Connect with us

ព័ត៌មានជាតិ

ក្រុមគ្រូពេទ្យចម្រុះ នឹងចុះចាក់វ៉ាក់សាំងដូសជំរុញ ជូនពលរដ្ឋដោយផ្ទាល់ នៅតាមរោងចក្រ ផ្សារ និងសាលារៀន

បានផុស

នៅ

ក្រុមគ្រូពេទ្យចម្រុះ នឹងចុះទៅចាក់វ៉ាក់សាំងបង្ការជំងឺកូវីដ-១៩ ជូនដល់ប្រជាពលរដ្ឋដែលមិនទាន់បានចាក់វ៉ាក់សាំងដូសទី ៣ និងទី ៤ នៅតាមរោងចក្រ​សហគ្រាស ទីផ្សារ ទីប្រជុំជន​សំខាន់ៗ និង​នៅតាម​សាលារៀន​ដើម្បី​ទប់ស្កាត់​ការឆ្លង​រីក​រាលដាល​ជំងឺ​កូ​វីដ​-១៩​នៅក្នុង​សហគមន៍​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោកស្រី វេជ្ជបណ្ឌិត ឱ​វណ្ណឌី​ន រដ្ឋលេខាធិការ​ក្រសួងសុខាភិបាល​ និង​ជា​ប្រធាន​គណៈកម្មការ​ចំពោះ​កិច្ច​ចាក់​វ៉ាក់សាំង​កូ​វីដ​-១៩ ​ក្នុង​ក្របខ័ណ្ឌ​ទូទាំងប្រទេស​បានឱ្យដឹង​នៅក្នុង​សេចក្តីជូនដំណឹង​ចុះ​កាលពី​យប់​ថ្ងៃទី​ ១៨ ​មេសា​ថា ​នៅក្រោយ​បុណ្យចូលឆ្នាំ​ខ្មែរ​នេះ មាន​ក្រុមគ្រូពេទ្យ​នៃ​ក្រសួងការពារជាតិ និង​គ្រូពេទ្យ​យុវជន​ស្ម័គ្រចិត្ត​នានា រួមទាំង​ក្រុមគ្រូពេទ្យ​នៃ​រដ្ឋបាល​រាជធានី​-​ខេត្ត នឹង​ចុះ​ចាក់​វ៉ាក់សាំង​កូ​វីដ​-១៩ ជូន​ប្រជាពលរដ្ឋ​ដែល​មិនទាន់បាន​ចាក់​វ៉ាក់សាំង​ដូ​ស​ទី​ ៣ និង​ទី​ ៤ នៅតាម​គោលដៅ​សំខាន់ៗ​បន្ថែមទៀតដូចជា កម្មករ​កម្មការិនី​នៅតាម​រោងចក្រ​សហគ្រាស អាជីវករ​នៅតាម​ផ្សារ ប្រជាពលរដ្ឋ​រស់នៅ​ទីប្រជុំជន​សំខាន់ៗ និង​ការចាក់​ជូន​សិស្សានុសិស្ស​និង​គ្រូបង្រៀន​នៅតាម​សាលារៀន​ផងដែរ​។ លោកស្រី​បាន​បន្តថា សម្រាប់​ទីតាំង​ចាក់​វ៉ាក់សាំង​កូ​វីដ​-១៩ នៅតាម​បណ្ដា​មូលដ្ឋាន​សុខាភិបាល​សាធារណៈ​នៃ​រដ្ឋបាល​រាជធានី​-​ខេត្ត​ទាំង​ ២៥ នៅតែ​បន្ត​បើក​ដំណើរ​ការចាក់​ជាធម្មតា​រៀងរាល់ថ្ងៃ រួមទាំង​ថ្ងៃ​ឈប់សម្រាក ថ្ងៃ​សៅរ៍ និង​ថ្ងៃអាទិត្យ​។

​លោកស្រី​បាន​អំពាវនាវ​ដល់​ប្រជាពលរដ្ឋ កម្មករ​-​កម្មការិនី កុមារ និង​យុវវ័យ ប្រញាប់​រួសរាន់​ទៅ​ទទួល​វ៉ាក់សាំង​កូ​វីដ​-១៩ ដូ​ស​ជំរុញ នៅពេល​ដល់​វេន ដើម្បី​បង្កើន​ភាពស៊ាំ​បុគ្គល​និង​សហគមន៍ សំដៅ​ចូលរួម​ទប់ស្កាត់​ការឆ្លង​រីក​រាលដាល កាត់បន្ថយ​អត្រា​ឈឺ​ធ្ងន់​និង​ស្លាប់​ដោយសារ​ជំងឺ​នេះ​។​

​គួរបញ្ជាក់​ថា​គិត​ត្រឹម​ថ្ងៃទី​ ១៨ ខែមេសា ឆ្នាំ​ ២០២២​ នេះ កម្ពុជា​បាន​ចាក់​វ៉ាក់សាំង​ដូ​ស​ទី​ ១ ​បាន​ចំនួន​ ១៤ ៨៥៧ ៩៥៣​ នាក់ ដូ​ស​ទី​ ២​ បាន​ចំនួន​ ១៤ ១១៤ ៦១៩​ នាក់ ដូ​ស​ទី​ ៣ ​បាន​ចំនួន​ ៨ ១០៨ ៦១១​ នាក់​និង​ដូ​ស​ទី ​៤​ បាន​ចំនួន​ ១ ២៣៦ ៨៧៨​ នាក់​។​ ជារួម​កំណើន​អត្រា​ចាក់​វ៉ាក់សាំង​កូ​វីដ​-១៩​ នៅ​កម្ពុជា​បាន​កើន​ដល់ ៩២,៨៦% ធៀប​នឹង​ចំនួន​ប្រជាជន​សរុប ​១៦​ លាន​នាក់​៕

អត្ថបទ៖ ​សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ២២ នាទី មុន

បញ្ជីបេក្ខជន នៃគណបក្សចំនួន ៩ ទទួលបានអាសនៈក្រុមប្រឹក្សា សម្រាប់ការបោះឆ្នោតឃុំ-សង្កាត់អាណត្តិទី ៥

សន្តិសុខសង្គម២៨ នាទី មុន

កូនប្រុសស្រី ​ស្រែកយំ​ឡូឡា​មុខរោងការ​ឪពុក​ សុំលុយ១ម៉ឺនដុល្លារ​សងធនាគារ

ព័ត៌មានអន្ដរជាតិ៤២ នាទី មុន

មេដឹកនាំប្រទេសមួយនៅ អាស៊ាន បញ្ជាក់ពេលវេលាជួបទាំងលោក Putin និង Zelensky

ព័ត៌មានជាតិ២ ម៉ោង មុន

មេសហជីពមួយរំពឹងថា ប្រាក់ឈ្នួលកម្មករឆ្នាំ២០២៣ នឹងបន្តកើនឡើង ជាងឆ្នាំ២០២២

ព័ត៌មានជាតិ២ ម៉ោង មុន

មន្ត្រីក្រសួងយុត្តិធម៌ ៖ ការអំពាវនាវឲ្យដោះលែង និងទម្លាក់បទចោទលើអ្នកប្រព្រឹត្តខុសច្បាប់ មិនមែនជាការធានាលំហប្រជាធិបតេយ្យទេ  

Sokha Hotels

ព័ត៌មានពេញនិយម