ព័ត៌មានជាតិ
អ្នកនាំពាក្យ ៖ ផលដំណាំជាង ២៥ ម៉ឺនហិកតា នៅរាជធានី-ខេត្ត ចំនួន ២១ រងផលប៉ះពាល់ដោយជំនន់ទឹកភ្លៀង
លោក សុទ្ធ គឹមកុលមុន្នី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នារសៀលនេះថា គិតត្រឹមថ្ងៃទី ១២ ខែតុលា ឆ្នាំ ២០២២ ផលដំណាំប្រមាណជាង ២៥ ម៉ឺនហិកតា នៅតាមរាជធានី-ខេត្ត ចំនួន ២១ បានរងផលប៉ះពាល់ដោយជំនន់ទឹកភ្លៀង ក្នុងនោះខូចខាតជាង ១០ ម៉ឺនហិកតា។
លោកបន្តថា ក្នុងចំណោមផលដំណាំជាង ២៥ ម៉ឺនហិកតា ក្នុងនោះដំណាំស្រូវ ២០៦៧៧២.៧០ ហិកតា ខូចខាត ៨៥១២៨.៥៥ ហិកតា អាចស្តារឡើងវិញ ចំនួន ៤៨៤២.៣៦ ហិកតា។ ចំណែកដំណាំរួមផ្សំវិញ ប៉ះពាល់ ៤២៦៨.៧២ ហិកតា ខូចខាត ៨៩៣.២២ ហិកតា អាចស្តារឡើងវិញចំនួន ៣៧៨ ហិកតា។
លោកបន្តទៀតថា ជាមួយគ្នានេះដែរ ជំនន់ទឹកភ្លៀង ក៏បានប៉ះពាល់ដល់ដំណាំឧស្សាហកម្ម ៤៩១៧១.៧០ ហិកតា ខូចខាត ២២៦០៦.២០ ហិកតា អាចស្តារឡើងវិញចំនួន ២១៣២ ហិកតា ដោយមានប្រជាពលរដ្ឋរងផលប៉ះពាល់សរុប ១០៧៧៦២ នាក់។
លោក សុទ្ធ គឹមកុលមុន្នី បានឲ្យដឹងទៀតថា ក្នុងនោះប្រជាពលរដ្ឋដែលមានតម្រូវការគ្រាប់ពូជ មានចំនួន ៤៨២៤.១៨ តោន និងផ្តល់គ្រាប់ពូជបាន ៨៣.៣៥ តោន។
លោកបញ្ជាក់ថា ជំនន់ទឹកភ្លៀង បានបង្កផលប៉ះពាល់ដល់ខេត្តចំនួន ២៣ លើកលែងរាជធានីភ្នំពេញ និងខេត្តស្វាយរៀង ស្មើនឹង ១០៥ ក្រុង ស្រុក ខណ្ឌ និង ៤៣៨ ឃុំ-សង្កាត់។ ក្នុងនោះមានខេត្តចំនួន ៤ រងគ្រោះធ្ងន់ធ្ងរជាងគេ រួមមាន ខេត្តកំពង់ធំ សៀមរាប បន្ទាយមានជ័យ និងខេត្តបាត់ដំបង។
លោកបន្ថែមថា ជំនន់ទឹកភ្លៀងនេះបណ្ដាលឲ្យប៉ះពាល់ដល់ប្រជាជនចំនួន ១១២៧៦០ គ្រួសារស្មើនឹង ៥០៧៤២០ នាក់។ ក្នុងនោះបានជម្លៀសទៅរកទីទួលសុវត្ថិភាពចំនួន ៤៥៥៦ គ្រួសារ ស្មើនឹង ២០៥០២ នាក់ លិចផ្ទះប្រជាជន ៥១២០០ ខ្នង ខូចខាត ២៨៥ ខ្នង លិចសាលារៀន ៣៣២ សាលា វត្តអារាម ១០២ វត្ត លិចស្រូវ ១៩៣៥៦២ ហិកតា ខូចខាតជាង ៦ ម៉ឺនហិកតា លិចដំណាំរួមផ្សំ ៤៤៣៩៣ ហិកតា និងលិចផ្លូវជាតិ ផ្លូវខេត្ត ផ្លូវក្រួសក្រហម ប្រវែង ៦៩ គីឡូម៉ែត្រ ផ្លូវលំប្រវែង ១៤៣៣ គីឡូម៉ែត្រ ប៉ះពាល់ទំនប់ ៤៥ គីឡូម៉ែត្រ និងច្រាំងទន្លេប៉ះពាល់ ២១៤៩ ម៉ែត្រ៕
អត្ថបទ ៖ សំអឿន
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៩ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម