ព័ត៌មានជាតិ
ត្រីបែប្រមាណ ៤០០ តោនងាប់ដោយសារអាកាសធាតុក្ដៅ
ដោយសារអាកាសធាតុក្តៅខ្លាំងប៉ុន្មានថ្ងៃនេះបានធ្វើឲ្យត្រីចិញ្ចឹមតាមបែក្នុងទន្លេនៅក្នុងក្រុងកំពង់ឆ្នាំងងាប់រាប់រយតោនបើគិតត្រឹមថ្ងៃទី ៥ ខែមេសា ២០២៣នេះ បានធូរស្រាលបន្តិចហើយ បន្ទាប់មានត្រីងាប់ច្រើនប្រមាណ ៤០០ តោនរួចមក។
តាមសេចក្តីរាយការណ៍ពីប្រជាពលរដ្ឋជាអ្នកចិញ្ចឹមត្រីតាមបែនៅក្នុងទន្លេ ភូមិចុងកោះ និងភូមិទី ៧ សង្កាត់ខ្សាម ក្រុងកំពង់ឆ្នាំងបានឲ្យដឹងថា ត្រីតាមបែបានចាប់ផ្តើមងាប់តាំងពីថ្ងៃទី១ រហូតដល់ថ្ងៃទី ៤ ខែមេសា ឆ្នាំ២០២៣។ ប្រភេទត្រីចិញ្ចឹម ដែលបានងាប់ទាំងនោះរួមមានដូចជា ត្រីខ្យា, ត្រីពោរ, ត្រីសណ្តាយ, ត្រីឆ្ពិន និងត្រីព្រលូង។
នាយខណ្ឌរដ្ឋបាលជលផលនៃមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំងលោក លី ឡា បានឱ្យដឹងថា ត្រីដែលចិញ្ចឹមតាមបែរបានងាប់ពីរបីថ្ងៃមកហើយ មូលហេតុដោយសារអាកាសធាតុនាប៉ុន្មានថ្ងៃចុងក្រោយនេះក្តៅខ្លាំង និងមានភ្លៀងធ្លាក់មួយមេធំផង ទើបបង្កឲ្យទឹកទន្លេមានក្លិនស្អុយ ដែលជាហេតុបណ្តាលឲ្យត្រីទាំងអស់នោះងាប់។
លោកបានបន្តថា ត្រីតាមបែរនិមួយៗងាប់អស់ច្រើន ដែលមួយបែៗងាប់អស់ប្រមាណជា១០% ទៅ២០% គឺចន្លោះពី ១តោន ដល់៦តោន ក្នុង១ បែៗ។ តាមរបាយការណ៍ចុងក្រោយពីលោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំងបានឱ្យដឹងថា ស្ថានភាពត្រីចិញ្ចឹមតាមបែនៅភូមិចុងកោះ និងភូមិទី ៧ សង្កាត់ខ្សាមបានងាប់ចាប់ពីថ្ងៃទី ១ ដល់ថ្ងៃ ៥ ខែមេសា ឆ្នាំ ២០២៣ មានចំនួន១៦០បែ និងសរុបត្រីទាំងអស់មានចំនួន ៣៦២ តោន។
ក្នុងនោះរួមមាន៖ ត្រីខ្យាចំនួន ៩០បែ ត្រីងាប់ដល់ស្មើនឹង ២៧០ តោន, ត្រីឆ្តោរចំនួន ២៥បែ ត្រីងាប់ស្មើនឹង ២៥តោន, ត្រីចម្រុះមានត្រីឆ្ពិន ព្រលូង សណ្តាយ ប្រា ចំនួន ៤៥បែ ត្រីងាប់ស្មើនឹង ៦៧តោន។
លោកនាយខណ្ឌរដ្ឋបាលជលផលកំពង់ឆ្នាំងបានឲ្យដឹងទៀតថា មកដល់ថ្ងៃនេះ ស្ថានភាពបានល្អប្រសើរឡើងវិញហើយ ដោយសារម្ចាស់បែរចិញ្ចឹមត្រីបាននាំគ្នាសណ្តោងបែរត្រី អូសទៅមកៗ ខ្លះបញ្ឆេះម៉ាស៊ីនដាក់ទុយយោបាញ់ខ្យល់ក្នុងបែ ដើម្បីឲ្យទឹកមានអុកស៊ីសែនឡើងវិញសម្រាប់សង្គ្រោះត្រី។
ករណីនេះប្រជាពលរដ្ឋជាអ្នកចិញ្ចឹមត្រីបានសំណូមពដល់លោកអភិបាលខេត្ត និងផ្នែកវារីវប្បករ នៃមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំង ជួយឲ្យមន្ត្រីជំនាញរកវីធីសាស្ត្រដោះស្រាយបញ្ហានេះបន្ថែ មទៀតដើម្បីបង្កភាពងាយស្រួលដល់ពួកគាត់។
ជាមួយគ្នានេះពួកគាត់បានស្នើសុំឲ្យរដ្ឋបាលខេត្តអនុញ្ញាតឲ្យបម្លាស់បែត្រីទៅចំណុចភូមិកំពង់អុស ដោយសារទីនោះទឹកមានជំរៅជ្រៅ ដែលអាចជួយកាត់បន្ថយត្រីងាប់បាន៕
អត្ថបទ៖ ឈៀង ថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ