ព័ត៌មានជាតិ
អ្នកទៅលេងសៀមរាបចូលឆ្នាំ តើដឹងទេ គួរ និង មិនគួរ ធ្វើអ្វីខ្លះដើម្បីដើរលេងសប្បាយ?
កម្មវិធីជាសាធារណៈក្នុងឱកាសបុណ្យចូលឆ្នាំថ្មីប្រពៃណីជាតិខ្មែរឆ្នាំ២០២២នេះ បានបើកដំណើរការវិញ បន្ទាប់ពីខកខានរយៈពេល ២ ឆ្នាំកន្លងដោយសារបង្ការការឆ្លងជំងឺកូវីដ១៩។ ខេត្តសៀមរាប គឺជាគោលដៅពិសេស ដែលមហាជនភាគច្រើនគ្រោងនឹងទៅកម្សាន្ត និងគួរយល់ដឹងពីអ្វីដែលគួរធ្វើ និងមិនគួរធ្វើដើម្បីដំណើរកម្សាន្តមានបរិយាកាសរីករាយ។
លោក ឡុង កុសល អគ្គនាយករងនៃអគ្គនាយកដ្ឋានអាជ្ញាធរជាតិអប្សរា មានប្រសាសន៍ប្រាប់ “កម្ពុជាថ្មី” ថា ក្នុងរយៈពេលនេះមមាញឹកនៃការសា្វគមន៍ឆ្នាំថ្មី និងទទួលភ្ញៀវទេសចរ អាជ្ញាធរបានខិតខំធ្វើឱ្យរមណីដ្ឋានអង្គរមានភាពស្រស់ស្អាត កាន់តែមានសោភណ្ឌភាព និងភាពទាក់ទាញ ដោយការរៀបចំបានល្អប្រសើរទាំងផ្នែកសោភណ្ឌភាព បរិស្ថាន អនាម័យ។
អគ្គនាយករងនៃអគ្គនាយកដ្ឋានអាជ្ញាធរជាតិអប្សរា រូបនេះលើកឡើងបន្តថា ទីរមណីដ្ឋានស្អាត សេវាកម្មល្អ នឹងធ្វើឱ្យភ្ញៀវទេសចរកាន់តែរីករាយ និងមានអនុស្សាវរីយ៍ល្អៗ ដែលត្រូវការការចូលរួមពីភ្ញៀវទេសចរផងដែរ។
លោក ឡុង កុសល មានប្រសាសន៍បន្តថា៖ “អ្វីដែលសំខាន់ដែលភ្ញៀវទេសចរគួរធ្វើ មិនថាតែនៅក្នុងតំបន់អង្គរ ឬតំបន់ក្រៅអង្គរទេ ទី១ សូមយកយានយន្តរបស់ខ្លួនទៅចតតាមទីតាំងចំណតដែលបានកំណត់ទុកជូន សូមកុំចតតាមដងផ្លូវដែលធ្វើឱ្យកកស្ទះណែនតាមដងផ្លូវ។ ទី២ កុំចោលសំរាមផ្ដេសផ្ដេស គប្បីយកសំរាមទៅចោលឱ្យបានត្រឹមត្រូវ នៅធុងសំរាម កុំចោលសំរាមពាសវាលពាសកាល ដែលជាគំរូមិនល្អ។ ការពិតទីកន្លែងហ្នឹងស្អាតហើយ តែអ្នកមិនទទួលខុសត្រូវការគ្រប់គ្រងសំរាមកំប៉ិកកំប៉ុករបស់ខ្លួន ដែលនាំឱ្យប៉ះពាល់ដល់គេដល់ឯងគ្រប់គ្នា”។
លោក ឡុង កុសល មានប្រសាសន៍បន្ថែមថា ចំណុចទី៣ ភ្ញៀវទេសចរគប្បីចូលរួមទប់ស្កាត់ការឆ្លងរាលដាលជំងឺកូវីដ-១៩ ទោះបីស្ថានភាពបានធូរស្រាលហើយក្ដី និងទី៤ ចូលរួមថែរក្សាសណ្ដាប់ធ្នាប់ របៀបរៀបរយទាំងអស់គ្នា ព្រមទាំងកុំស្លៀកពាក់ឆើតឆាយលេចលើលេចក្រោមដែលប៉ះពាល់ភ្នែកមហាជនទូទៅ ជាពិសេសនៅតំបន់ប្រាសាទ គឺស្នើសុំមិនឱ្យស្លៀកសំលៀកបំពាក់បង្ហាញសាច់ ឬភាពស៊ិចស៊ី។
លោក ឡុង កុសល បានឱ្យដឹងបន្ថែមថា ក្រៅពីការងារជួលជុលប្រាសាទ ការកែលម្អផ្លូវ ស្ពាន អាជ្ញាធរជាតិអប្សរាក៏បានយកចិត្តទុកដាក់លើកការសម្អាតបរិស្ថានតាមដងផ្លូវសាធារណៈ តាមទីធ្លាមុខប្រាសាទ ក្នុងប្រាសាទ ព្រមទាំងសណ្ដាប់ធ្នាប់ និងចរាចរណ៍។
គួរបញ្ជាក់ថា អាជ្ញាធរជាតិអប្សរា បានសហការជាមួយរដ្ឋបាលខេត្តសៀមរាប និងសហភាពសហព័ន្ធយុវជនកម្ពុជាខេត្តសៀមរាប ក្នុងការរៀបចំកម្មវិធីវប្បធម៌ នៅតំបន់ប្រាសាទ ធម្មានន្ទ ប្រាសាទ ចៅសាយទេវតា ដោយមានរៀបចំសង្ក្រាន្តភូមិ ដូចទិដ្ឋភាពភូមិខ្ញុំ នៅក្នុងផ្នែកមួយនៃព្រឹត្តិការណ៍អង្គរសង្ក្រាន្ត៕
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង