ព័ត៌មានជាតិ
នៅសល់តែភូមិចំនួន ២១០ទៀតប៉ុណ្ណោះ មិនទាន់មានអគ្គិសនីប្រើប្រាស់នៅកម្ពុជា
លោក ហេង គន្ធលាង អ្នកនាំពាក្យក្រសួងរ៉ែ និងថាមពលធ្លាប់បានមានប្រសាសន៍ថា រហូតមកដល់ពេលនេះ មានភូមិចំនួន២១០ភូមិទៀត ក្នុងចំណោមភូមិសរុប១៤៨៦៨ភូមិនៅទូទាំងប្រទេស នៅមិនទាន់មានអគ្គិសនីប្រើប្រាស់នៅឡើយទេ ដោយសារភូមិទាំងនេះជាភូមិបណ្តែតទឹកភូមិនៅលើកោះ ភូមិមិនមានផ្លូវធើ្វដំណើរ ភូមិមានផ្លូវពិបាកធ្វើដំណើរនិងភូមិលិចទឹកនៅរដូវវស្សា ។ លោក ហេង គន្ធលាង បានឱ្យដឹងថា ប្រជាពលរដ្ឋដែលរស់នៅក្នុងភូមិទាំងនោះក៏មានប្រើប្រព័ន្ធពន្លឺព្រះអាទិត្យតាមផ្ទះនិងប្រភពថាមពលកកើតឡើងវិញផេ្សងទៀតផងដែរដូចជា ជីវម៉ាស ថាមពលអាគុយនិងជីវឧស្ម័នជាដើម។
ទោះយ៉ាងណា រាជរដ្ឋាភិបាលមានគម្រោងផ្គត់ផ្គង់ថាមពលពន្លឺព្រះអាទិត្យនៅតាមភូមិនៅដាច់ស្រយាលដែលនៅមិនទាន់មានបណ្តាញអគ្គិសនីប្រើប្រាស់នៅឡើយ។
ថ្លែងក្នុងសិក្ខាសាលាស្ដីពី “គម្រោងប្រសិទ្ធភាពថាមពលសម្រាប់អគាររាជរដ្ឋាភិបាល និងគម្រោងសាកល្បងផ្គត់ផ្គង់អគ្គិសនីឱ្យភូមិមិនទាន់មានអគ្គិសនី តាមរយៈប្រព័ន្ធថាមពលពន្លឺព្រះអាទិត្យភ្ជាប់ជាមួយបណ្ដាញផ្គត់ផ្គង់អគ្គិសនីខ្នាតតូច”កាលពីពេលថ្មីៗនេះ
លោកបណ្ឌិត ទី នរិន្ទ រដ្ឋលេខាធិការក្រសួងរ៉ែ និងថាមពល បានមានប្រសាសន៍ថា គម្រោងប្រសិទ្ធភាពថាមពលសម្រាប់អគាររាជរដ្ឋាភិបាល និងគម្រោងសាកល្បងផ្គត់ផ្គង់អគ្គិសនីឱ្យភូមិមិនទាន់មានអគ្គិសនី តាមរយៈប្រព័ន្ធថាមពលពន្លឺព្រះអាទិត្យភ្ជាប់ជាមួយបណ្ដាញផ្គត់ផ្គង់អគ្គិសនីខ្នាតតូចនេះ មានការគាំទ្រហិរញ្ញវត្ថុពីកម្មវិធីសម្ព័ន្ធភាពប្រែប្រួលអាកាសធាតុ ជំហ៊ានទី៣ (CCCA III) របស់សហភាពអឺរ៉ុប និង UNDP។
លោករដ្ឋលេខាធិការបានបន្តថាសិក្ខាសាលានេះ គឺផ្តោតទៅលើការផ្សព្វផ្សាយអំពីផែនការសកម្មភាពនៃគម្រោងនេះ ដើម្បីចូលរួមចំណែកក្នុងការអនុវត្តគម្រោងប្រសិទិ្ធភាពថាមពលក្នុងក្របខណ្ឌគោលនយោបាយជាតិស្តីពីប្រសិទិ្ធភាពថាមពលនៅកម្ពុជា និងដើម្បីផ្តល់ជូនថាមពលស្អាត និងបច្ចេកវិទ្យាកាបូនទៅកាន់ភូមិដាច់ស្រយាលដែលមិនទាន់មានអគ្គិសនីប្រើប្រាស់ ព្រមទាំងការជជែកពិភាក្សា និងចែករំលែកបទពិសោធន៍ចំណេះដឹងអំពីការងារប្រសិទិ្ធភាពថាមពលក្នុងអគាររាជរដ្ឋាភិបាល និងប្រព័ន្ធថាមពលពន្លឺព្រះអាទិត្យនៅតំបន់ដាច់ស្រយាលនៃប្រទេសកម្ពុជា ដើម្បីជាមូលដ្ឋានក្នុងការរៀបចំឯកសារប្រព័ន្ធគ្រប់គ្រងថាមពល និងការបង្កើតគំរូប្រតិបត្តិការគម្រោងសាងល្បងប្រព័ន្ធថាមពលពន្លឺព្រះអាទិត្យខ្នាតតូចសម្រាប់ភូមិដាច់ស្រយាល ក៏ដូចជាអនុវត្តគម្រោងប្រសិទិ្ធភាពថាមពលសម្រាប់អគាររាជរដ្ឋាភិបាល៕ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ