ព័ត៌មានជាតិ
អគារពាណិជ្ជកម្មកម្ពស់ ៣៤ ជាន់ គ្រោងចំណាយថវិកាប្រមាណ ២០០លានដុល្លារ នៅព្រះសីហនុ
ក្រុមហ៊ុនចិន CLOUD ជាក្រុមហ៊ុនដ៏ធំមួយរកស៊ីលើវិស័យអចលនទ្រព្យ បានចាប់ផ្តើមសាងសង់ អគារពាណិជ្ជកម្មរបស់ខ្លួនកម្ពស់ ៣៤ ជាន់ ដែលគ្រោងនឹងចំណាយថវិកាប្រមាណជា ២០០ លានដុល្លារលើទឹកដីក្រុងព្រះសីហនុ ទោះបីជាស្ថានភាពជំងឺកូវីដ១៩កំពុង រីករាលដាលជាសកលយ៉ាងណាក៏ដោយ។
នាពេលបច្ចុប្បន្នខេត្តព្រះសីហនុអ្នកវិនិយោគ ចិននៅតែបន្តមកបណ្ដាក់ទុន និងកំពុងមានការ អភិវឌ្ឍន៍ រីកចម្រើនលើគ្រប់វិស័យជាពិសេស គឺវិស័យអចលនទ្រព្យ ដោយមានការយកចិត្តទុកដាក់ពីរាជរដ្ឋាភិបាលកម្ពុជា ក្នុងការបើកចំហជើងមេឃឲ្យអ្នកវិនិយោគទុន អន្តរជាតិ មកបណ្ដាក់ទុនរកស៊ីនៅក្នុងប្រទេសកម្ពុជា ក្នុងនោះ សម្រាប់ភូមិសាស្ត្រនៅខេត្តព្រះសីហនុ ទោះបីជាជំងឺកូវី១៩ កំពុងរីករាលដាលជាសកល ហើយប្រទេសកម្ពុជា ក៏ទទួលរងនូវជំងឺនេះផងដែរ។ តែទោះជាយ៉ាងណាក៏ដោយ ក៏អ្នកវិនិយោគទុន ប្រទេសចិននៅតែ បោះទុនវិនិយោគ យ៉ាងច្រើនសន្ធឹកសន្ធាប់ទៅលើ សំណង់អាគារពាណិជ្ជកម្មអចលនទ្រព្យធំៗ របស់ខ្លួនឥតដកថយ។
ជាក់ស្ដែង គម្រោងអាគារពាណិជ្ជកម្មកម្ពស់ ៣៤ ជាន់ ក្រុមហ៊ុនចិន CLOUD ដែលគ្រោងនឹង ចំណាយ ថវិកាប្រមាណជា ២០០ លានដុល្លារ ហើយជំហានទី ១ គឺចំណាយ ១០០ លានដុល្លារដែលមាន បន្ទប់ខុនដូ និងផ្ទះវីឡាប្រមាណជាង ១ ពាន់បន្ទប់ បានចាប់ដំណើរការសាងសង់ ហើយដោយគម្រោងនេះ អាចនិងបញ្ចប់ ក្នុងរយៈពេល ៣ ឆ្នាំ បើមិនមានការរំខានពីជំងឺកូវីដ១៩។ ទាំងអស់នេះ សបញ្ជាក់ឲ្យឃើញថា ដោយមានទំនុកចិត្តមកលើរាជរដ្ឋាភិបាលកម្ពុជា ដែលមានសម្ដេចតេជោជាប្រមុខដឹកនាំ ធ្វើឲ្យប្រទេសជាតិមានការអភិវឌ្ឍរីកចម្រើនលើគ្រប់វិស័យ ហើយអ្នកវិនិយោគទុនបរទេសមានជំនឿទុកចិត្តមកលើការដឹកនាំរបស់រាជរដ្ឋាភិបាលកម្ពុជា ដូចនេះហើយ ទើបពួកគាត់ហ៊ានចំណាយបោះទុនរាប់រយលានដុល្លារមកលើទឹកដីប្រទេសកម្ពុជា ជាពិសេសក្នុងខេត្តព្រះសីហនុ។ ក្នុងនោះដែរ អ្នកវិនិយោគទុនបរទេសនៃប្រទេសចិន ក៏បានលើកឡើងថា សូមឲ្យបងប្អូនប្រជាពលរដ្ឋកម្ពុជា មានទំនុកចិត្តលើអ្នកវិនិយោគទុនប្រទេសចិន ទោះបីជាជួបនូវវិបត្តិសេដ្ឋកិច្ចដោយសារជំងឺកូវីដ១៩ ក៏ប្រទេសចិនមិនបោះបង់ចោល នឹងបន្តការអភិវឌ្ឍន៍ វិនិយោគ គ្រប់វិស័យនៅក្នុងខេត្តព្រះសីហនុ ឲ្យមាន ការអភិវឌ្ឍរហូតចប់គោលដៅ។
គួរបញ្ជាក់ផងដែរថា ខេត្តព្រះសីហនុ ក្នុងអំឡុង រយៈ ប្រមាណ៣ឆ្មាំមុខពោលគឺ ក្នុងអំឡុងឆ្នាំ ២០១៧ .ដល់ឆ្នាំ២០១៩ក្រោមលំហូរវិយោគទុន ដែលភាគច្រើនជាក្រុមហ៊ុន ធំៗ របស់ជនបរទេស បានចូលមកទឹកដីខេត្តព្រះសីហនុ យ៉ាងគំហុក ដោយសំណង់អគារខ្ពស់ៗ ខ្លះកម្ពស់ ៤២ ជាន់និងខ្លះ៣៥ជាន់ដែលពីមុនមកមិនធ្លាប់មាននោះ បានរីកដុះដាលឡើងដូចគេជប់ ជាហេតុធ្វើឲ្យខេត្តព្រះសីហនុ មានភាពរីកចម្រើនស្ទើរគ្រប់វិស័យ និងកែប្រែមុខមាត់ថ្មី។ ជីវភាពប្រជាពលរដ្ឋមួយចំនួនធំ ដែលមានផ្ទះជួល ឬដីជួល នាពេលនោះបានចាប់ផ្តើមធូរធារស្ទើរ គ្រប់ៗគ្នា តាមរយៈ ការជួលផ្ទះ ជួលដីឲ្យក្រុមហ៊ុនចិនធំៗធ្វើការអភិវឌ្ឍន៏ និងបានផ្តល់ការងារដល់ប្រជាពលរដ្ឋគ្រប់ៗគ្នាផងដែរ។ ប៉ុន្តែក្រោយមកនៅក្នុងអំឡុងចុងឆ្នាំ២០១៩ ស្ថានភាពក្រុមហ៊ុនវិយោគទុនមានការថយចុះ ដោយសារជំងឺកូវីដ១៩ វាយលុកជាសកលទូទាំងពិភពលោកនិងបាន បង្កផលប៉ះពាល់ធ្ងន់ធ្ងរ ជីវភាពរស់ នៅប្រចាំថ្ងៃរបស់ប្រជាពលរដ្ឋផងដែរ។តែសម្រាប់ពេលនេះ បើទោះជាស្ថានភាពកូវីដ១៩ មិនទាន់ត្រូវបានបញ្ចប់ ក៏ដោយក៏មាន ក្រុមហ៊ុនចិនធំៗ ចាប់ផ្តើមដំណើរការវិយោគរបស់ខ្លួនឡើងវិញ ហើយ ដោយសង្ឃឹមថា តាម រយៈគម្រោងវិយោគធំៗរបស់ជនជាតិចិននាពេលនេះ នឹងធ្វើឲ្យជីវភាពប្រជាពលរដ្ឋធូរធារដូចគ្រាមុន៕
អត្ថបទ៖ កោះពស់
សូមចុចអាន៖ ថ្ងៃនេះ ខួបលើកទី២៨ នៃការដាក់បញ្ចូលតំបន់រមណីយដ្ឋានអង្គរ ក្នុងបញ្ជីបេតិកភណ្ឌពិភពលោក
-
ព័ត៌មានអន្ដរជាតិ១៩ ម៉ោង agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៦ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ៣ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៣ ថ្ងៃ agoពូទីន៖ រុស្ស៊ីតែម្នាក់ឯង ត្រូវប្រយុទ្ធជាមួយ លោកខាងលិចទាំងមូល ក្នុងសង្គ្រាមនៅ អ៊ុយក្រែន