ព័ត៌មានជាតិ
លោក សាន សុខសីហា ៖ ការរក្សាសន្តិសុខសណ្ដាប់ធ្នាប់ក្នុងពេលកិច្ចប្រជុំកំពូលអាស៊ាននៅភ្នំពេញ មានភាពល្អប្រសើរ
នៅថ្ងៃទី ១១ ខែវិច្ឆិកា ឆ្នាំ ២០២២នេះ លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានលើកឡើងថា នៅពេលដំណើរការកិច្ចប្រជុំកំពូលអាស៊ានលើកទី ៤០ និងលើកទី ៤១ នៅរាជធានីភ្នំពេញ គឺមិនមានបាតុភាពអ្វីកើតឡើងគួរកត់សម្គាល់ឡើយ។ លោក អះអាងថា ជារួមស្ថានភាព គឺការរក្សាសន្តិសុខ និងសណ្ដាប់ធ្នាប់ មានភាពល្អប្រសើរ ក្នុងរយៈពេលប៉ុន្មានថ្ងៃមកនេះ។
លោកវរសេនីយ៍ឯក សាន សុខសីហា បានប្រាប់ក្រុមអ្នកសារព័ត៌មានថា «ដំណើរការរក្សាសន្តិសុខ និងសណ្ដាប់ធ្នាប់នៅពេលកិច្ចប្រជុំកំពូលអាស៊ាននៅរាជធានីភ្នំពេញ ប្រកបដោយភាពរលូននេះ ដោយសារតែមានការចូលរួមសហការយ៉ាងល្អរបស់កងកម្លាំងចម្រុះទាំងអស់ ដែលមានប្រមាណជាង ១ម៉ឺននាក់ ដើម្បីកិច្ចការការពារសុវត្ថិភាពបណ្ដាគណៈ ប្រតិភូជាតិ និងអន្តរជាតិ ព្រមទាំងសន្តិសុខ សណ្ដាប់ធ្នាប់នៅតាមគោលដៅសំខាន់ៗ»។
បើតាមលោក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ ធ្លាប់បានបញ្ជាក់ថា នៅ ពេលកិច្ចប្រជុំកំពូលអាស៊ាននៅកម្ពុជា កងកម្លាំងចម្រុះសរុបប្រមាណជាង ១ម៉ឺននាក់មកពីអង្គភាពផ្សេងៗដូចជា៖ កម្លាំងនគរបាលជាតិ កងអង្គរក្ស កងរាជអាវុធហត្ថ កងកម្លាំងពិសេសប្រឆាំងភេរវកម្ម និងកងកម្លាំងការពារផ្លូវទឹក-ផ្លូវអាកាស ជាដើម។ ទន្ទឹមនោះ ក៏បានប្រើមធ្យោបាយចម្រុះ រួមមាន រថយន្តការពារគ្រាប់ ឧទ្ធម្ភាគចក្រ និងអូប័រ ដើម្បីធានាបាននូវសន្តិសុខ សណ្ដាប់ធ្នាប់ នៅពេលកិច្ចប្រជុំ ក៏ដូចជាដើម្បីកិច្ចការពារសុវត្ថិភាពដល់បណ្ដាមេដឹកនាំ គណៈប្រតិភូជាតិ និងអន្តរជាតិ។
គួរជម្រាបថា កម្ពុជា ក្នុងនាមជាប្រធានអាស៊ាន ឆ្នាំ២០២២ បានធ្វើជាម្ចាស់ផ្ទះ រៀបចំកិច្ចប្រជុំកំពូលអាស៊ាន លើកទី ៤០ និងលើកទី ៤១ និងកិច្ចប្រជុំកំពូលពាក់ព័ន្ធ ចាប់ពីថ្ងៃទី ១០ ដល់ថ្ងៃទី ១៣ ខែវិច្ឆិកា ឆ្នាំ ២០២២។ កិច្ចប្រជុំកំពូលអាស៊ាន នៅរាជធានីភ្នំពេញ ក៏មានវត្តមានចូលរួមពីបណ្ដាមេដឹកនាំកំពូលៗ នៅលើពិភពលោក ដូចជា៖ លោក ចូ បៃដិន ប្រធានាធិបតីអាមេរិក លោក លី ខឺឈាង នាយករដ្ឋមន្ត្រីចិន លោកនាយករដ្ឋមន្ត្រីកាណាដា និងលោកអគ្គលេខាធិការអង្គការសហប្រជាជាតិ ជាដើម៕
ដោយ៖ ធឿន វ៉ាន់សុង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង