ព័ត៌មានជាតិ
មន្រ្តីជាន់ខ្ពស់ក្រសួងបរិស្ថាន អំពាវនាវដល់អ្នកពាក់ព័ន្ធគាំពារបរិស្ថាន និងអភិរក្សធនធានធម្មជាតិ
នៅថ្ងៃទី១១ ខែសីហា ឆ្នាំ២០២២ ក្រសួងបរិស្ថានរៀបចំសិក្ខាសាលាផ្សព្វផ្សាយច្បាប់ពាក់ព័ន្ធ នឹងវិស័យបរិស្ថាន និងធនធានធម្មជាតិ។
ក្នុងឱកាសនេះ ឯកឧត្តម សៅ សុភាព រដ្ឋលេខធិការក្រសួងបរិស្ថាន អំពាវនាវដល់ អ្នកពាក់ព័ន្ធគាំពារបរិស្ថាន និងអភិរក្សធនធានធម្មជាតិ។ ឯកឧត្តមបន្តថា សិក្ខាសាលានេះមានគោលបំណងផ្សព្វផ្សាយនិងបញ្ជ្រៀបការយល់ដឹងដល់ភាគីពាក់ព័ន្ធដើម្បីឱ្យមានការយល់ដឹងអំពីទិដ្ឋភាពច្បាប់ និងលិខិតបទដ្ឋានគតិយុត្តពាក់ព័ន្ធនឹងវិស័យបរិស្ថាន និងធនធានធម្មជាតិ ព្រមទាំងដើម្បីចូលរួមចំណែកទាំងអស់គ្នាក្នុងការការពារ អភិរក្ស និងគ្រប់គ្រងធនធានធម្មជាតិប្រកបដោយនិរន្តរភាព នៅក្នុងតំបន់ការពារធម្មជាតិ ដើម្បីជាឧត្តមប្រយោជន៍របស់ព្រះរាជាណាចក្រកម្ពុជា កូនចៅជំនាន់ក្រោយ និងមនុស្សជាតិទាំងមូល។
ឯកឧត្តមបន្តថា តំបន់ការពារធម្មជាតិមួយចំនួន គឺជាទ្រព្យសម្បត្តិសាធារណៈរបស់រដ្ឋ មិនអាចជាកម្មវត្ថុនៅក្នុងការទិញលក់បានឡើយ។ រាល់ការពារបញ្ជាក់ នៃការទិញលក់តំបន់ការពារធម្មជាតិ ត្រូវបានមោឃភាពចោល ហើយអ្នកដែលពាក់ព័ន្ធទាំងអស់ត្រូវទទួលខុសត្រូវចំពោះមុខច្បាប់ជាធរមាន។
បើទោះបីជាយ៉ាងនេះក្តី អាជ្ញាធរពាក់ព័ន្ធទាំងអស់ក៏ត្រូវពិនិត្យលើទិដ្ឋភាពជាក់ស្តែង នៃការរស់នៅ និងអាស្រ័យផលរបស់ប្រជាពលរដ្ឋ ដែលជាទីកន្លែងខ្លះ បានប្រែក្លាយជាភូមិដ្ឋានទៅហើយ ដូច្នេះការអនុវត្តច្បាប់ក៏ត្រូវផ្សព្វផ្សាយបន្ថែម ទៅកាន់ពលរដ្ឋឲ្យមានការយល់ដឹង និងការពារអ្វីដែលនៅសេសសល់ឲ្យបានគង់វង្ស។ ការអនុវត្តច្បាប់ត្រូវស្របជាមួយគោលនយោបាយ និងផែនការគាំទ្រដល់ការអភិវឌ្ឍប្រកបដោយចីរភាព តាមកំណែទម្រង់វិមជ្ឈការ និងវិសហមជ្ឈការ។
ដើម្បីការពារបរិស្ថាននេះបានគង់វង្ស និងមិនមានភាពប៉ះពាល់ដល់ជីវភាពប្រជាពលរដ្ឋត្រូវដល់ដឹងឲ្យបានច្បាស់ពី ១.ច្បាប់ពាក់ព័ន្ធនឹងបរិស្ថាន និងគ្រប់គ្រងធនធានធម្មជាតិ, ទី២.ប្រភេទបទល្មើសបរិស្ថាន និងធនធានធម្មជាតិ, ទី៣.តួនាទីនៃមន្ត្រីនគរបាលយុត្តិធម៌ និងភ្នាក់ងារមន្ត្រីនគរបាលយុត្តិធម៌ក្នុងការពង្រឹងការអនុវត្តច្បាប់ពាក់ព័ន្ធ, ទី៤. ការពង្រឹងការអនុវត្តច្បាប់ទៅតាមនីតិវិធី និងកម្រិតនៃស្ថានទម្ងន់ទោសនៃបទល្មើសធនធានធម្មជាតិ និងទី៥. នីតិវិធីកសាងសំណុំរឿងពាក់ព័ន្ធនឹងបទល្មើសធនធានធម្មជាតិ៕
អត្ថបទ៖ ឈាង មករា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ