ព័ត៌មានជាតិ
សួនច្បារបាញ់ទឹកចម្រុះពណ៌តាមចង្វាក់ភ្លេងនឹងដាក់ឲ្យប្រើប្រាស់នៅថ្ងៃចូលឆ្នាំខ្មែរ
ប្រជាពលរដ្ឋនៅក្នុងក្រុងកំពង់ឆ្នាំងបានគាំទ្រ និងអបអរសាទរយ៉ាងខ្លាំង ខណៈឃើញសួនច្បារបាញ់ទឹកចម្រុះពណ៌តាមចង្វាក់ភ្លេង ដ៏ល្អដែលមិនធ្លាប់មានកន្លងមកនៅមុខសាលាខេត្តកំពង់ឆ្នាំងដែលកំពុងកសាងជិតរួចរាល់ហើយនោះ នឹងដាក់ឲ្យប្រើប្រាស់នៅក្នុងថ្ងៃចូលឆ្នាំខ្មែរខាងមុខនេះ។
លោក ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំងបានដឹកនាំក្រុមការងារចុះពិនិត្យយ៉ាងសកម្មក្នុងការរៀបចំតាំងលំអរភ្លើងសម្រុះពណ៌នៅតាមសួនច្បារនានានៅក្នុងទីក្រុងកំពង់ឆ្នាំង និងរៀបចំកែលម្អតំបន់ត្រជាក់នៅក្នុងសង្កាត់ផ្សារឆ្នាំង។
ដោយឡែកនៅមុខសាលាខេត្តកំពង់ឆ្នាំង លោក អភិបាលខេត្តកំពុងជំរុញឲ្យក្រុមជាងបច្ចេកទេសធ្វើយ៉ាងណាត្រូវតែកសាងសួនច្បារបាញ់ទឹកចម្រុះពណ៌តាមចង្វាក់ភ្លេងឲ្យរួចរាល់មុនថ្ងៃចូលឆ្នាំខ្មែរ ដើម្បីអបអរសាទរ និងឲ្យប្រជាពលរដ្ឋនៅក្នុងខេត្តកំពង់ឆ្នាំងបានចូលរួមលេងល្បែងប្រជាប្រិយឱ្យបានសប្បាយរីករាយក្នុងពិធីបុណ្យចូលឆ្នាំខ្មែរប្រពៃណីជាតិក្នុងពេលខាងមុខនេះ។
ប្រជាពលរដ្ឋដែលបានចូលរួមទស្សនាសាកល្បងបាញ់ទឹកចម្រុះពណ៌តាមចង្វាក់ភ្លេងនៅក្នុងសួនច្បារបានលើកឡើងថាពួកគាត់ពិតជាមិនដែលឃើញមានការបាញ់ភ្លើងចម្រុះពណ៌ដ៏ល្អឋគួរអោយគយគន់បែបនេះឡើយ។ ពួកគាត់ពិតជាសូមថ្លែងអំណរគុណយ៉ាងជ្រាវជ្រៅដល់លោកអភិបាលខេត្ត និងក្រុមការងារដែលបានយកចិត្តទុកដាក់កសាងសួនច្បារបាញ់ភ្លើងចម្រុះពណ៌ខាងលើនេះ។ ប្រជាពលរដ្ឋសង្ឃឹមថា នៅក្នុងសង្ក្រាន្តឆ្នាំថ្មីខាងមុខនេះពលរដ្ឋនៅក្នុងខេត្តកំពង់ឆ្នាំងពិតជាទទួលបានការសប្បាយរីករាយជាក់ ជាមិនខាន។
លោកអភិបាលខេត្ត និងលោកអភិបាលក្រុងកំពង់ឆ្នាំង ក៏បានអំពាវនាវដល់ប្រជាពលរដ្ឋ មន្ត្រីរាជការនៅក្នុងក្រុងកំពង់ឆ្នាំងទាំង អស់សូមនាំគ្នាយកចិត្តទុកតាំងលម្អភ្លើងចម្រុះពណ៌នៅតាមលំនៅឋាននិងតាមន្ទីរអង្គភាពឲ្យបានព្រមៗគ្នា ដើម្បីរួមគ្នាលើកស្ទួយសោភ័ណភាពក្នុងទីក្រុងកំពង់ឆ្នាំងឲ្យបានស្រស់បំព្រង ស្វាគមន៍ភ្ញៀវទេសចរណ៍ជាតិនិងអន្តរជាតិដែលនឹងមកលេងកម្សាន្តក្នុងថ្ងៃបុណ្យចូលឆ្នាំប្រពៃណីជាតិ រយៈពេល៣ថ្ងៃខាងមុខនេះ៕
អត្ថបទ៖ ឈៀងថារិទ្ធ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ