ព័ត៌មានជាតិ
លោក កែវ រ៉េមី ស្នើដល់អ្នករាយការណ៍ពិសេស UN ត្រូវរក្សាតុល្យភាពព័ត៌មានសម្រាប់របាយការណ៍សិទ្ធិមនុស្សនៅកម្ពុជា
ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានស្នើដល់លោក វិទិត មុនតាប៊ន អ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា ត្រូវរក្សាឲ្យបានតុល្យភាពព័ត៌មាន និងអនុសាសន៍នៅក្នុងរបាយការណ៍របស់ខ្លួន។ លោក កែវ រ៉េមី ស្នើបែបនេះ នៅក្នុងជំនួបការងារដោយផ្ទាល់ជាមួយលោក វិទិត មុនតាប៊ន នៅថ្ងៃទី១៧ សីហានេះ។
លោក កែវ រ៉េមី បញ្ជាក់ថា ការរក្សាបានតុល្យភាពសម្រាប់របាយការណ៍សិទ្ធិមនុស្សនៅកម្ពុជានេះ គឺដើម្បីផ្ដល់ភាពយុត្តិធម៌ដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាលើវិស័យសិទ្ធិមនុស្ស។ លោក សង្កត់ធ្ងន់ថា អ្នករាយការណ៍ពិសេស មិនមែនជាមន្ត្រី ឬជាបុគ្គលិករបស់អង្គការសហប្រជាជាតិឡើយ រាល់ទស្សនៈ និងអនុសាសន៍ដែលចេញដោយអ្នករាយការណ៍ពិសេស គឺជាទស្សនៈ និងអនុសាសន៍បុគ្គល មិនតំណាងឲ្យស្ថាប័នណាមួយឡើយ។
នៅក្នុងជំនួបនេះដែរ លោក កែវ រ៉េមី ក៏បានធ្វើបទបង្ហាញអំពីវឌ្ឍនភាពការងារចំនួន ៥ចំណុច ដូចជា៖ ១.ការបង្កើតច្បាប់ស្តីពីស្ថាប័នសិទ្ធិមនុស្សជាតិ ២.ពាក់ព័ន្ធនឹងស្ថានភាពពន្ធនាគារ និងកន្លែងឃុំឃាំង ៣.ពាក់ព័ន្ធនឹងសិទ្ធិកុមារ ៤.ពាក់ព័ន្ធនឹងលំហរប្រជាធិបតេយ្យនៅកម្ពុជា និង៥.កិច្ចសហការជាមួយឧត្តមស្នងការទទួលបន្ទុកសិទ្ធិមនុស្សរបស់អង្គការសហប្រជាជាតិ និងដៃគូអភិវឌ្ឍន៍នានា។
បន្ថែមពីនេះ ប្រធានគណៈកម្មាធិការសិទ្ធិមនុស្សរូបនេះ បានធ្វើបច្ចុប្បន្នភាពលើវិស័យផ្សេងៗទៀត រួមមាន សុខដុមនីយកម្មខាងជំនឿសាសនា សិទ្ធិសម្រាប់អ្នកស្រលាញ់ភេទដូចគ្នា និងការងាររបស់គណៈកម្មការអន្តររដ្ឋាភិបាលអាស៊ានទទួលបន្ទុកសិទ្ធិមនុស្ស (អាយឆា) ដែលកម្ពុជាធ្វើជាប្រធាននៅក្នុងឆ្នាំ២០២២នេះ។
ជាការឆ្លើយតបលោក វិទិត មុនតាប៊ន បានបង្ហាញការកត់សម្គាល់ពីភាពរីកចម្រើននៃស្ថានភាពសិទ្ធិមនុស្សនៅកម្ពុជា ដោយលោកសម្ដែងការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងរបស់គណៈកម្មាធិការសិទ្ធិមនុស្សកម្ពុជា ពិសេសរាជរដ្ឋាភិបាល ក្នុងការលើកកម្ពស់ និងការការពារសិទ្ធិមនុស្សក្នុងប្រទេសកម្ពុជា។ ជាមួយគ្នានេះ លោក ក៏ជំរុញឲ្យគណៈកម្មាធិការសិទ្ធិមនុស្សកម្ពុជា បន្តពង្រឹង និងពង្រីកលើការងារសិទ្ធិមនុស្សនេះឲ្យកាន់តែមានភាពល្អប្រសើរបន្ថែមទៀផងដែរ៕
ដោយ៖ ធឿន វ៉ាន់សុង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង