អាហារទាំង ៤ ប្រភេទ ធ្វើឲ្យស្បែកស្អាត ដែលអ្នកត្រូវដឹង

ស្បែករលោងភ្លឺថ្លានឹងជួយឱ្យអ្នកមើលទៅក្មេងជាងអាយុពិតរបស់អ្នក ដើម្បីមានស្បែកស្អាតអាហារដែលអ្នកញ៉ាំរាល់ថ្ងៃដើរតួនាទីយ៉ាងសំខាន់ដើម្បីជួយឲ្យស្បែករបស់អ្នកឱ្យកាន់ប្រសើរឡើងនិងមើលទៅមានសុខភាពល្អ ។

ខាងក្រោមនេះគឺជាអាហារទាំង ៤ ប្រភេទធ្វើឲ្យស្បែកស្អាតដែលអ្នកត្រូវដឹង៖

១. រមៀត

រមៀតអាចប្រើក្នុង ទឹកក្រឡុក និងភេសជ្ជៈផ្សេងៗដើម្បីជួយប្រឆាំងនឹងការរលាក និងផ្តល់សារធាតុ ចិញ្ចឹមដល់ស្បែក ។ម្សៅរមៀតមានសមត្ថភាពបំបាត់ស្នាមខ្មៅជុំវិញភ្នែក និងធ្វើអោយស្បែកភ្លឺថ្លា។ រមៀតក៏អាចប្រើជាថ្នាំព្យាបាលមុននៅពេលកើតមុន ។

២. ផ្លែក្រូច

ផ្លែក្រូចសម្បូរទៅដោយសារធាតុល្អៗដែលជួយដល់ស្បែករបស់អ្នក ផ្លែក្រូចសម្បូរទៅដោយវីតាមីន C ដែលចាំបាច់សម្រាប់ការពារស្បែកពីការបំផ្លាញពីពន្លឺព្រះអាទិត្យ និងជំនួយដល់ផលិតថែរក្សាស្រ ទាប់កូឡាជែនស្បែករបស់អ្នក។ លើសពីនេះ សារធាតុប្រឆាំងអុកស៊ីតកម្មនៅក្នុងផ្លែក្រូច ជួយបន្ថ យការបង្កើតស្នាមជ្រួញ និងការពារភាពចាស់មុនអាយុ ។

៣. ផ្លែស្ត្របឺរី

ផ្លែស្ត្របឺរីមានផ្ទុកវីតាមីន C ខ្ពស់ និងជាផ្លែឈើដែលមានជីវជាតិក្នុងការបន្ថែមអាហារបំប៉នស្បែករបស់អ្នក។ សារធាតុប្រឆាំងអុកស៊ីតកម្មនៅក្នុងផ្លែឈើដូចជាផ្លែស្ត្របឺរីជួយបង្កើតកូឡាជែន និងការពារពីកាំរស្មីយូវី លើសពីនេះ ផ្លែស្ត្របឺរីជួយកាត់បន្ថយរន្ធញើស។ ផ្លែឈើនេះក៏មានឥទ្ធិពលប្រឆាំង ភាពចាស់ផងដែរ ដើម្បីជួយឱ្យស្បែករបស់អ្នកភ្លឺរលោង និងក្មេងជាងវ័យ ។

៤. ទឹក Celery

តាមការស្រាវជ្រាវថ្មីៗបង្ហាញថា ទឹក celery គឺជាភេសជ្ជៈដែលសម្បូរទៅដោយសារធាតុប្រឆាំងអុកស៊ីតកម្ម។ ដូច្នេះហើយវាអាចកែលម្អស្បែកឱ្យភ្លឺជាងមុន លើសពីនេះទៀតទឹក celery មានឥទ្ធិពល ប្រឆាំងនឹងការរលាកនិងប្រឆាំងបាក់តេរី។ វាសម្បូរទៅដោយសារធាតុប្រឆាំងអុកស៊ីតកម្ម សារធាតុរ៉ែ អង់ស៊ីម និងសារធាតុ phytonutrients រួមទាំង apigenin luteolin អាស៊ីត ferulic និងវីតាមីន K ដែលជួយផ្តល់សំណើមដល់ស្បែក និងកម្ចាត់ជាតិពុល ៕

ប្រែសម្រួល៖នាងតូច

ចុចអាន៖គន្លឹះទាំង ៥ ជួយឲ្យកុមារញ៉ាំបន្លែផ្លែឈើបានច្រើន