ព័ត៌មានជាតិ

បាល់ទះក្នុងសាលកម្ពុជា ឡើងវគ្គពាក់កណ្ដាលផ្ដាច់ព្រ័ត្រ ស៊ីហ្គេម ជាលើកដំបូងក្នុងប្រវត្តិសាស្ត្រ

បានផុស

៣ years មុន

នៅ

ថ្ងៃចន្ទ ១៦ ឧសភា ២០២២

ដោយ

ក្រុមបាល់ទះជម្រើសជាតិក្នុងសាលកម្ពុជា បានឡើងទៅកាន់វគ្គពាក់កណ្តាលផ្តាច់ព្រ័ត្រជាប្រវត្តិសាស្ត្រ ក្នុងព្រឹត្តិការណ៍កីឡាស៊ីហ្គេម បើទោះទើបប្រកួតបាន ១ប្រកួត។

បានឡើងវគ្គនេះដោយសារ ក្រុមរួមពូលដែលមាន ៣ក្រុមមួយនេះ ជម្រើសជាតិថៃ បានប្រកួតឈ្នះ ជម្រើសជាតិហ្វីលីពីន ៣-០ ក្នុងពូល B ព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាម នាព្រឹកថ្ងៃទី១៦ ខែឧសភា នេះ ហើយគេក៏ទើបតែចាញ់កម្ពុជា កាលពីប្រកួតបើកឆាកដូចគ្នា ដែលបានសេចក្ដីថាត្រូវជ្រុះចេញដោយស្វយប្រវត្តិ ទោះប្រកួតក្រោយកម្ពុជា ចាញ់ថៃក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រំឮកទៅការប្រកួតកាលពីកម្ពុជា យកឈ្នះ ហ្វីលីពីន ពោលគឺសិតទី១ កម្ពុជា ឈ្នះ ២១-២៥ សិតទី២ ហ្វីលីពីន បានយកឈ្នះវិញ ២៦-២៤ លុះចូលដល់សិតទី៣ កម្ពុជា បានវាយបកយកឈ្នះវិញ ៣០-២៨ និងសិតទី៤ កាត់សេចក្ដីដោយឈ្នះពិន្ទុ ២៧-២៩។ នេះគឺជាការឈ្នះលើក្រុមម្ចាស់មេដាយប្រាក់កាលពីឆ្នាំ២០១៩ ដ្បិតពេលនោះកម្ពុជា បានរងបរាជ័យ ដល់ទៅ ៣សិតទល់០ ពេលគេធ្វើជាម្ចាស់ផ្ទះ។

ចំពោះប្រកួតបន្ទាប់ ក្រុមបាល់ទះជម្រើសជាតិក្នុងសាលកម្ពុជា នឹងត្រូវជួបជាមួយ ក្រុមបាល់ទះជម្រើសជាតិក្នុងសាលថៃ នៅថ្ងៃទី១៨ ខែឧសភា ឆ្នាំ២០២២ នៅវេលាម៉ោង ១១ថ្ងៃត្រង៕

អត្ថបទ ៖ មន្នីរ័ត្ន