ព័ត៌មានជាតិ
ពលរដ្ឋនៅក្រុងខេមរភូមិន្ទ ៖ បើសេវាប្រមូលសំរាមទៀងទាត់ពេលវេលាល្អ មិនខ្លាចបង់ថ្លៃទេ
ប្រជាពលរដ្ឋ រស់នៅទូទាំងសង្កាត់ចំនួន ៣ ក្នុងក្រុងខេមរភូមិន្ទ ខេត្តកោះកុង អះអាងថា ពួកគាត់មិនខ្លាចនឹងការចំណាយបង់ថ្លៃសេវាទេ ប្រសិនបើក្រុមហ៊ុនប្រមូលសំរាមអនុវត្តគោលការណ៍ប្រមូលទៀងទាត់ពេលវេលា។
កាកសំណល់សំរាមរឹងរាវគ្រប់ប្រភេទ តែងកកស្ទះនៅមុខផ្ទះរបស់ពួកគាត់ ក៏ដូចជាមុខផ្ទះពលរដ្ឋដ៏ទៃទៀតដែរ ដោយសារតែក្រុមហ៊ុនសំរាមយឺតយ៉ាវចុះមកប្រមូល និងដឹកជញ្ចូនទៅទីលានសំរាម គ្រា ១សប្តាហ៍ ឬ ១០ថ្ងៃ ទើបមកយកម្តង។
លោកស្រី ពេជ្រ គឹមលី និងកញ្ញា ស្រី ធូ តំណាងប្រជាពលរដ្ឋ រស់នៅក្នុងក្រុងខេមភូមិន្ទ លើកឡើងថ្ងៃទី ៨ ខែធ្នូ ឆ្នាំ ២០២២ថា ភាពយឺតយ៉ាវការចុះប្រមូលយកសំរាម បានធ្វើឲ្យកាកសំណង់សំរាមដែលវេចខ្ចប់ត្រឹមត្រូវ បែរជារាយប៉ាយស្អុយរលួយមិនរៀបរយ និងប៉ះពាល់ដល់សុខភាពរស់នៅ ព្រមទាំងសោភណ្ឌភាពទីក្រុង។
តំណាងប្រជាពលរដ្ឋ ឲ្យដឹងទៀតថា តាមការសន្យារបស់ក្រុមហ៊ុន ខេអេសដាប់បែលយូរអិម ឯ.ក រាល់មុខផ្ទះប្រជាពលរដ្ឋ ក្នុង១សប្តាហ៍នឹងចុះប្រមូលយ៉ាងហោចណាស់ ២ដង មិនឲ្យលើសពី ១០ថ្ងៃឡើយ។ ប៉ុន្តែការសន្យារបស់ក្រុមហ៊ុន អនុវត្តបានតែពេលដំបូង ក្រោយទទួលសិទ្ធិវិនិយោគប្រមូល និងដឹកជញ្ចូនសំរាម ក្នុងក្រុងខេមរភូមិន្ទជំនួសក្រុមហ៊ុនរបស់លោក មឿន បូរិន។
បើតាមពលរដ្ឋ អះអាងថា ប្រសិនបើក្រុមហ៊ុនសំរាមចង់ថ្លៃសេវា ពួកគាត់មិនជំទាស់ទេ សំខាន់ត្រូវអនុវត្តគោលការណ៍ប្រមូល និងដឹកជញ្ចូនសំរាមទៅកាន់ទីលានចាក់សំរាម ឲ្យបានទៀងទាត់ពេលវេលាជាមុនសិនចាំនិយាយថ្លៃ។ ពួកគាត់មិនខ្លាចនឹងចូលរួមបង់ថ្លៃសេវា ទៅតាមតារាងកំណត់ដោយអាជ្ញាធរ ឬក្រុមហ៊ុននោះទេ។
បញ្ហានេះ ត្រូវបានលោក ហាក់ ប្រធានក្រុមហ៊ុនខេអេសដាប់បែលយូរអិម បានឲ្យដឹងថា សព្វថ្ងៃនេះ ក្រុមការងារប្រមូលសំរាមរបស់លោក ជួបការលំបាកដោយសារតែទីលានចាក់សំរាម នៅក្នុងក្រុងខេមរភូមិ មានសភាពពេញរណ្តៅអស់ហើយ មិនទាន់ទ្រាំទ្រនឹងការផ្ទុកសំរាមបានទៀតទេ។ ម៉្យាងទៀត រយៈកាលរដូវវស្សាភ្លៀងខ្លាំង ផ្លូវចូលទីលានសំរាមខូចខាតមិនទាន់ជួសជុលល្អប្រសើរ ទើបបង្កឲ្យការប្រមូលសំរាមយឺតយ៉ាវ។
លោក ហាក់ ក៏ស្នើសុំដល់អាជ្ញាធរក្រុង និងខេត្តកោះកុង ជួយដោះស្រាយបញ្ហាគ្មានទីលានចាក់សំរាមនេះផង ខណៈទីលានតូចចង្អៀត ១កន្លែង ប្រើប្រាស់រហូតដល់ទៅ ២ក្រុមហ៊ុន ដែលបរិមាណសំរាមកាន់តែកើនឡើងៗច្រើនពុំអាចគ្រប់គ្រងបាន។ ដោយឡែករថយន្តដឹកជញ្ចូន និងកម្មករ មិនខ្វះខាតទេ អ្វីដែលសំខាន់ធ្វើយ៉ាង សម្របសម្រួលដោះស្រាយទីលានសំរាមតែម្តង។ ក្រុមហ៊ុនសំរាមក្រុងខេមភូមិន្ទ មានរថយន្តដឹកសំរាមចំនួន ៤ និងកម្មករប្រមូលចំនួន ២២នាក់។
ចំណែកឯលោកទួន ភារម្យ អភិបាលរងក្រុងខេមរភូមិន្ទ ថ្លែងថា លោកទទួលស្គាល់ពីការប្រើប្រាស់ទីលានសំរាម ១ មានក្រុមហ៊ុនដល់ទៅ ២ចាក់សំរាមរួមគ្នា ដែលធ្វើសំរាមកកស្ទះនៅទីលាន។ ការប្រើប្រាស់ទីលានរួមគ្នា ដោយសារតែអាណត្តិលោក ឈេង សុវណ្ណដា អភិបាលក្រុង ឯកភាពជួយដោះស្រាយបញ្ហាសំរាមនៅស្រុកមណ្ឌលសីមា ទើបអនុញ្ញាតឲ្យការចាក់សំរាមនៅទីលានក្នុងក្រុងជាបណ្តោះអាសន្នសិន គ្រារដ្ឋបាលខេត្តកោះកុងកំណត់ទីលានថ្មីទំហំជិត ៥០ហិចតា នៅឃុំទួលគគីរ ស្រុកមណ្ឌលសីមា។
ទោះយ៉ាងណា លោកអភិបាលរងក្រុង អះអាងថា ទីលានសំរាមថ្មីនោះ មិនទាន់សាងសង់រួចរាល់ទៅតាមស្តង់ដារនោះទេ ដោយទាមទារឲ្យគម្រោងថវិកា និងពេលវេលាច្រើន។ តបនឹងការលើកឡើងរបស់តំណាងក្រុមហ៊ុន គឺរដ្ឋបាលក្រុងប្រឹងប្រែងជួយដោះស្រាយ ករណីរកទីលានចាក់សំរាមនេះខ្លាងំង មិនដូចការចោទប្រកាន់របស់ក្រុមហ៊ុនឡើយ។
ចំពោះការត្អូញត្អែរចំណូលមិនច្រើនពីការប្រមូលសំរាម លោក ទួន ភារម្យ បានបញ្ជាក់ថា រដ្ឋបាលក្រុង និងក្រុមហ៊ុន មានកិច្ចសន្យារវាងគ្នា និងគ្នាត្រឹមត្រូវតាមលក្ខខណ្ឌ ប្រសិនបើក្រុមហ៊ុនផ្តល់សេវាល្អ ពលរដ្ឋ នឹងចូលរួមបង់វិភាគទានថ្លៃសំរាមទៅនោះដែរ៕
អត្តបទ៖ សិរីវឌ្ឍនៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?