ព័ត៌មានជាតិ
ត្រឹម ៣ ថ្ងៃមានក្រុមមន្ត្រីជួរមុខជាង ៩ម៉ឺននាក់បានចាក់វ៉ាក់សាំងដូសទី ៥
នៅក្នុងរយៈពេល ៣ ថ្ងៃនេះ មានក្រុមមន្ត្រីជួរមុខមន្ត្រីរាជការស៊ីវិលមន្ត្រីជាប់កិច្ចសន្យា រហូតដល់អាជ្ញាធរមូលដ្ឋាន សមត្ថកិច្ចជនវ័យចាស់ ដែលមានអាយុចាប់ពី ៦០ ឡើងប្រមាណជាង ៩ម៉ឺន៣ពាន់នាក់ បានចាក់វ៉ាក់សាំងបង្ការជំងឺកូវីដ១៩ ដូសទី៥។
យោងតាមរបាយការណ៍ប្រចាំថ្ងៃរបស់គណៈកម្មការចំពោះកិ្ចចាក់វ៉ាក់សាំងកូវីដ១៩ក្នុងក្របខណ្ឌទូទាំងប្រទេស(គ.វ.ក-១៩) បានឱ្យដឹងថា ចាប់ពីថ្ងៃទី៩រហូតមកដល់ថ្ងៃទី ១១មិថុនា ឆ្នាំ២០២២នេះ មានក្រុមមន្ត្រីជួរមុខមន្ត្រីរាជការស៊ីវិលមន្ត្រីជាប់កិច្ចសន្យារហូតដល់អាជ្ញាធរមូលដ្ឋាន សមត្ថកិច្ចជនវ័យចាស់ដែលមានអាយុចាប់ពី ៦០ ឡើងចំនួន៩៣ ៣០៦ នាក់ក្នុងនោះស្រី ២៦ ២៩៩នាក់។
ក្រសួងសុខាភិបាល បានបើកយុទ្ធនាការចាក់វ៉ាក់សាំងបង្ការជំងឺកូវីដ១៩ដូសទី៥ នៅទូទាំងប្រទេសកាលពីថ្ងៃទី ៩ខែមិថុនា ឆ្នាំ២០២២ ដល់មន្ត្រីជួរមុខ ដែលមានគម្លាតយ៉ាងតិច ៣ខែឡើងទៅ បន្ទាប់ពីបានចាក់វ៉ាក់សាំងដូសទី ៤ រួច។
យោងតាមរបាយការណ៍ប្រចាំថ្ងៃរបស់គ.វ.ក-១៩ បានបន្តថា គិតត្រឹមថ្ងៃទី១១មិថុនា គ.វ.ក-១៩ បានចាក់វ៉ាក់សាំងដូសទី១ បានចំនួន ១៥ ០៥៥ ៤៦៤ នាក់ដូសទី ២ បាន ១៤ ៣៤២ ៧៥ នាក់ដូសទី៣ បាន ៩ ៣០៨ ៧៨៦ នាក់ដូសទី ៤ បាន ២ ៦៥២ ៥២២នាក់។
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ បានណែនាំដល់លោក លោកស្រី អភិបាល នៃគណៈអភិបាលរាជធានី-ខេត្តទាំង ២៥បង្កើនល្បឿនការចាក់វ៉ាក់សាំងដូសជំរុញទាំងដូសទី៣ ដូសទី៤ និងដួសទី៥ជូនដល់ កុមារ និងប្រជាពលរដ្ឋមានអាយុចាប់ពីអាយុ៥ឆ្នាំឡើង។
ការជំរុញនេះបានធ្វើឡើងបន្ទាប់ពីក្រសួងសុខាភិបាល សង្កេតឃើញថាការចាក់វ៉ាក់សាំងកូវីដ-១៩ ដូសជំរុញ (ទាំងដូសទី៣ ដូសទី៤ និងដូសទី៥) ដល់ក្រុមគោលដៅខាងលើនៅមានចំនួនតិចនៅឡើយ។
ទន្ទឹមគ្នានេះដែរ លោករដ្ឋមន្ត្រីក្រសួងសុខាភិបាល បានស្នើឱ្យរដ្ឋបាលរាជធានី-ខេត្ត បន្ត រៀបចំ ក្រុមការងារចាក់វ៉ាក់សាំងកូវីដ-១៩ ឱ្យចុះចាក់តាមរោងចក្រ សហគ្រាស គ្រឹះស្ថានបណ្តុះបណ្តាលនានា ឬចុះចាក់ ដល់ទីសំណាក់របស់ក្រុមគោលដៅខាងលើជាបន្តទៀត៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង