ព័ត៌មានជាតិ

អគ្គិភ័យ ឆាបឆេះឃ្លាំងស្ដុកវត្ថុធាតុដើមសម្រាប់ផលិតខ្សែក្រវាត់របស់ក្រុមហ៊ុនមួយអស់ទាំងស្រុង

បានផុស

៦ years មុន

នៅ

ថ្ងៃសុក្រ ១១ ធ្នូ ២០២០

ដោយ

ឃ្លាំងស្តុបសម្ភារៈនិងវត្ថុធាតុដើម្បីផលិតខ្សែក្រវាត់របស់ក្រុម ហ៊ុន អ៊ីនធើណល យូនៀន អ៊ីនដាសស្ទ្រីល ត្រូវបានអគ្គិភ័យឆាបឆេះយ៉ាងសន្ធោសន្ធៅ នៅថ្ងៃទី១១ ខែធ្នូ ឆ្នាំ២០២០នេះ ស្ថិតក្នុងភូមិព្រៃខ្វាវ ឃុំរកាកោះ ស្រុកគងពិសី ខេត្តកំពង់ស្ពឺ បង្ករឲ្យរងការខូចខាតទាំងស្រុង តាមការប៉ាន់ស្មានចូលលានដុល្លារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលប្រាប់អោយដឹងថា ថៅកែឃ្លាំងស្តុបវត្ថុធាតុដើមដើម្បីផលិតខ្សែរក្រវ៉ាត់មាបឈ្មោះ xiao xi ji ភេទស្រី ជនជាតិ ចិន ស្ថិតនៅទីតាំងខាងលើ។

នគរបាលបានបន្តទៀតថា ករណីគ្រោះអគ្គិភ័យឆេះឃ្លាំងស្តុកទំនិញមានទំហំ 42mx 36m ដែលបង្ករអោយរួចខាតសម្ភារៈជាច្រើនរួមមាន៖ គ្រាប់ស្នោ, កាវ, តាំងប៉ាវ, និងសម្ភារៈប្រើប្រាស់ក្នុងឃ្លាំង ទាំង ស្រុងតែម្តង ។

ក្នុងករណីគ្រោះអគ្គីភ័យនោះ កម្លាំងសម្ថកិច្ចចុះប្រតិបត្ដិការជួយសង្គ្រោះ ដោយប្រើប្រាស់រថយន្តពន្លត់អគ្គិភ័យចំនួន០៧គ្រឿង ក្នុងនោះរថយន្តពន្លត់អគ្គិភ័យស្នងការដ្ឋាននគរបាលខេត្តកំពង់ស្ពឺ ចំ នួន០៥គ្រឿង, រថយន្តពន្លត់អគ្គិភ័យអធិការដ្ឋាននគរបាលស្រុកកណ្ដាលស្ទឹងចំនួន០១គ្រឿង និងរថយន្តពន្លត់អគ្គិភ័យបញ្ជាការដ្ឋានអង្គរក្សសម្តេចតេជោ ហ៊ុន សែន ចំនួន០១ គ្រឿងផងដែរ ។

តាមការស្រាវជ្រាវបឋមមន្ត្រីជំនាញ សន្និដ្ឋានថា មូលហេតុដែលបង្ករអោយអគ្គីភ័យឆាបឆេះឃ្លាំងនេះ គឺអាចមកពីឆ្លងចរន្ដអគ្គីសនី ហើយទំហំខួចខាតចូលខ្ទង់លានដុល្លារ ។

នគរបាលបានបញ្ជាក់ថា តាមរោងចក្រ សហគ្រាស សិប្បកម្ម លំនៅ ដ្ឋាន គួររៀបចំប្រព័ន្ធអគ្គិសនីអោយបានត្រឹមត្រូវមានលក្ខណៈបច្ចេកទេសជៀសវាង ការបង្កហានិភ័យ និងបំផ្លាញទ្រព្យសម្បត្ដិបែបនេះ ៕

អត្ថបទដោយ ៖ ភួង រដ្ឋា