ព័ត៌មានជាតិ
បទល្មើសដាក់សម្រាស់ខុសច្បាប់កើតមានច្រើននៅក្នុងឃុំប្រឡាយមាស
ដោយមានការរាយការណ៍ពីប្រជាពលរដ្ឋដែលប្រកបមុខរបរនេសាទតាមដងទន្លេនៅល្ងាចថ្ងៃទី ២១ ខែកុម្ភៈឆ្នាំ២០២៣ ក្រុមអ្នកយកព័ត៌មានយើងបានធ្វើដំណើរតាមកាណូតបាឡាស្មាច់មួយគ្រឿងចេញពីក្រុងកំពង់ឆ្នាំងឆ្ពោះទៅកាន់ឃុំប្រឡាយមាស ស្រុកកំពង់លែង ដើម្បីស្វែងរកបទល្មើសដាក់សម្រាស់ខុសច្បាប់។
ជាក់ស្តែពិតដូចប្រជាពលរដ្ឋបានរាយការណ៍ឲ្យមែន គឺនៅចំណុចព្រែកកោះបាយក្រៀមក្នុងឃុំប្រឡាយមាស ស្រុកកំពង់លែង មានបទល្មើសដាក់សម្រាស់ច្រើនដុំ និងចំណុចដែលមានសម្រាស់វែងៗជាងគេ ប្រមាណពី ៤០០ ទៅ ៥០០ ម៉ែត្រនោះ គឺនៅក្នុងព្រែកកោះបាយក្រៀមតូច។ ហើយប្រជាពលរដ្ឋបានប្រាប់ឱ្យដឹងថា នៅយប់ថ្ងៃទី ២១ ខែកុម្ភៈនេះ នៅចំណុចចុងកោះបាយក្រៀមចុងភូមិ និងមានការហ៊ុមសម្រាស់នៅពេលយប់មួយកន្លែងផងដែរ។
ប៉ុន្តែការថតបទល្មើសនេសាទនៅពេលយប់ពុំមានសុវត្ថិភាពសម្រាប់ក្រុមអ្នកយកព័ត៌មាននោះទេ។ ដោយឡែកនៅចំណុចពាមជីព្រីងខាងត្បូងជាបើកោះបាយក្រៀមក៏មានសម្រាស់ធំៗ និងវែងៗរាប់រយម៉ែត្រជាង ១០ កន្លែង និងមានទំហំនិមួយៗមិនតូចជាង២ហិកតាឡើយ។
ទាក់ទងនឹងបទល្មើសដាក់សម្រស់ខុសច្បាប់នៅចំណុចខាងលើនេះ នៅព្រឹកថ្ងៃទី ២២ ខែកុម្ភៈនេះលោក ងិន ហ៊ុន ប្រ ធានមន្ទីរកសិកម្មរុក្ខា ប្រមាញ់ និងនេសាទខេត្ត ក្រោយពីទទួលបានរូបភាពបទល្មើសដាក់សម្រាស់ខាងលើនេះ លោកបានឆ្លើយតាមទូរសព្ទឱ្យដឹងថា បទល្មើសដាក់សម្រាស់ ឬហ៊ុមសម្រាស់ចាប់ត្រីខុសច្បាប់ ជាគោលការណ៍លោកធ្លាប់បានណែនាំ និងព្រមានដល់មន្ត្រីជំនាញជលផលគ្រប់សង្កាត់នេសាទ និងគ្រប់ផ្នែកនេសាទ ក្នុងខណ្ឌរដ្ឋបាលជលផលកំពង់ឆ្នាំងរួចហើយ គឺមិនអនុញ្ញាតឲ្យកើតមានក្នុងដែនសមត្ថកិច្ចរបស់ខ្លួនជាដាច់ខាត។
ករណីកើតមានបទល្មើសដាក់សម្រាស់ដូចខាងលើនេះនៅក្នុងភូមិសាស្ត្រទទួលខុសត្រូវណាមួយរបស់មន្ត្រីនោះ គឺនាយសង្កាត់នេសាទ, នាយផ្នែកនេសាទនៅក្នុងភូមិសាស្ត្រនោះត្រូវទទួលខុសត្រូវចំពោះមុខមន្ទីរកសិកម្ម ជាមួយគណៈបញ្ជាការឯកភាពរដ្ឋបាលខេត្ត ជាមួយរដ្ឋមន្ត្រីក្រសួងកសិកម្ម និងជាមួយប្រមុខរាជរដ្ឋាភិបាលដែលបានចេញបទបញ្ជារយ៉ាងម៉ឺងម៉ាត់កន្លងមកពីការបណ្ដែតបណ្ដោយឱ្យមានបទល្មើសនេសាទកើតឡើង គឺអាចប្រឈមនឹងការដកមុខដំណែងតួនាទីឬបណ្តេញចោលចេញពីក្របខណ្ឌ។
ដូច្នេះករណីខាងលើនេះលោកនឹងមានចំណាត់ការដល់មន្ត្រីជំនាញដែលទទួលខុសត្រូវក្នុងភូមិសាស្ត្រដែននេសាទរបស់ខ្លួនដោយត្រូវតែបង្ក្រាបឲ្យឱ្យអស់ក្នុងពេលឆាប់ៗនេះបើពុំនោះទេ នឹងត្រូវទទួលខុសត្រូវចំពោះមុខច្បាប់៕
អត្ថបទ៖ ឈៀងថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង