ព័ត៌មានជាតិ
មន្ត្រីសុខាភិបាល៖ ស្ត្រីកម្ពុជា ៩៧ ភាគរយសម្រាលកូន នៅតាមមូលដ្ឋានសុខាភិបាល
មន្ត្រីជាន់ខ្ពស់ក្រសួងសុខាភិបាល បានលើកឡើងថា អត្រាការសម្រាលកូនរបស់ស្ត្រីកម្ពុជានៅមូលដ្ឋានសុខាភិបាលបានកើនឡើងដល់ ៩៧ ភាគរយ ខណៈអត្រានៃការសម្រាលកូនដោយឆ្មបជំនាញវិញមានរហូតដល់ទៅ ៩៩ ភាគរយនៅឆ្នាំ២០២១-២០២២ ដែលបណ្តាលមកពីប្រជាពលរដ្ឋមានជំនឿមកលើប្រព័ន្ធសុខាភិបាលរបស់រដ្ឋ។
ថ្លែងបើកសិក្ខាសាលាលើកទី២១ នៃសមាគមសម្ភព និងរោគស្រី្តវិទ្យាកម្ពុជា ក្រោមប្រធានបទ “លើកកម្ពស់សុខភាពមាតា និងទារក” នៅព្រឹកថ្ងៃទី២៥ មិថុនានៅសណ្ឋាគារភ្នំពេញ លោកស្រីសាស្រ្តាចារ្យ តាន់ វួចឆេង រដ្ឋលេខាធិការក្រសួងសុខាភិបាល បានបន្តថា ការកើនឡើងនាំការសម្រាលកូននៅតាមមលដ្ឋានសុខាភិបាល និងការសម្រាលកូនដោយឆ្មបជំនាញនេះ ជាហេតុធ្វើឱ្យអត្រាមរណភាពមាតា ទារក បានថយចុះពី ១៧០ នៅឆ្នាំ២០១៤ មកនៅ ១៥៤ ក្នុងទារកកើតរស់ ១០០ ០០០ នាក់។
លោកស្រីសាស្រ្តាចារ្យ តាន់ វួចឆេង សង្ឃឹមយ៉ាងមុតមាំថា សមាគមសម្ភព និងរោគស្រី្តកម្ពុជា នឹងចូលរួមយ៉ាងសកម្មក្នុងការកាត់បន្ថយអត្រាមរណៈឱ្យខាងតែបាននូវអត្រាគ្រោះថ្នាក់ និងស្លាប់របស់ម្តាយ និងទារក កុមារ នៅកម្ពុជា ដែលប្រឈមនឹងគ្រោះថ្នាក់នេះ។
លោកសាស្រ្តាចារ្យ គុំ កាណាស់ ជាប្រធានសមាគមសម្ភព និងរោគស្រី្តវិទ្យាកម្ពុជា បានមានប្រសាសន៍ថា ការបង្កើតសមាគមនេះក្នុងគោលដៅដើម្បីលើកកម្ពស់មនសិកាជាតិ និងអន្តរជាតិ ព្រមទាំងបង្កើនស្មារតីទទួលខុសត្រូវ លើកិច្ចសហប្រតិបតិ្តការ និងការជឿនលឿន នៃវិទ្យាសាស្រ្តតាមការចូលរួមចំណែកបំពេញតួនាទី និងមុខដំណែងក្នុងសង្គមជាតិ និងអន្តរជាតិ ជំរុញឱ្យមានសន្ទុះកាន់តែខ្លាំងរាល់សកម្មភាពបណ្តុះបណ្តាល និងស្រាវជ្រាវវិទ្យាសាស្ត្រតាមរយៈការចុះជួយពង្រឹងចំណេះដឹង និងចំណេះធ្វើ នៅនឹងកន្លែងធ្វើការងារ ក៏ដូចជាការជួបជុំគ្នាផ្នែកគរុកោសល្យ និងវិទ្យាសាស្រ្ត។
លោកសាស្រ្តាចារ្យ គុំ កាណាល់ បានបញ្ជាក់ទៀតថា សិក្ខាសាលានេះពិតជាប្រយោជន៍ណាស់សម្រាប់សមាជិក សមាជិកា សមាគមក្នុងការក្រេបយកចំណេះដឹងជុំវិញការលើកកម្ពស់សុខភាពមាតា និងទារក ក្នុងការដោះស្រាយឱ្យបានទាន់ពេលវេលា និងចេះដោះស្រាយនូវជំងឺរួមផ្សំដែលនឹងអាចកើតឡើងនៅពេលជាមួយគ្នា៕
អត្ថបទ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ