ព័ត៌មានជាតិ
គ្រូពេទ្យកំពុងបើកយុទ្ធនាការចុះចាក់វ៉ាក់សាំងតាមផ្សាររដ្ឋ និងទីប្រជុំជនក្នុងរាជធានីភ្នំពេញ
ក្រុមគ្រូពេទ្យមន្ទីរសុខាភិបាលរាជធានីភ្នំពេញ និងក្រុមគ្រូពេទ្យស្ម័គ្រចិត្តរបស់សម្ដេចពិជ័យសេនា ទៀ បាញ់ កំពុងបើកយុទ្ធនាការចុះចាក់វ៉ាក់សាំងកូវីដ១៩ តាមទីផ្សាររដ្ឋ ទីប្រជុំជន ប្លុកផ្ទះជួលរបស់កម្មករ និងទីតាំងចល័តនានាក្នុងរាជធានីភ្នំពេញ។
នៅព្រឹកថ្ងៃទី ២៧ ខែមេសានេះនៅទីតាំងផ្សារទួលទំពូង ក៏មិនខុសពីទីតាំងផ្សេងទៀតដែរ គឺបានដំណើរការចាក់វ៉ាក់សាំងជូនអាជីវករ និងប្រជាពលរដ្ឋយ៉ាងមមាញឹក។
លោក ចំរើន សុខលីម ប្រធានផ្សារទួលទំពូងបានប្រាប់ឱ្យដឹងថា អាជ្ញាធរបានរៀបចំមានទីតាំងចាក់វ៉ាក់សាំងកូវីដ-១៩ នៅតាមផ្សារមួយចំនួនក្នុងរាជធានីភ្នំពេញ ដើម្បីសម្រួលភាពងាយស្រួលដល់ប្រជាពលរដ្ឋ និងអាជីវករដែលរវល់ប្រកបអាជីវកម្មអាចឆ្លៀតពេលបានចាក់វ៉ាក់សាំងបានគ្រប់គ្នា។
លោកប្រធានផ្សារទួលទំពូងក៏បានឱ្យដឹងដែរថា ការចាក់វ៉ាក់សាំងនៅពេលនេះគឺមានទាំងអ្នកដែលមិនទាន់បានចាក់សោះ ដូសជំរុញលើកទី ៣ និងលើកទី៤។
ការចាក់វ៉ាក់សាំងដែលធ្វើឡើងដោយក្រុមគ្រូពេទ្យស្មគ្រចិត្តសម្តេចពិជ័យសេនា ទៀ បាញ់ រយៈពេល៧ថ្ងៃដែលចាប់ផ្តើមចាក់នៅព្រឹកថ្ងៃទី ២៧ មេសានេះតទៅ ជាមួយគ្នានោះលោក ចំរើន សុខលីម ក៏បានអំពាវនាវឱ្យអាជីវក និងប្រជាពលរដ្ឋដែលរស់នៅក្បែរផ្សារមកធ្វើការចាក់វ៉ាក់សាំងឱ្យបានគ្រប់គ្នាផងដែរ។
បើតាមមន្ត្រីរដ្ឋបាលខណ្ឌចំការមនបានឱ្យដឹងថាទីតាំងសំរាប់ចាក់វ៉ាក់សាំងក្រៅពីផ្សារទួលទំពូងនៅមានផ្សារបឹងត្របែកផ្លាស្សាក៏បានបង្កើតទីតាំងចាក់វ៉ាក់សាំងជូនអាជីវករ និងប្រជាពលរដ្ឋផងដែរ រីឯនៅក្នុងសង្កាត់ទន្លេបាសាក់ក្រុមគ្រូពេទ្យធ្វើការចុះចាក់នៅតាមផ្ទះជូន ប្រជាពលរដ្ឋតែម្តង។
លោក សាន់ ប៊ុនណា បានឱ្យដឹងថា ផ្សារបន្លែច្បារអំពៅ ប្រជាពលរដ្ឋ ក៏ដូចអាជីវករ និងអតិថិជន មកទទួលការចាក់វ៉ាក់សាំង រយៈពេល ២ថ្ងៃមកនេះ មាន២២៥នាក់។ ដោយឡែកចំពោះផ្សារច្បារអំពៅ លោក គួច ចំណាន បានឱ្យដឹងដែរថា ប្រជាពលរដ្ឋ ក៏ដូចអាជីវករ និងអតិថិជន មកទទួលការចាក់វ៉ាក់សាំង រយៈពេល ២ថ្ងៃមកនេះ បានប្រមាណជាង២០០នាក់ផងដែរ។
គួរបញ្ជាក់ថា ៖ កន្លងមកនេះការចាក់វ៉ាក់សាំងការពារកូវីដ-១៩ បានធ្វើឡើងនៅតាមរោងចក្រ មណ្ឌលសុខភាព និងទីសាធារណៈមួយចំនួនទៀត តែពេលនេះបានឈានដល់ទីផ្សាររដ្ឋហើយ។ នេះជាការយកចិត្តទុកដាក់ខ្ពស់របស់សម្តេចតេជោនាយករដ្ឋមន្ត្រី និងការដឹកនាំបញ្ជាផ្ទាល់របស់លោក ឃួង ស្រេង អភិបាលនៃគណះអភិបាលរាជធានីភ្នំពេញ ជុំវិញសុខមាលភាពជូនប្រជាពលរដ្ឋ។
គួរបញ្ជាក់ថា ក្រសួងសុខាភិបាល នៅថ្ងៃទី ២៦ ខែមេសា ឆ្នាំ២០២២ បានជូនដំណឹង ពីការបញ្ជូនក្រុមគ្រូពេទ្យចាក់វ៉ាក់សាំងចំនួន១៦០០នាក់ ដើម្បីបង្កើនល្បឿនចាក់ដូសជំរុញ ជូនពលរដ្ឋ កម្មករ សិស្សនិសិ្សត អ្នកលក់ដូរ នៅតាមបណ្តារាជធានី-ខេត្ត ដើម្បីបង្កើនល្បឿនចាក់វ៉ាក់សាំងកូវីដ-១៩ ក្នុងយុទ្ធនាការចាក់វ៉ាក់សាំងកូវីដ-១៩ ដូសជំរុញ (ទាំងដូសទី៣ និង ដូសទី៤) ជូនប្រជាពលរដ្ឋ កម្មករ កម្មការិនី តាមរោងចក្រ ក្រៅប្រព័ន្ធ សិស្ស និសិ្សត អ្នកលក់ដូរតាមទីផ្សារ នៅតាមបណ្ដារាជធានី-ខេត្ត៕
អត្ថបទ៖ ស្រីរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ