Connect with us

ព័ត៌មានជាតិ

មជ្ឈមណ្ឌល​សិក្សា​ពេញ​មួយ​ជីវិត​ត្រាំសសរ​ ស្ថិត​ក្នុង​ស្រុក​ស្រីស្នំ ត្រូវ​បាន​សម្ពោធ​ដាក់​ឲ្យ​ប្រើប្រាស់​ជា​ផ្លូវការ

បានផុស

នៅ

សៀម​រា​ប ៖ មជ្ឈមណ្ឌល​សិក្សា​ពេញ​មួយ​ជីវិត ត្រាំសសរ ស្ថិត​ក្នុង​ភូមិ​នាង​ស្រោង ឃុំ​ត្រាំសសរ ស្រុក​ស្រីស្នំ ដែល​ជា​អំណោយ​របស់​អង្គការ​សហព័ន្ធ​ជាតិ នៃ​សមាគម​យូណេស្កូ​ជប៉ុន ហៅ​កាត់​ថា NFUAJ ត្រូវ​បានដាក់​សម្ពោធ​ឲ្យ​ប្រើប្រាស់​ជា​ផ្លូវការ នៅ​ព្រឹក​ថ្ងៃទី​៨ ខែមេសា​ឆ្នាំ​២០២២​នេះ ក្រោម​អធិបតីភាព​លោក ពិន ប្រាកដ អភិបាលរង ខេត្ត តំណាង​ដ៏​ខ្ពង់ខ្ពស់​ឯកឧត្តម ទៀ សីហា អភិបាល នៃ​គណៈ​អភិបាលខេត្ត​សៀមរាប ដោយមាន​ការចូលរួម​ពី​សំណាក់​លោក លោកស្រី ជា​ថ្នាក់ដឹកនាំ​មន្ទីរ អង្គភាព​នានា​ក្នុង​ខេត្ត អង្គការ​ពាក់ព័ន្ធ ក្រុមប្រឹក្សា​ស្រុក គណៈ​អភិបាលស្រុក ក្រុមការងារ​យុវជន​ខេត្ត​ចុះជួយ​ស្រុក មេឃុំ​ទាំង​៦​ក្នុងស្រុក លោកគ្រូ​អ្នកគ្រូ សិស្សានុសិស្ស និង បងប្អូន​ប្រជាពលរដ្ឋ​ក្នុង​ឃុំ​ត្រាំសសរ​ជាច្រើនរូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​ប្រសាសន៍​លោក ហ៊​ន់ ឫទ្ធិ អភិបាលស្រុក​ស្រីស្នំ បាន​ឲ្យ​ដឹង​ថា អគារ​មជ្ឈមណ្ឌល​សិក្សា​ពេញ​មួយ​ជីវិត​ត្រាំសសរ​នេះ មាន​បណ្ដោយ​ប្រវែង​១៥​ម៉ែត្រ ទទឹង​ប្រវែង​៨​ម៉ែត្រ ចែកចេញជា​៣​បន្ទប់ មាន​បន្ទប់​អនាម័យ​ចំនួន​២ ចំណាយ​ថវិកា​អស់​១០០០០​ដុល្លារ​អាមេរិក រួម​ទាំង​ការ​បំពាក់គ្រឿងសង្ហារឹម បរិក្ខារ​ថាមពល​អគ្គិសនី អណ្ដូងស្នប់ ម៉ាស៊ីន​ផលិត​ទឹក​សុទ្ធ និង ថវិកា​សម្រាប់​ដំណើរការ​មួយចំនួនទៀត ហើយ​លោក​រំពឹងថា មជ្ឈមណ្ឌល​សិក្សា​ពេញ​មួយ​ជីវិត ត្រាំសសរ ដ៏​ស្រស់បំព្រង​ដែល​ជា​ជំនួយ​ឥត​ចំណង​របស់​ប្រជាជន​ជប៉ុន​ជា​មិត្ត នឹង​ធ្វើ​ឲ្យ​ប្រជាពលរដ្ឋ​ក្នុង​តំបន់​ជនបទ​មួយ​នេះ ចេះ​អាន ចេះ​សរសេរ ចេះ​គិត​លេខ​បាន​ត្រឹមត្រូវ​និង​ទទួល​បាន​បន្ថែម​ទៀត​នូវ​ចំណេះដឹង​ផ្នែក​វិជ្ជាជីវៈ​ជា​ហូរហែ ដែល​អាច​ជួយ​ឲ្យ​ពួកគាត់​បង្កើត​មុខរបរ​រកប្រាក់​ចំណូល សម្រាប់​ផ្គត់ផ្គង់​ជីវភាព​ក្នុង​គ្រួ​សារបាន​គ្រប់គ្រាន់ ព្រមទាំង​ធ្វើ​ឲ្យ​សហគមន៍​នៅទីនេះ​មានការ​រីកចម្រើន។

មានប្រសាសន៍​ក្នុងឱកាស​នោះ លោក នង វុត្ថា ប្រធាន​អង្គការ​យូណេស្កូ​ជប៉ុន​ប្រចាំ​ប្រទេស​កម្ពុជា បាន​សម្ដែង​នូវ​ក្ដី​រីករាយ​ក្រៃលែង ដែល​បាន​បន្ត​ធ្វើការ​រួមគ្នា​ជាមួយ​ក្រសួង​អប់រំ​យុវជន​និង​កីឡា ស្របតាម​ក្របខណ្ឌ​គតិយុត្តិ និង​កិច្ចព្រមព្រៀង​គម្រោង ដោយ​ធ្វើ​ការដក​ពិសោធ​ល្អៗ​ជាង​២០​ឆ្នាំ​មកនេះ ដើម្បី​ផ្តល់ឱកាស​សិក្សា មិន​ត្រឹមតែ​ការអប់រំ​មូលដ្ឋាន​ប៉ុណ្ណោះ​នោះទេ ថែមទាំង​មានកម្ម​វិធី​ជំនាញ​បំ​ណិ​ន​សម្បទា ចំណេះ​សម្បទា និង​កម្មវិធី​បង្កើន​ប្រាក់ចំណូល​ផ្សេងៗ សំដៅ​រួមចំណែក​ដល់​ការអភិវឌ្ឍ និង​ការកាត់បន្ថយ​ភាពក្រីក្រ​របស់​ប្រជាជន​ក្នុង​ខេត្តសៀមរាប។

លោក បន្តថា ការអប់រំ ជា​មូលដ្ឋានគ្រឹះ​មួយ​ដ៏​ចាំបាច់ សម្រាប់​ការអប់រំ​នៅក្នុង​សង្គម ហើយ​ការទទួលបាន​ការអប់រំ​ដោយ​ឥតគិតថ្លៃ និង​ស្មើភាព​គ្នា គឺជា​សិទ្ធិ​មូលដ្ឋាន​របស់​មនុស្ស ហេតុនេះហើយ​អង្គការ​យូណេស្កូ​ជប៉ុន បាន​ចូលរួម​លើ​បុព្វ​ហេតុនេះ ដោយ​ផ្តោត​ការយកចិត្តទុកដាក់​លើ​ការលើកកម្ពស់ ការអប់រំ​សម្រាប់​ទាំងអស់គ្នា និង​យកចិត្តទុកដាក់​ទៅលើ​គោលដៅ​ទី​៤ នៃ​ការអភិវឌ្ឍ​ប្រកបដោយ​ចីរភាព​គឺ ការធានា​នូវ​ការអប់រំ​ប្រកបដោយ​បរិ​យា​ប័ន្ន និង​ប្រកបដោយ​គុណភាព សម្រាប់​មនុស្ស​គ្រប់គ្នា និង​លើកកម្ពស់​ការសិក្សា​ពេញ​មួយជីវិត។

លោក ពិន ប្រាកដ អភិបាលរង​ខេត្តសៀមរាប មានប្រសាសន៍ថា ក្រោម​ការដឹកនាំ​ដ៏​ឈ្លាសវៃ​របស់​សម្តេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​ធ្វើ​ឱ្យ​ប្រទេស​កម្ពុជា មាន​សុខសន្តិភាព​ពេញលេញ និង មាន​សន្ទុះ​រីកចម្រើន ជឿនលឿន​លើ​គ្រប់​វិស័យ ក្នុងនោះ​វិស័យ​សិក្សាធិការ​អប់រំ គឺជា​វិស័យ​អាទិភាព​មួយ​ដែល​បាន​នឹង​កំពុង​ជំរុញ​ពង្រីក ហើយ​មាន​ភាព​ឈានឡើង ទាំង​បរិមាណ និង​គុណភាព​ឥតឈប់ឈរ គួរ​ជាទី​មោទនៈ ព្រោះ​រាជរដ្ឋាភិបាល ពិសេស​ក្រសួង​អប់រំ យុវជន និង​កីឡា​យល់ថា ការអភិវឌ្ឍ​ធនធានមនុស្ស គឺជា​ការងារ​មួយ​ដ៏​ចាំបាច់​បំផុត​ដែល​មិនអាច​ខ្វះ​បាន ដើម្បី​រួមចំណែក​អភិវឌ្ឍ​ប្រទេសជាតិ​ស្របតាម​កាលៈទេសៈ​នៃ​ការរីកចំរើន​ទាំង​ផ្នែក​វិទ្យាសាស្ត្រ និង​បច្ចេកវិទ្យា​ទំនើប ហេតុនេះ ការងារ​អប់រំ​បាន​ដើរតួនាទី​យ៉ាងសំខាន់ ក្នុងការ​អភិវឌ្ឍ​ធនធានមនុស្ស និង​ជា​ឆ្អឹងខ្នង​នៃ​ការអភិវឌ្ឍ​សេដ្ឋកិច្ចជាតិ​។

ក្នុង​ឱកាស​នោះ​ដែរ ​លោក​អភិបាលរង​ខេត្ត បាន​សម្ដែង​នូវ​ការ​អរគុណ​ចំពោះ​អង្គការ​សហព័ន្ធ​ជាតិ នៃ​សមាគម​យូណេស្កូ​ជប៉ុន ដែល​បាន​កសាង​មជ្ឈមណ្ឌល​សិក្សា​ពេញ​មួយជីវិត​ត្រាំសសរ​នេះ ដើ​ម្ប​ឲ្យ​ពលរដ្ឋ​នៅទីនេះ មានឱកាស​បាន​រៀនសូត្រ ព្រោះ​ការអប់រំ​តាម​គ្រប់​រូបភាព​ទាំង​ក្នុង​ប្រព័ន្ធ ក្រៅ​ប្រព័ន្ធ និង​មិន​ផ្លូវការ គឺជា​មធ្យោបាយ​សក្ដិ​សិទ្ធិ ក្នុងការ​ធានា​ឱ្យ​ការសិក្សា​មានគុណ​ភាព​ប្រកបដោយ​សមធម៌ បរិ​យាប​ន្ន និង ការលើកកម្ពស់​ឱកាស​សិក្សា​ពេញ​មួយជីវិត​សម្រាប់​អ្នក​ទាំងអស់គ្នា ហើយ​ការសិក្សា​ពេញ​មួយជីវិត​បានក្លាយ​ជា​ប្រធានបទ​ដ៏​សំខាន់​សម្រាប់​ការអប់រំ សំដៅ​ធានា​សិទ្ធិ សេរីភាព និង​សុភមង្គល​បុគ្គល គ្រួសារ និង​សង្គម ដើម្បី​ឆ្លើយតប​ទៅនឹង​ទីផ្សារការងារ​ក្នុង​បរិបទ​ថ្មី ។

លោក​អភិបាលរង​ខេត្ត បន្តទៀតថា មជ្ឈមណ្ឌល​សិក្សា​ពេញ​មួយជីវិត​ត្រាំសសរ​នេះ ពិតជា​មធ្យោបាយ​ដ៏​ល្អប្រសើរ​និង​មាន​ប្រសិទ្ធភាព​បំផុត ក្នុងការ​បង្កើន​ចំណេះដឹង​ពហុ​វិស័យ ដើម្បី​ពង្រីក​និង​ពង្រឹងសមត្ថភាព​ប្រជាពលរដ្ឋ ក្នុងការ​ទទួលយក​ព័ត៌មាន​ចំណេះដឹង និង​ជំនាញ សម្រាប់​លើកស្ទួយ​ជីវភាព​របស់​ប្រជាពលរដ្ឋ​ប្រចាំថ្ងៃ ហើយ​មជ្ឈមណ្ឌល​នេះ ជា​កន្លែង​សម្រាប់​ការបណ្ដុះបណ្ដាល​ធនធាន​មនុស្ស ដើម្បី​ធ្វើ​ឲ្យ​ភូមិ​ឃុំ​មានការ​ប្រែប្រួល​រីកចម្រើន និង ជា​កន្លែង​ដែល​ផ្តល់ឱកាស​ឲ្យ​យើង​អាច​រៀនសូត្រ​ពេញ​មួយជីវិត ជា​កន្លែង​ដែល​យើង​ចែករំលែក​បទពិសោធន៍​ឲ្យ​គ្នា​ទៅវិញទៅមក និង ជា​កន្លែង​ដែល​យើង​ផ្ទេរ​ចំណេះដឹង ជា​កេរ​មរតក​វប្បធម៌​ពី​ដូនតា ដល់​កូនចៅ​ជំនាន់​ក្រោយ​ជា​បន្តបន្ទាប់ កុំ​ឲ្យ​បាត់បង់៕

ដោយ ៖ ​គឿន​វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៣ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៣ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ៣ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម