ព័ត៌មានជាតិ
លោកស្រី ឱ វណ្ណឌីន ផ្តល់ដំបូន្មាន ៣ចំណុចសំខាន់ៗ ការពារខ្លួនពីហានិភ័យនៃជំងឺទឹកនោមផ្អែម
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល ផ្តល់ដំបូន្មាន ៣ចំណុចសំខាន់ៗ ការពារខ្លួនពីហានិភ័យនៃជំងឺទឹកនោមផ្អែម ដោយណែនាំឱ្យយកចិត្តទុកដាក់លើការទទួលទាន ត្រូវធ្វើលំហាត់ប្រាណជាប្រចាំ និងត្រួតពិនិត្យជាតិស្ករក្នុងឈាម ដើម្បីបានដឹងទាន់ពេលវេលា។
រដ្ឋលេខាធិការ និងជាអ្នកនាំពាក្យ ក្រសួងសុខាភិបាល បានក្រើនរំលឹកដល់ប្រជាពលរដ្ឋកម្ពុជា ឱ្យយកចិត្តទុកដាក់លើសុខភាពផ្ទាល់ខ្លួន និងចូលរួមកាត់បន្ថយហានិភ័យដែលបង្កឱ្យមានជំងឺទឹកនោមផ្អែម ដោយអនុវត្តន៍ទម្លាប់រស់នៅ កុំពិសារប្រៃពេក ផ្អែមពេក ខ្លាញ់ពេក និងធ្វើលំហាត់ប្រាណជាប្រចាំ។
ទាំងនេះ គឺជាមធ្យោបាយដ៏ល្អ ជួយការពារខ្លួន និងកាត់បន្ថយពីហានិភ័យនៃជំងឺទឹកនោមផ្អែម ជំងឺលើសសម្ពាធឈាម និងជំងឺមិនឆ្លងផ្សេងៗទៀតជាដើម។
ទន្ទឹមនឹងនេះ ក្នុងលិខិតដែលចេញដោយក្រសួងសុខាភិបាល ក៏បានបញ្ជាក់បន្ថែមថា ការត្រួតពិនិត្យជាតិស្ករក្នុងឈាម ក៏ជាជំនួយក្នុងការជួយឱ្យដឹងនូវហានិភ័យនៃជំងឺទឹកនោមផ្អែម និងព្យាបាលបានទាន់ពេលវេលាផងដែរ។
លើសពីនេះ លោកស្រីវេជ្ជបណ្ឌិត ក៏ស្នើឱ្យបងប្អូនប្រជាពលរដ្ឋកម្ពុជា កែលម្អការទទួលទានសារធាតុកាបូអុីដ្រាត និងហាត់រៀនទទួលទានអាហារចំណែកតូចៗ (កុំឱ្យឆ្អែតពេក) ក្នុងពេលតែមួយ ហើយទទួលទានអាហារជាតិសសៃ (Fiber) ដែលមានជាតិស្ករទាប។ មួយវិញទៀត កុំពិសារបារី ព្រោះបារីជំរុញឱ្យមានភាពសុាំ អាំងស៊ុយលីន (Insulin resistance) ហើយត្រូវធ្វើលំហាត់ប្រាណយ៉ាងហោចណាស់ ៣០នាទីក្នុងមួយថ្ងៃ និងជៀសវាងការពិសារភេសជ្ជៈ ដែលមានជាតិផ្អែម។
តាមការគូសបញ្ជាក់ ជំងឺទឹកនោមផ្អែម ជាជំងឺដែលអាចការពារជាមុនបាន ប្រសិនបើបុគ្គលគ្រប់រូបយល់ដឹងពីការតាមដានសុខភាព ពិសេសរបបអាហារដែលត្រូវទទួលទានប្រចាំថ្ងៃ និងអនុវត្តន៍តាមការណែនាំខាងលើ។
គួររំលឹកដែរថា ថ្ងៃទី១៤ ខែវិច្ឋិកា គឺជាទិវាជំងឺទឹកនោមផ្អែមពិភពលោក (World Diabetis Day) ដែលប្រារព្ធធ្វើជារៀងរាល់ឆ្នាំ ដើម្បីបាញ់ឆ្ពោះទៅរកអត្រាប្រេវ៉ាឡង់នៃជំងឺទឹកនោមផ្អែម និងផលប៉ះពាល់របស់វា ព្រមទាំងអប់រំមនុស្សឱ្យបង្កើនការយកចិត្តទុកដាក់លើការការពារ និងព្យាបាលជំងឺទឹកនោមផ្អែម៕
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%