ព័ត៌មានជាតិ
ថ្ងៃនេះ លោក ប្រាក់ សុខុន នឹងជួបរដ្ឋមន្ត្រីការបរទេសអាស៊ាន ដើម្បីពិនិត្យវឌ្ឍនភាពវិបត្តិនៅ មីយ៉ាន់ម៉ា
តបតាមការអញ្ជើញរបស់លោក ដន ប្រាម៉ាត់វីណៃ រដ្ឋមន្រ្តីការបរទេសថៃ លោក ប្រាក់ សុខុន រដ្ឋមន្រ្តីការបរទេសកម្ពុជា និងជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា បានដឹកនាំគណៈប្រតិភូចូលរួមកិច្ចពិគ្រោះយោបល់ក្រៅផ្លូវការ នៅទីក្រុងបាងកក ប្រទេសថៃ នៅថ្ងៃទី២២ ខែធ្នូ ឆ្នាំ២០២២នេះ។
បើតាមសេចក្ដីប្រកាសរបស់ក្រសួងការបរទេសកម្ពុជា អំឡុងពេលនៃកិច្ចពិគ្រោះយោបល់ក្រៅផ្លូវការនេះ រំពឹងថា នឹងមានការពិភាក្សាដោយត្រង់ទៅត្រង់មក និងប្រកបដោយភាពស្មោះត្រង់ លើការរិះរកមធ្យោបាយថែមទៀត ដើម្បីពន្លឿនវឌ្ឍនភាពនៃការអនុវត្តកិច្ចព្រមព្រៀងជាឯកច្ឆន្ទ ៥ ចំណុចរបស់មេដឹកនាំអាស៊ានស្តីពីវិបត្តិនៅមីយ៉ាន់ម៉ា ។
នៅក្នុងពិធីសំណេះសំណាលជាមួយនិស្សិតអាហារូបករណ៍អូស្ត្រាលី និងនូវែលហ្សេឡង់ នៅថ្ងៃទី២១ ខែធ្នូ ម្សិលមិញ លោក ប្រាក់ សុខុន ដែលជាប្រេសិតពិសេសប្រធានអាស៊ាន ឆ្នាំ២០២២នេះ បានថ្លែងថា បញ្ហាមីយ៉ាន់ម៉ា ជាបញ្ហាដ៏ស្មុគស្មាញរបស់អាស៊ាន នាពេលសព្វថ្ងៃនេះ។ ប៉ុន្តែយ៉ាងណាក៏ដោយ លោកបានបញ្ជាក់ថា ប្រទេសសមាជិកអាស៊ានទាំងអស់ គឺធ្វើយ៉ាងណាត្រូវតែជួយរិះរកមធ្យោបាយនានាក្នុងការជួយដោះស្រាយវិបត្តិនេះ ដើម្បីឲ្យមីយ៉ាន់ម៉ាវិលត្រឡប់ទៅរកលទ្ធិប្រជាធិតតេយ្យ ការគោរពសិទ្ធិមនុស្ស និងប្រក្រតីភាពឡើងវិញ។
ត្រង់មានន័យនេះ ប្រមុខការទូតកម្ពុជារូបនេះ បានសង្កត់ធ្ងន់ថា ប្រជាជនមីយ៉ាន់ម៉ា មានបំណងចង់ឲ្យប្រទេសរបស់ខ្លួន វិលទៅកាន់លទ្ធិប្រជាធិបតេយ្យ ការគោរពសិទ្ធិមនុស្ស ហើយក្លាយជាប្រទេសដឹកនាំដោយរបបស៊ីវិល មិនមែនជាប្រទេសដឹកនាំដោយក្រុមយោធានោះទេ។ បន្ថែមពីនេះ គឺប្រជាជនមីយ៉ាន់ម៉ាទូទៅ ចង់បានឱកាសនៃការអភិវឌ្ឍប្រទេសជាតិ និងការលើកកម្ពស់ជីវភាពរស់នៅរបស់ប្រជាពលរដ្ឋកាន់តែប្រសើរឡើងដូចបណ្ដាប្រទេសដទៃ៕
ដោយ៖ ធឿន វ៉ាន់សុង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)