Connect with us

ព័ត៌មានជាតិ

លោក សម រង្ស៊ី និងបក្ខពួក ត្រូវបានប្រកាសផ្ដន្ទាទោស ៨ឆ្នាំ ក្នុងសំណុំរឿងប៉ុនប៉ងផ្ដួលរំលំរាជរដ្ឋាភិបាល

បានផុស

នៅ

លោក សម រង្ស៊ី អតីតមេបក្សប្រឆាំង និងបក្ខពួក ត្រូវបានចៅក្រមសាលាដំបូងរាជធានីភ្នំពេញ នៅព្រឹកថ្ងៃទី ១៤ ខែមិថុនា ឆ្នាំ ២០២២នេះ ប្រកាសសាលក្រមផ្ដន្ទាទោសរយៈពេល ៨ឆ្នាំ និងបានចេញដីកាបង្គាប់ឲ្យចាប់ខ្លួនភ្លាមៗ ពាក់ព័ន្ធនឹងការប៉ុនប៉ងផ្ដួលរំលំរាជរដ្ឋាភិបាល តាមរយៈផែនការ ៩ វិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាប់ចោទ ដែលជាអតីតថ្នាក់ដឹកនាំ នៃអតីតគណបក្សសង្គ្រោះជាតិ ទាំងនោះរួមមាន៖ លោក សម រង្ស៊ី, លោក អេង ឆៃអ៊ាង, អ្នកស្រី មូ សុខហួរ, លោក ហូរ វ៉ាន់, ​លោក តុ វ៉ាន់ចាន់, លោក អ៊ូ ច័ន្ទឫទ្ធិ, លោក ឡុង រី, លោក ម៉ែន សុថាវរិន្ទ្រ, លោក អ៊ុំ សំអាន, លោក គង់ សភា, លោក អ៊ីសាក់ អ៊ូស្មាន់, និង លោក ម៉ោញ សារ៉ាត់ ជាដើម ត្រូវបានចៅក្រមសាលាដំបូងរាជធានីភ្នំពេញ ប្រកាសសាលក្រមផ្ដន្ទាទោស ៨ឆ្នាំ និងចេញដីកាបង្គាប់ឲ្យចាប់ខ្លួនភ្លាមៗ ផងដែរ។

ចំណែកកញ្ញា សេង ធារី ដែលគេដឹងថា ជាអ្នកគាំទ្រអតីតគណបក្សប្រឆាំងមួយរូបដែរនោះ ក៏ត្រូវបានចៅក្រមសាលាដំបូងរាជធានីភ្នំពេញ ប្រកាសសាលក្រមផ្ដន្ទាទោសដាក់ពន្ធនាគាររយៈពេល ៦ឆ្នាំ និងបង្គាប់ឲ្យចាប់ខ្លួនយកទៅអនុវត្តទោសភ្លាមៗ ខណៈជនជាប់ចោទបានមកស្រែកឡូឡា នៅមុខសាលាដំបូងរាជធានីភ្នំពេញ តាំងពីព្រឹកថ្ងៃអង្គារនេះ។ ក្នុងនោះ ជនជាប់ចោទចំនួន ១៩នាក់ផ្សេងទៀត ក៏ត្រូវបានតុលាការសម្រេចផ្ដន្ទាទោសរយៈពេល ៦ឆ្នាំ ក្នុងសំណុំរឿងដដែលនេះផងដែរ។  

រីឯជនជាប់ចោទ ដែលត្រូវផ្ដន្ទាទោសដាក់ពន្ធនាគាររយៈពេល ៥ឆ្នាំ តែព្យួរទោសក្នុងសំណុំរឿងដដែលនេះ មានចំនួន ២០នាក់។ ពួកគេទាំងអស់នោះ ត្រូវបានចោទប្រកាន់ពីបទ «រួមគំនិតក្បត់, សមគំនិតក្នុងអំពើក្បត់, បទញុះញង់ក្នុងអំពើក្បត់, បទញុះញង់ឲ្យមានភាពវឹកវរធ្ងន់ធ្ងរដល់សន្តិសុខសង្គម, និងបទញុះញង់កុំឲ្យយោធិនស្តាប់បង្គាប់។ បទល្មើសទាំងអស់នេះ មានចែងក្នុងបទប្បញ្ញត្តិមាត្រា ២០៣, មាត្រា ២០៤ ,និងមាត្រា ២០៥ នៃក្រមព្រហ្មទណ្ឌ នៃព្រះរាជាណាចក្រកម្ពុជា៕

អត្ថបទ៖ មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

រាជធានី​ភ្នំពេញ​និង​រដ្ឋធានី​វៀង​ចន្ទ ជំរុញ​ទំនាក់ទំនង​ការទូត​រវាង​ទីក្រុង​ទាំងពីរ​ឲ្យ​កាន់តែ​ល្អប្រសើរ​មួយកម្រិត​ថែមទៀត

កីឡា៣ ម៉ោង មុន

ចូល​រួម​សាទរ​ ភ្នំពេញ​​ក្រោន​ ឈ្នះ​​ជើង​ឯក​លីគ​កំពូល​​កម្ពុជា​​២០២២

ព័ត៌មានជាតិ៣ ម៉ោង មុន

បណ្តា​រាជធានី​និង​រដ្ឋធានី​អាស៊ាន​ទទួល​បាន​បទពិសោធន៍​អភិវឌ្ឍ​ទីក្រុង​ជាច្រើន ដើម្បី​ប្រែ​ក្លាយទៅជា​ទីក្រុង​ឆ្លាត​វៃ​និង​មាន​ភាព​ធន់

ព័ត៌មានជាតិ៣ ម៉ោង មុន

លោកស្រី​បណ្ឌិត អ៊ី​រ៉ា​វាទី ជិន​ដ្រា​ដេ​វី កោត​ស​សើរ​អភិបាល​រាជធានី​ភ្នំពេញ​ចំពោះ​ការរៀបចំ​វេទិកា AMF និង​កិច្ចប្រជុំ MGMAC ឆ្នាំ​២០២២ ប្រកបដោយ​ភាពជោគជ័យ

ជីវិតកម្សាន្ដ៣ ម៉ោង មុន

អាយុ ៦០ឆ្នាំហើយ ស្ដេចកំប្លែង ​ទិនហ្វី នៅតែមាំទាំ ដើរលេងដូចយុវវ័យ

Sokha Hotels

ព័ត៌មានពេញនិយម