ព័ត៌មានជាតិ
អាជ្ញាធរកំពង់ចាម សហការជាមួយអង្គការដៃគូប្រមូលសំរាមតាមសួនច្បារមាត់ច្រាំងទន្លេមេគង្គ
ដើម្បីចូលរួមកាត់បន្ថយសំរាមប្លាស្ទិកនៅតាមច្រាំងទន្លេ និងក្នុងប្រភពទឹកអាជ្ញាធរក្រុងកំពង់ចាម សហការជាមួយមន្ទីរបរិស្ថានខេត្ត និងអង្គការអប់រំបរិស្ថាន និងកែច្នៃសំរាម (COMPOSTED) ក្រោមជំនួយឧបត្ថម្ភពីអង្គការ One Earth-One Ocean (OEOO) ប្រចាំប្រទេសអាល្លឺម៉ង់ បានបើកយុទ្ធនាការប្រមូលសម្រាមតាមសួនច្បារមាត់ច្រាំងទន្លេមេគង្គ។
កញ្ញា ស៊ាន បុប្ផាផល តំណាងឲ្យនាយកប្រតិបត្តិអង្គការ COMPOSTED បានឲ្យដឹងថា អង្គការ OEOO បាននឹងកំពុងឣនុវត្តគម្រោងសម្អាតសំរាមប្លាស្ទិកក្នុងក្រុងកំពង់ចាម ដើម្បីលុបបំបាត់ការបោះចោលសំរាមចូលទៅក្នុងប្រភពទឹក ពោល គឺកាត់បន្ថយការបំពុលនៃសំរាមទៅលើជីវចម្រុះក្នុងទឹកទន្លេ និងលើកកម្ពស់សោភ័ណភាពក្រុង។ កញ្ញា បានបន្ថែមទៀតថា ក្នុងមួយថ្ងៃៗ ក្រុមការងារដែលមានសមាជិកសរុប ៦នាក់ ឣាចប្រមូលបានសំរាមចន្លោះពី ១៧០ ទៅ ២០០គីឡូក្រាម ទាំងនៅក្នុងទឹក និងលើគោក។ សំរាមដែលប្រមូលបាន ត្រូវបែងចែកទៅតាមប្រភេទនីមួយៗ សម្រាប់កែច្នៃបន្ត ពោល គឺមិនបានយកទៅចោលនៅទីលានចាក់សំរាមទាំង ១០០% នោះទេ។
ដោយឡែក លោក ហាន លីណា អភិបាលរងក្រុងកំពង់ចាម បានបញ្ជាក់ដែរថា កាកសំណល់ថង់ប្លាស្ទិក និងសំរាមនៅលើសួនច្បារមាត់ទន្លេនេះ មានការធ្លាក់ចុះច្រើននៅពេលអាជ្ញាធរណែនាំផ្សព្វផ្សាយពីផលប៉ះពាល់នៃសំរាម។ មិនតែប៉ុណ្ណោះ អាជ្ញាធរក្រុងកំពង់ចាម បានបំពាក់កាមេរ៉ាសុវត្ថិភាពនៅទីតាំងមួយចំនួនដែលតែងតែមានការចោលសំរាមពាសវាលពាសកាល។
ជាក់ស្ដែងនៅក្នុងសប្តាហ៍នេះ អាជ្ញាធរក្រុងកំពង់ចាម សហការជាមួយមន្ទីរបរិស្ថានខេត្ត ឣង្គការដៃគូ COMPOSTED ក៏ដូចជា ឣង្គការ OEOO និងស្ថាប័នពាក់ព័ន្ធមួយចំនួនទៀត ដូចជា ការិយាល័យបរិស្ថានក្រុង សហភាពសហព័ន្ធយុវជនកម្ពុជាក្រុងកំពង់ចាម អាជ្ញាធរភូមិសង្កាត់ កម្មករអនាម័យក្រុង យុវជនមកពីសាលាសីហនុ ក្លឹបយុវជន AYV-Cam ព្រះតេជគុណវត្តដីដុះ អនុប្រធានការិយាល័យនីតិកម្ម និងសម្រុះសម្រួលវិវាទមូលដ្ឋាន ក្រុងកំពង់ចាម និងក្រុមការងារ កម្មវិធី តាមដានសំរាម របស់ USAID សរុបទាំងឣស់ចំនួន ៧០ឣង្គ/រូប ដើម្បីជាសារបង្ហាញដល់សាធារណៈជនក្នុងការបញ្ឈប់ការបោះចោលសំរាមទៅក្នុងច្រាំងទន្លេ ក៏ដូចជាប្រភពទឹក៕
ដោយ ៖ ឡេក ចាន់ពេជ្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង