ព័ត៌មានជាតិ
សេចក្តីព្រាងច្បាប់ចរាចរណ៍ថ្មីជំនួសឱ្យច្បាប់ចាស់នឹងបញ្ជូនទៅដល់ដៃគណៈរដ្ឋមន្ត្រីនាដើមខែនេះ
សេចក្តីព្រាងច្បាប់ចរាចរណ៍ផ្លូវគោកថ្មីត្រៀមបញ្ជូនទៅគណៈរដ្ឋមន្ត្រីនាដើមខែមករា ឆ្នាំ ២០២៣នេះ ក្រោយពីបញ្ចប់កិច្ចប្រជុំពិនិត្យចុងក្រោយនៅទីស្តីការក្រសួងមហាផ្ទៃកាលពីពេលថ្មីៗនេះ។
លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូនបានប្រាប់កម្ពុជាថ្មីនៅថ្ងៃទី ៣ ខែមករា ឆ្នាំ ២០២៣នេះថា សេចក្តីព្រាងច្បាប់ចរាចរណ៍ផ្លូវគោកថ្មីមាន ១២ ជំពូក និង ៩០ មាត្រា ហើយក្រុមការងារជំនាញក្នុងនាមគណៈកម្មាធិការជាតិសុវត្ថិភាពចរាចរណ៍ផ្លូវគោកតាំងចិត្តថា នឹងបញ្ជូនសេចក្តីព្រាងច្បាប់នេះទៅឱ្យដល់ដៃគណៈរដ្ឋមន្ត្រីនៅដើមខែ មករា ឆ្នាំ ២០២៣នេះ។
មន្ត្រីអ្នកនាំពាក្យដដែលរូបនេះបានគូសបញ្ជាក់ថា សេចក្ដីព្រាងច្បាប់ដែលនឹងឈានដល់ការបង្កើតច្បាប់ចរាចរណ៍ផ្លូវគោកថ្មីជំនួសឱ្យច្បាប់ចាស់មានការកែសម្រួលច្រើន គឺមិនខុសពីការធ្វើវិសោធនកម្មនោះទេ ដែលមានមាត្រា និងខ្លឹមសារមួយចំនួនធ្វើឱ្យស្របទៅតាមតម្រូវការបរិបទសង្គម និងកត្តាប្រឈមផ្សេងៗ។
លោក ហ៊ាង សុទ្ធាយុត្តិបញ្ជាក់ថា៖ «ខ្លឹមសារដែលបានកែសម្រួលក៏ឆ្លុះបញ្ចាំងពីសង្គម បើនិយាយពី ៥ ឆ្នាំមុន តម្រូវការនៃការអនុវត្តច្បាប់ផ្សេង ឥឡូវតម្រូវការនៃការអនុវត្តច្បាប់ផ្សេងមានន័យថា យើងធ្វើឲ្យស្របតាមបរិបទសង្គម អញ្ចឹងចំណុចកែសម្រួលមានច្រើនគួសម ដែលមានទាំងនិយាយពីការផាកពិន័យ លក្ខខណ្ឌក្នុងការបើកបរជាដើម»។
ខ្លឹមសារសំខាន់ៗនៅក្នុងសេចក្តីព្រាងច្បាប់ថ្មីនេះមានច្រើនទៀតដូចជា តម្រូវឱ្យអ្នកបើកបរធ្វើតេស្តរកសារធាតុញៀនជាពិសេសលើការអភិវឌ្ឍផ្លូវថ្នល់ ដូចជាការពង្រីកផ្លូវ ការកសាងផ្លូវល្បឿនលឿន និងចង់បង្កើនប្រសិទ្ធភាព កាត់បន្ថយអ្នកស្លាប់ និងរបួសដោយគ្រោះថ្នាក់ចរាចរណ៍៕
អត្ថបទ៖ ឡេង ដេត
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)