ព័ត៌មានជាតិ
កម្ពុជា បើកយុទ្ធនាការចាក់វ៉ាក់សាំងកូវីដ-១៩ ជូនពលរដ្ឋតាមមូលដ្ឋាននៅទូទាំងប្រទេស
កម្ពុជា ចាប់ផ្តើមបើកយុទ្ធនាការ ចុះចាក់វ៉ាក់សាំងបង្ការជំងឺកូវីដ ១៩ដូសមូលដ្ឋាន និងដូសជំរុញទី៣ និងទី៤ជូនដល់ប្រជាពលរដ្ឋ នៅតាមខ្នងផ្ទះ នៅទូទាំងប្រទេស ដើម្បីបង្កើតភាពស៊ាំសំដៅទប់ស្កាត់ការឆ្លងរីករាលដាលជំងឺកូវីដ១៩នៅក្នុងសហគមន៍។
លោកស្រី វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាលនិងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស(គ.វ.ក ១៩) បានឱ្យដឹងនៅក្នុងសេចក្តីជូនដំណឹងចុះកាលពីយប់ថ្ងៃទី១២មេសាថាគ.វ.ក ១៩ នឹងបញ្ជូនក្រុមគ្រូពេទ្យយុវជន ស្ម័គ្រចិត្ត ចុះចាក់វ៉ាក់សាំងកូវីដ ១៩ ដួសមូលដ្ឋាន ដុសជំរុញ (ទាំងដូសទី៣ និងដួសទី៤) នៅតាមខ្នងផ្ទះក្នុងភូមិសាស្ត្រ នៃខេត្តកំពង់ចាម កំពត ព្រៃវែង កំពង់ឆ្នាំង ត្បូងឃ្មុំ កំពង់ធំ ពោធិ៍សាត់ ស្វាយរៀង ស្ទឹងត្រែង និងក្រចេះ ចាប់ពីថ្ងៃទី១៥ ខែមេសា ឆ្នាំ២០២២ ដោយរដ្ឋបាលខេត្ត និងអាជ្ញាធរមូលដ្ឋានគ្រប់លំដាប់ថ្នាក់ ត្រូវរួមសហការសម្របសម្រួលនិងកៀរគរប្រជាពលរដ្ឋក្នុងយុទ្ធនាការចុះយក់នេះឱ្យមានប្រសិទ្ធភាព និងទទួលបានលទ្ធផលល្អ។
លោកស្រី វេជ្ជបណ្ឌិត បានបន្តថាចំណែកក្រុមគ្រូពេទ្យ នៃក្រសួងការពារជាតិ នឹងធ្វើយុទ្ធនាការចុះចាក់តាមខ្នងផ្ទះប្រជាពលរដ្ឋ និងរោងចក្រសហគ្រាស នៃ ភូមិសាស្រ្តរាជធានីភ្នំពេញ ខេត្តកណ្តាល កំពង់ស្ពឺ បាត់ដំបងនិងបន្ទាយមានជ័យ ដើម្បីចាក់វ៉ាក់សាំងកូរីដ-១៩ ដួសមូលដ្ឋាន (ដួសទី១ និងដូសទី២) និងដូសជំរុញ (ដួសទី៣ និងដួសទី៤) ដោយរដ្ឋបាលរាជធានី-ខេត្ត និងអាជ្ញាធរ មូលដ្ឋានគ្រប់លំដាប់ថ្នាក់ ត្រូវមសហការសម្របសម្រួល និងកៀរគរប្រជាពលរដ្ឋ ក្នុងយុទ្ធនាការចុះចាក់នេះឱ្យមាន ប្រសិទ្ធភាព និងទទួលបានលទ្ធផលល្អៗ។
លោកស្រី វេជ្ជបណ្ឌិតបានបន្តទៀតថារីឯខេត្តផ្សេងទៀតដែលមិនបានរៀបរាប់ឈ្មោះខាងលើ សូមទទួលខុសត្រូវក្នុងការជំរុញធ្វើយុទ្ធនាការចុះចាក់តាមខ្នងផ្ទះ ដោយប្រើប្រាស់កម្លាំងគ្រូពេទ្យនៅតាមមូលដ្ឋានសុខាភិបាល ឬគ្រូពេទ្យស្ម័គ្រចិត្តដែលមាននៅក្នុងខេត្ត ដោយ ត្រូវមានផែនការច្បាស់លាស់ និងមានការឯកភាពជាមុនពី គ.វ.ក ១៩ ធ្វើយ៉ាងណាឱ្យវ៉ាក់សាំងកូវីដ-១៩ បានស្រោច ស្រពពេញលេញជូនប្រជាជននៃដែនសមត្ថកិច្ចរបស់ខ្លួនទាំងដូសមូលដ្ឋាន និងដូសជំរុញ (ទាំងដូសទី៣ និងដូសទី៤) ជាពិសេសត្រូវយកចិត្តទុកដាក់ចាក់ជូនកម្មករ កម្មការិនីនៅតាមរោងចក្រ និងសហគ្រាសនៅក្នុងដែនសមត្ថកិច្ចនៃ រដ្ឋបាលខេត្តរៀងៗខ្លួន។
លោកស្រី វេជ្ជបណ្ឌិត បានណែនាំឱ្យយកចិត្តទុកដាក់ខ្ពស់លើការងារគ្រប់គ្រង និងប្រើប្រាស់វ៉ាក់សាំងកូវីដ-១៩ ដែលទទួលបានពីឃ្លាំងឱសថកណ្តាល នៃក្រសួងសុខាភិបាល ដោយប្រើប្រាស់ឱ្យអស់ កុំឱ្យសល់ និងកុំឱ្យហួសកាលបរិច្ឆេទនៃសុពលភាពប្រើប្រាស់។
បើតាម លោកស្រី វេជ្ជបណ្ឌិត ឱ វណ្ណឌីនការធ្វើយុទ្ធនាការដូចបានណែនាំខាងលើនេះ ត្រូវអនុវត្តការចាក់វ៉ាក់សាំងកូវីដ-១៩ជូនដល់ក្រុមអាយុចាប់ពី៣ឆ្នាំ ឡើងទៅ ហើយអ្នកដែលដល់វេនចាក់ដូសជំរុញ (ទាំងដូសទី៣ និងដូសទី៤ក៏ត្រូវផ្ដល់ការចាក់វ៉ាក់សាំងកូវីដ-១៩ ជូនដល់ពួកគាត់ សំដៅពង្រឹង និងបង្កើនភាពស៊ាំរបស់បុគ្គល និងសហគមន៍ បានរឹងមាំ ទប់ស្កាត់បានទាន់ពេលវេលា ពីការវាយលុកធ្ងន់ធ្ងរនៃវីរុសកូវីដ-១៩ ជាពិសេសពពួកបំប្លែងខ្លួនថ្មីៗ ដើម្បីបងប្អូនប្រជាពលរដ្ឋបន្តការស់នៅជាធម្មតា ក្នុងប្រក្រតីភាពថ្មី បានជានិរន្តតរៀងទៅ៕ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ