ព័ត៌មានជាតិ
អ្នកនាំពាក្យក្រសួងមហាផ្ទៃ ចាត់ទុកករណីលោក អៀ ចាន់ណា ជាភស្តុតាងមួយសម្រាប់ប្រើប្រាស់នៅពេលត្រូវការ
លោកនាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ បានមានប្រសាសន៍ប្រាប់កម្ពុជាថ្មី នាព្រឹកថ្ងៃទី ១ ខែមិថុនានេះថា ករណីលោក អៀ ចាន់ណា ដែលត្រូវសមត្ថកិច្ចចាប់ខ្លួន នៅក្នុងសំណុំរឿង “រួមគំនិតក្បត់” ខណៈដែលបុគ្គលរូបនេះ ចូលរួមយ៉ាងសកម្មនៅក្នុងគណបក្សភ្លើងទៀននោះ ក្រសួងចាត់ទុកថា ជាភស្តុតាងមួយបន្ថែមទៀត ក្នុងចំណោមភស្តុតាងផ្សេងៗ ដែលក្រសួងមាននៅក្នុងដៃរួចហើយ។
លោកនាយឧត្តមសេនីយ៍ ខៀវ សុភ័គ មានប្រសាសន៍យ៉ាងដូច្នេះថា «ខ្ញុំចាត់ទុកថា នេះគ្រាន់តែជាភស្តុតាងមួយ ទុកប្រើប្រាស់ក្នុងករណីដែលយើងត្រូវការប៉ុណ្ណោះ ក្នុងចំណោមភស្តុតាងដទៃទៀត ដែលយើងមាននៅក្នុងដៃរួចហើយ ប៉ុន្តែនៅចំពោះមុខនេះយើងមិនទាន់ត្រូវការប្រើទេ»។
ចំណែកលោក សោម សូរីដា អគ្គលេខាធិការរង និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានប្រសាសន៍ប្រាប់កម្ពុជាថ្មីដែរថា ទំនាក់ទំនងរវាងលោក អៀ ចាន់ណា ជាមួយគណបក្សភ្លើងទៀន ស្ថិតនៅក្នុងវិសាលភាពនៃការអនុវត្តច្បាប់ ស្ដីពី គណបក្សនយោបាយ។ ឯ គ.ជ.ប មានវិសាលភាពគ្របដណ្តប់ តែលើដំណើរការរៀបចំការបោះឆ្នោត ដូចជា៖ ការបោះឆ្នោតព្រឹទ្ធសភា, ការបោះឆ្នោតតំណាងរាស្ត្រ, និងការបោះឆ្នោតផ្សេងៗទៀត តាមច្បាប់ជាធរមានប៉ុណ្ណោះ។
លោក អៀ ចាន់ណា ដែលជាសកម្មជន នៃអតីតគណបក្សសង្រ្គោះជាតិប្រចាំប្រទេសន័រវេ (Norway) ត្រូវបានសមត្ថកិច្ចចាប់ខ្លួន កាលពីថ្ងៃទី ៣០ ខែឧសភា ឆ្នាំ ២០២២ នៅក្បែរផ្សារអ៊ីអនម៉ល រាជធានីភ្នំពេញ តាមដីការបស់តុលាការពាក់ព័ន្ធសំណុំរឿង “រួមគំនិតក្បត់” ហើយបន្ទាប់ពីឃាត់ខ្លួន ត្រូវបានចៅក្រមស៊ើបសួរ នៃសាលាដំបូងរាជធានីភ្នំពេញ លោក ស៊ិន សុវណ្ណរ័ត្ន សម្រេចចេញដីកាឃុំខ្លួននៅពន្ធនាការព្រៃស ក្រោមការចោទប្រកាន់ពីបទ “រួមគំនិតក្បត់” ប្រព្រឹត្តទៅកាលពីឆ្នាំ ២០២០ និងឆ្នាំបន្តបន្ទាប់។
លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) ធ្លាប់បានបញ្ជាក់ប្រាប់អ្នកសារព័ត៌មានថា បញ្ហានេះជាចំណុចចាប់ផ្តើមក្នុងការស៊ើបអង្កេតថាតើលោក អៀ ចាន់ណា មានទំនាក់ទំនងអ្វីជាមួយគណបក្សភ្លើងទៀន ក្នុងនាមជាអ្វី ហើយបានប្រើប្រាស់សកម្មភាពបែបណាសម្រាប់ដំណើរការឃោសនាបោះឆ្នោត ហើយប្រសិនបើមានក្នុងកម្រិតទោសទណ្ឌ នឹងអាចពិនិត្យលើអង្គហេតុ និងអង្គច្បាប់៕
អត្ថបទ៖ កោះកែវ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore