កីឡា
សុទ្ធតែក្រុមល្អ! អាហ្សង់ទីន ប៉ះ អង់គ្លេស ខណៈ បារាំង ប៉ះ អេស្ប៉ាញ វគ្គ ៤ ក្រុម World Cup 2026
ព្រឹត្តិការណ៍បាល់ទាត់ពិភពលោក World Cup ឆ្នាំ ២០២៦ រកឃើញក្រុមឡើងវគ្គពាក់កណ្តាលផ្តាច់ព្រ័ត្រហើយ បន្ទាប់ពីចប់ការប្រកួតវគ្គ ៨ ក្រុមចុងក្រោយ នៅព្រឹកថ្ងៃទី១២ ខែកក្កដា ឆ្នាំ ២០២៦។ ក្រុមតោកំណាចអង់គ្លេស ជួបក្រុមពពកស អាហ្សង់ទីន និង ក្រុមមាន់គក បារាំង ជួបគោជល់ អេស្ប៉ាញ ដែលសុទ្ធតែក្រុមខ្លាំងប៉ះគ្នា។
អាហ្សង់ទីន ជាក្រុមឡើងវគ្គពាក់កណ្តាលផ្តាច់ព្រ័ត្រក្រោយគេ បន្ទាប់ពីឈ្នះ ស្វីស ដោយលទ្ធផល ៣-១ នៅវគ្គ ៨ ក្រុមចុងក្រោយ ក្នុងពេល ១២០នាទី។ កាលវគ្គសន្សំពិន្ទុក្នុងពូល អាហ្សង់ទីន បានឈ្នះ អាល់ហ្សេរី ៣-០, ឈ្នះអូទ្រីស ២-០ និងឈ្នះ ហ្សក់ដានី ៣-១។ នៅវគ្គ ៣២ ក្រុមចុងក្រោយ ពួកគេបានឈ្នះ កាបវែរ ៣-២ និងឈ្នះ អេហ្ស៊ីប ៣-២ នៅវគ្គ ១៦ ក្រុមចុងក្រោយ។ ឆ្លងកាត់ ៦ ប្រកួតកន្លងមក អាហ្សង់ទីន បានឈ្នះទាំង ៦ ប្រកួត ស៊ុតចូលដៃគូ ១៧ គ្រាប់ និងត្រូវដៃគូស៊ុតចូល ៦ គ្រាប់។
អង់គ្លេស មិនទាន់ស្គាល់បរាជ័យដែរសម្រាប់ ៦ ប្រកួតកន្លងមកគឺឈ្នះទាំងអស់ ហើយស៊ុតចូលដៃគូ ១៦ គ្រាប់ និងត្រូវបានដៃគូស៊ុតចូល ៥។ កាលពីវគ្គសន្សំក្នុងពូល អង់គ្លេស បានឈ្នះ ក្រូអាត ៤-២, ស្មើ ហ្គាណា ០-០ និងឈ្នះ ប៉ាណាម៉ា ២-០។ នៅវគ្គ ៣២ ក្រុម ពួកគេបានឈ្នះ កុងហ្គោ ២-១ និងបន្តឈ្នះ ម៉ិកស៊ិក ៣-២ នៅវគ្គ ១៦ ក្រុម ហើយបន្តឈ្នះ ន័រវែស ២-១ នៅវគ្គ ៨ក្រុមចុងក្រោយ។
អេស្ប៉ាញ ឆ្លងកាត់ ៦ ប្រកួតកន្លងមកគឺ ឈ្នះ ៥ និងស្មើ ១ ហើយស៊ុតចូលដៃគូ ១១ គ្រាប់ និងត្រូវគេស៊ុតចូល ១ គ្រាប់ប៉ុណ្ណោះ។ ពួកគេបានស្មើ កាបវែរ ០-០, ឈ្នះ អារ៉ាប៊ីសាអ៊ូឌីត ៤-០ និងឈ្នះ អ៊ុយរូហ្គាយ ១-០ នៅវគ្គសន្សំពិន្ទុក្នុងពូល ហើយនៅវគ្គ ៣២ ក្រុមបានឈ្នះ អូទ្រីស ៣-០, វគ្គ ១៦ ក្រុម បន្តឈ្នះ ព័រទុយហ្គាល់ ១-០ និងវគ្គ ៨ ក្រុមចុងក្រោយបានឈ្នះ បែលហ្ស៊ិក ២-១។
ចំណែក បារាំង វិញ មិនទាន់ស្គាល់បរាជ័យ និងស្មើឡើយ សម្រាប់ការប្រកួត ៦ លើកកន្លងមកគឺឈ្នះ សេណេហ្គាល់ ៣-១, ឈ្នះ អ៊ីរ៉ាក់ ៣-០ និងឈ្នះន័រវែស ៤-១ នៅវគ្គសន្សំពិន្ទុក្នុងពូល។ វគ្គ៣២ ក្រុមចុងក្រោយ ពួកគេបានឈ្នះ ស៊ុយអែត ៣-០, វគ្គ ១៦ ក្រុមចុងក្រោយ បានឈ្នះ ប៉ារ៉ាហ្គាយ ២-០ និងបន្តឈ្នះ ម៉ារ៉ុក ២-០ នៅវគ្គ ៨ ក្រុមចុងក្រោយ។ ពួកគេស៊ុតចូលដៃគូ ១៦ គ្រាប់ និងត្រូវដៃគូស៊ុតចូល ២ គ្រាប់។
សូមបញ្ជាក់ថា ការប្រកួតវគ្គពាក់កណ្តាលផ្តាច់ព្រ័ត្រ ធ្វើនៅថ្ងៃទី១៤ និងទី១៥ ខែកក្កដា ឆ្នាំ ២០២៦។ ក្រុមទាំង ៤ សុទ្ធតែត្រូវប្រកួត ២ លើកចុងក្រោយដូចគ្នាគឺ វគ្គពាក់កណ្តាលផ្តាច់ព្រ័ត្រ ១ លើកម្នាក់ វគ្គដណ្តើមលេខ ៣ មួយប្រកួត និងវគ្គដណ្តើមជើងឯក ១ ប្រកួត៕
អត្ថបទ៖ វិរបុត្រ
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ៦ ថ្ងៃ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ