ព័ត៌មានជាតិ

ផ្កាអង្គារសិល៍ឆ្នាំនេះពិបាករក ខណៈផ្កាស្បៃរឿងសម្បូរជាងឆ្នាំទៅ តែតម្លៃនៅដដែល

បានផុស

៤ years មុន

នៅ

ថ្ងៃពុធ ២៦ មករា ២០២២

ដោយ

ផ្កាអង្គារសិល៍ឆ្នាំនេះត្រូវបានអ្នកលក់នាំគ្នារអ៊ូថារកដើមផ្កាយកមកលក់សឹងពុំបានប៉ុន្តែ ផ្កាស្បៃរឿងសម្បូរខ្លាំងជាងឆ្នាំទៅ។

តាមប្រភពពីប្អូនប្រុស វ៉ាន់ ចាន់នី អាយុ៤១ឆ្នាំរស់នៅភូមិបឹងកក់ ឃុំល្វែង ស្រុកកំពង់ត្រាច ខេត្តកំពង់ឆ្នាំង បានប្រាប់កម្ពុជាថ្មីថា ផ្កាអង្គាសិល៍ឆ្នាំនេះមិនសូវសម្បូរដូចរាល់ឆ្នាំ ដោយសារតែអ្នករកនៅលើភ្នំមិនសូវមានព្រោះតែមានអ្នកកាប់បំផ្លាញចោលមុនរដូវចូលឆ្នាំប្រពៃណីវៀតណាម ចិននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្អូនប្រុស វ៉ាន់នី បានបញ្ជាក់ទៀតថា ផ្កាអង្គារសិល៍នេះ គឺគាត់ទៅទិញដល់ខេត្តពោធិ៍សាត់ ខណៈខេត្តកំពង់ឆ្នាំងសឹងពុំមានទាល់តែសោះ។ ដូច្នេះហើយទើបគាត់ទៅទិញដើមផ្កាអង្គារសិល៍នេះដល់ខេត្តពោធិ៍សាត់ រួចដឹកយកមកលក់នៅផ្សារច្បារអំពៅ រាជធានីភ្នំពេញ។ ចំពោះតម្លៃលក់ចេញវិញគឺក្នុង១ដើមតូចបានថ្លៃ៥០០០រៀល ឡើងទៅដែលដើមធំហើយល្អអាចលក់បាន២០.០០០០រៀល។ចំណែកការទិញចូល គឺ១ដើមត្រឹម៣០០០០រៀល ឯដើមគុម្ពធំវិញថ្លៃ១០.០០០០រៀល។

ដោយឡែកផ្កាស្បៃរឿងវិញ គឺមានតម្លៃដូចរាល់ឆ្នាំត្រឹម៥០០០រៀលក្នុងមួយផើង។ ហើយតម្លៃទិញចូលគឺថ្លៃ៣៥០០រៀល។ចំពោះផ្កាអង្គារសិល៍នេះគឺទិញនៅក្នុងស្រុកដោយពុំបាននាំចូលពីប្រទេសវៀតណាមឡើយដោយគ្រាន់តែនាំចូលគ្រាប់ពូជពីវៀតណាមមកដាំនៅក្នុងប្រទេសកម្ពុជាយើង។

គួរបញ្ជាក់ថាចាប់តាំងពីថ្ងៃទី២៦ខែមករានេះគេសង្កេតឃើញឈ្មួញនាំយកផ្ការចម្រុះមកលក់នៅផ្សារច្បារអំពៅសម្រាប់ដាក់សែនទទួលទេវតាឆ្នាំថ្មីប្រពៃណីយ៍ជាតិ វៀតណាមនិងចិន៕

អត្ថបទ៖ នរា