ព័ត៌មានអន្ដរជាតិ

អ៊ីរ៉ង់វាយសងសឹកអាមេរិកវិញនៅទូទាំងមជ្ឈិមបូព៌ា ក្រោយអាមេរិកវាយប្រហារលើគោលដៅ១៤០នៅអ៊ីរ៉ង់

បានផុស

១៧ វិនាទី មុន

នៅ

ថ្ងៃអាទិត្យ ១២ កក្កដា ២០២៦

ដោយ

កងឆ្មាំបដិវត្តន៍អ៊ីស្លាមអ៊ីរ៉ង (IRGC) ត្រូវបានគេរាយការណ៍ថា បានវាយប្រហារយ៉ាងខ្លាំងជាការសងសឹកទៅលើសហរដ្ឋអាមេរិក ដែលបានបើកការវាយប្រហារតនៅល្ងាចថ្ងៃសៅរ៍ (ម៉ោងនៅទីក្រុងវ៉ាស៊ីនតោន) ត្រូវព្រឹកថ្ងៃអាទិត្យ (ម៉ោងនៅប្រទេសកម្ពុជា) ដោយការវាយប្រហារសំដៅលើច្រើនគោលដៅទូទាំងតំបន់មជ្ឈិមបូព៌ា។

យន្តហោះ KC-135 Stratotanker ចាក់ប្រេងលើអាកាស ដល់យន្តហោះចម្បាំង F-16 របស់កងទ័ពអាកាសអាមេរិកក្នុងការល្បាតនៅមជ្ឈិមបូព៌ា។ Centcom

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោង Al Jazeera ដែលដកស្រង់បន្តពីប្រព័ន្ធផ្សព្វផ្សាយអ៊ីរ៉ង់ IRIB , កងឆ្មាំបដិវត្តន៍អ៊ីស្លាមអ៊ីរ៉ង (IRGC) បានបើកប្រតិបត្តិការវាយប្រហារដ៏ខ្លាំង និងភ្ញាក់ផ្អើលលើមជ្ឈមណ្ឌលគាំទ្រភស្តុភា និង ទម្រង់ផ្គត់ផ្គង់ផ្សេងៗទៀត ប្រើប្រាស់ដោយប្រតិបត្តិការតាមផ្លូវអាកាសរបស់សហរដ្ឋអាមេរិកនៅកំពង់ផែដាំ (Duqm) ក្នុងសមុទ្រអូម៉ង់។

សេចក្តីរាយការណ៍ បានឲ្យដឹងថា អ៊ីរ៉ង់បានវាយប្រហារសំដៅមូលដ្ឋានទ័ពអាមេរិក នៅប្រទេសកាតា បារ៉ែន គុយវ៉េត និង អារ៉ាប់រួម។

ទន្ទឹមគ្នានោះ កងទ័ពនៃប្រទេសគុយវ៉េត ក៏បានអះអាងពីការវាយប្រហារពីសំណាក់អ៊ីរ៉ង់មកលើមូលដ្ឋានទ័ពរបស់សហរដ្ឋអាមេរិក ដោយអះអាងថា ប្រព័ន្ធការពារដែនអាកាសគុយវ៉េត បានស្ទាក់ចាប់ការវាយប្រហារ ប៉ុន្តែខកខានក្នុងការបញ្ជាក់ថា តើការស្ទាក់ចាប់នោះជាប្រភេទដ្រូន ឬមីស៊ីលនោះទេ។

បញ្ជាការកណ្តាលរបស់យោធាអាមេរិក (CENTCOM) បាននិយាយថា ខ្លួនបានបញ្ចប់ការវាយប្រហារជុំទី៣លើប្រទេសអ៊ីរ៉ង់នៅសប្តាហ៍នេះ ដែលជាការទាមទារឲ្យអ៊ីរ៉ង់ទទួលខុសត្រូវលើការវាយប្រហារថ្មីៗនេះ លើកប៉ាល់បំពាក់ទង់ជាតិ Cyprus ឆ្លងកាត់ច្រកហ័រមូស។

ការវាយប្រហារចុងក្រោយរបស់សហរដ្ឋអាមេរិក សំដៅលើ ១៤០គោលដៅរបស់យោធាអ៊ីរ៉ង់ រួមទាំង ទីតាំងមីស៊ីល និង ដ្រូន សមត្ថភាពនាវាជើងទឹក កន្លែងសន្និធិគ្រាប់រំសេវ បណ្តាញទូរគមនាគមន៍ និង ទីតាំងចាំឃ្លាំមើលតំបន់សមុទ្រ។

សេចក្តីថ្លែងការណ៍ដដែល បានលើកឡើង គោលដៅជាង៣០០ ត្រូវបានវាយប្រហាររយៈពេល៣យប់នៅសប្តាហ៍នេះ ដើម្បីបន្ថយសមត្ថភាពអ៊ីរ៉ង់ចំពោះការវាយប្រហារអ្នកបើកកប៉ាល់ស៊ីវិល និង នាវាពាណិជ្ជកម្ម ឲ្យឆ្លងកាត់ច្រកហ័រមូសដោយសេរី។

CENTCOM បាននិយាយថា កងទ័ពសហរដ្ឋអាមេរិក បានជួយកប៉ាល់ពាណិជ្ជកម្មជាង៨០០ រួមទាំងកប៉ាល់ដឹកប្រេង៤០០បារ៉ែលឆ្លងកាត់ច្រកនេះចាប់តំាងពីដើមខែឧសភា៕