស្ត្រទំនិញកម្ពុជា (GI)។
«ទឹកឃ្មុំព្រៃមណ្ឌលគិរី» គឺជាទំនិញទី ៤ ដែលក្រសួងពាណិជ្ជកម្មបានចុះបញ្ជីទំនិញម៉ាកសម្គាល់ភូមិសាស្ត្រ បន្ទាប់ពីម្រេចកំពត ស្ករត្នោតកំពង់ស្ពឺ និងក្រូចថ្លុងកោះទ្រង់។
ការចុះបញ្ជីនេះមានន័យថា «ទឹកឃ្មុំព្រៃមណ្ឌលគិរី» នឹងត្រូវបានការពារដោយមានដើមកំណើតផ្សារភ្ជាប់ជាមួយទីតាំងភូមិសាស្ត្រជាក់លាក់ មានគុណភាព និងគុណតម្លៃច្បាស់លាស់ ព្រមទាំងធ្វើឱ្យប្រជាជន និងផលិតករក្នុងតំបន់អាចធ្វើការផ្ទេរចំណេះ និងជំនាញបន្តពីជំនាន់មួយទៅជំនាន់មួយទៀត។ នេះបើតាមការកត់សម្គាល់របស់លោកនេត ភក្រ្តា មន្រ្តីជាន់ខ្ពស់និងជាអ្នកនាំពាក្យក្រសួងបរិស្ថាន។
លក្ខណពិសេសរបស់ទឹកឃ្មុំព្រៃមណ្ឌលគិរីគឺមានរសជាតិផ្អែមឆ្ងាញ់ ខាប់ និងមានក្លិនក្រអូប។ មានសហគមន៍ចំនួន ១១ នៃសមាគមឃ្មុំព្រៃមណ្ឌលគិរី បានកំពុងអនុវត្តការប្រមូលទឹកឃ្មុំ GI ហើយក្នុងមួយឆ្នាំ សហគមន៍ទាំង ១១ នេះ ( ៩ សហគមន៍ជាសហគមន៍តំបន់ការពារធម្មជាតិនៅជុំវិញដែនជម្រកសត្វព្រៃស្រែពក និងភ្នំព្រេច) នៃសមាគមទឹកឃ្មុំព្រៃមណ្ឌលគិរីអាចប្រមូលទឹកឃ្មុំបានជាង ៥០ តោនក្នុងមួយឆ្នាំ។ រួមទាំងសហគមន៍ផ្សេងទៀត គ្រាន់តែនៅក្នុងខេត្តមណ្ឌលគិរីមួយ សហគមន៍អាចប្រមូលផលទឹកឃ្មុំព្រៃបានចន្លោះពី ១៥០ ទៅ២០០តោន ក្នុងមួយឆ្នាំ។
ក្រសួងពាណិជ្ជកម្ម ក៏គ្រោងចុះបញ្ជីម៉ាកសម្គាល់ភូមិសាស្ត្រទំនិញ «បង្កងតាកែវ» នៅចុងខែមេសា ឆ្នាំ២០២២ ដើម្បីសាងកេរ្តិ៍ឈ្មោះរបស់បង្កងខេត្តតាកែវ ជួយជំរុញឱ្យផលិតផលតំណាងខេត្តនេះឈានទៅនាំចេញទៅទីផ្សារអន្តរជាតិនាពេលខាងមុ។
មូលហេតុដែលក្រសួងពាណិជ្ជកម្មជ្រើសរើសយក «បង្កងតាកែវ» សម្រាប់កសាងម៉ាកសម្គាល់ភូមិសាស្ត្រទំនិញ ក្នុងប្រទេសកម្ពុជា គឺដើម្បីទប់ស្កាត់ការក្លែងបន្លំទំនិញសម្គាល់ភូមិសាស្ត្រ «បង្កងតាកែវ» លើទីផ្សារជាតិ ចូលរួមអភិរក្សចំណេះដឹង-ចំណេះធ្វើ របស់ផលិតករ និងអាជីវករ ក្នុងខេត្តតាកែវ បង្កើនច្រវាក់តម្លៃ និងលើកកម្ពស់ជីវភាពរស់នៅរបស់ប្រជាពលរដ្ឋក្នុងតំបន់ ទាក់ទាញភ្ញៀវទេសចរជាតិ និងអន្តរជាតិ មកទស្សនាខេត្តតាកែវ និងពិសារបង្កងតាកែវ និងដើម្បីចូលរួមប្រកួតប្រជែងពិព័រណ៌ចំណីអាហារថ្នាក់ជាតិ និងអន្តរជាតិ ពិសេសប្រទេសថៃ វៀតណាម និងចិន៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង