ព័ត៌មានជាតិ
អាជ្ញាធរខេត្តកំពត ចុះពិនិត្យទីតាំងចំនួន២ ដែលមានគម្រោងកាត់ឆ្វៀលដីជូនពលរដ្ឋ
កាលពីថ្ងៃទី២១ ខែកញ្ញា ឆ្នាំ២០២២នេះ អាជ្ញាធរខេត្តកំពត ដឹកនាំដោយឯកឧត្តម សេង សិរីបុត្រ អភិបាលរងខេត្តកំពត ដោយបានរួមដំណើរឯកឧត្តម ង៉ាន់ ថារិទ្ធ អភិបាលរងខេត្ត និងលោក ចាន់ រិទ្ធ ប្រធានមន្ទីរកសិកម្មរុក្ខាប្រម៉ាញ់និងនេសាទខេត្ត និងលោក ជួន សារ៉ា ប្រធានមន្ទីររដ្ឋបាលព្រៃឈើខេត្ត រួមទាំងមន្ត្រីរៀបចំដែនដីខេត្ត-លោកអភិបាលស្រុកឈូក ដែលបានចូលរួមជាមួយអាជ្ញាធរខេត្តកំពត បានចុះមកពិនិត្យទីតាំងព្រំដីចំនួនពីរទីតាំងដែលរដ្ឋបាលខេត្តកំពតដែលមានគម្រោងកាត់ឆ្វៀលដីទាំងពីរទីតាំងនេះជូនដល់ប្រជាពលរដ្ឋដែលបានដាក់សំណើរស្នើសុំច្បាប់កម្មសិទ្ធស្រប់ច្បាប់។
ទីតាំងទី១ ដែលមានទំហំដី៤៩ហិកតាដែលស្ថិតនៅក្នុងភូមិដុំផ្ដៅ ឃុំត្រពាំងភ្លាំងស្រុកឈូក និងទីតាំងដីទី២ ដែលមានទំហំ៣៤ ហិកតាដែលស្ថិតនៅក្នុងភូមិមនោសុខ ឃុំតាកែន ស្រុកឈូក ដែលមានម្ចាស់ដីឈ្មោះ ជ្រឹម តារ៉ា និងលោកស្រី ប៉ាក ស៊ាងហៃ ដែលបានដាក់សំណើរស្នើសុំទៅរដ្ឋបាលខេត្តកំពត សុំចេញបណ្ណ័កម្មសិទ្ធស្រប់ច្បាប់ដល់ពួកគាត់។
បន្ទាប់ពីអាជ្ញាធរមានការចុះពិនិត្យដល់ទីតាំងជាក់ស្ដែង ដោយក្រុមការងារដោះស្រាយទំនាស់ដីធ្លី ដោយមានឯកឧត្តម សេង សិរីបុត្រ អភិបាលរងខេត្តនិងមានរួមដំណើរឯកឧត្តម ង៉ាន់ ថារិទ្ធ អភិបាលរងខេត្តទាំងពីតំណាងឯកឧត្តម ម៉ៅ ធនិន អភិបាលខេត្តកំពត ដោយមានការចូលរួមលោក នាក់ សុវណ្ណារី អភិបាលស្រុកឈូក និងមន្ត្រីមកពីសាលាឃុំតាកែន និងមន្ត្រីមកពីសាលាឃុំត្រពាំងភ្លាំង ក្នុងនោះមន្ត្រីសាលាឃុំទាំងពីរ ក៏បានចូលរួមចុះពិនិត្យទីតាំងរួចរាល់ក៏បានអញ្ជើញមកជួបជុំ ពិភាគក្សាប្រជុំនៅសាលាឃុំតាកែនដើម្បីធ្វើការវាយតម្លៃដែលប្រជាពលរដ្ឋបានស្នើសុំនោះ។
លោក ជ្រឹម តារ៉ា ជាម្ចាស់ដីតាំងពីរទីតាំងបាននិយាយប្រាប់ក្រុមការងារថា ដីទាំងពីរទីតាំងនោះខ្លួនបានទិញពីប្រជាពលរដ្ឋសុទ្ធតែមានឯកសា និងដំណាំមានដាំស្វាយកំពង់តែទទួលផលបានជារៀងរាល់ឆ្នាំផងដែរ។ លោក ជ្រឹម តារ៉ា បាននិយាយបន្តថា ទោះបីដីរបស់គាត់បាត់បង់ប៉ុន្មានក៏បាត់ចុះសុំអោយអាជ្ញាធរនិងមន្ត្រីជំនាញមេត្តាជួយចេញប្លង់កម្មសិទ្ធស្របច្បាប់អោយគាត់ផងចំព្រោះគាត់ជាម្ចាស់ដីពិតប្រាកដបែជាអ្នកជនរងគ្រោះទៅវិញ។
លោក ចាន់ រិទ្ធ ប្រធានមន្ទីរកសិកម្មរុក្ខាប្រម៉ាញនិងនេសាទ ខេត្តកំពតបានលើកឡើងថា ការចុះពិនិត្យទីតាំងជាក់ស្ដែងនៅលើដីដែលអាស្រ័យផលត្រូវតែញែកអោយដាច់កុំអោយកើតមានបន្តទៀត។
ឯកឧត្តម សេង សិរីបុត្រ អភិបាលរងខេត្តក៏បានមានប្រសាសន៍ថា ដីដែលមានទំហំ៣៤ហិកតានៅក្នុងភូមិមនោសុខ ឃុំតាកែន ជាដីជាប់ពាក់ពន្ធ័នឹងដីកងពលតូចលេខ៧០។ ឯកឧត្តម សេង សិរិបុត្រ មានប្រសាសន៍លើកឡើងថា បើម្ចាស់ដីទាមទាសំណង់ពីកងពលតូចលេខ៧០ ក៏មិនដឹងយកអីដែរព្រោះដីរដ្ឋនៅតែដីរបស់រដ្ឋ។
ឯកឧត្តម សេង សិរីបុត្រ មានប្រសាសន៍បន្តថា ក្រុមការងារដែលបានចុះវាយតម្លៃដីទាំងពីរកន្លែងនេះមានគម្រោងឆ្វៀលដីជូនដល់ប្រជាពលរដ្ឋប៉ុន្តែមិនទាន់បានសម្រេចនោះទេព្រោះក្រុមការងារនឹងធ្វើរបាយការជូនឯកឧត្តម ម៉ៅ ធនិន អភិបាលខេត្តកំពតសិនដែលជាអ្នកសម្រេចបាននោះ៕
អត្ថបទ៖ សឹង រ៉ាត់
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល