ព័ត៌មានជាតិ

មន្ត្រីជាន់ខ្ពស់រាជរដ្ឋាភិបាល ៖ ការរក្សាបានសន្តិភាពពេញលេញ និងស្ថិរភាពនយោបាយនាំឱ្យប្រទេសជាតិមានការរីកចម្រើនឆាប់រហ័ស

បានផុស

២ years មុន

នៅ

ថ្ងៃសៅរ៍ ៨ មេសា ២០២៣

ដោយ

មន្ត្រីជាន់ខ្ពស់នៃរាជរដ្ឋាភិបាលកម្ពុជាបានលើកឡើងថាការរក្សាបានសន្តិភាពពេញលេញ និងស្ថិរភាពនយោបាយនាំឱ្យប្រទេសជាតិមានការរីកចម្រើនឆាប់រហ័សលើគ្រប់វិស័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីសម្ពោធ និងកាត់ឫសសីមាព្រះវិហារ វត្តពោធិដំណាក់ ស្ថិត ក្នុងស្រុកស្ទោង ខេត្តកំពង់ធំនៅថ្ងៃទី៨មេសានេះលោក ជា ចាន់តូ ទេសាភិបាល ធនាគារជាតិនៃកម្ពុជាបានចាត់ទុកសមិទ្ធផលនានានិងព្រះវិហារធំស្កឹមស្កៃវត្តវត្តពោធិដំណាក់ដែលប្រារព្ធពិធីកាត់ខ្សែបូសម្ពោធឆ្លង និងកាត់ឫសសីមានាពេលនេះគឺ កើតឡើងដោយសារការខិតខំប្រឹងប្រែងរបស់រាជរដ្ឋាភិបាល ក្នុងការរក្សាបានសន្តិភាពពេញលេញ និងស្ថិរភាពនយោបាយ និងជាការឆ្លុះបញ្ចាំងឲ្យឃើញពីជំនឿយ៉ាងខ្ជាប់ខ្ជួន និងការគោរពប្រតិបត្តិដ៏ប្រពៃចំពោះព្រះពុទ្ធសាសនា របស់ប្រជាជនកម្ពុជាហើយក៏បានបង្ហាញនូវការគាំទ្ររបស់បងប្អូនចំពោះរាជរដ្ឋាភិបាល ក្រោមការដឹកនាំរបស់ សម្តេចតេជោនាយករដ្ឋមន្ត្រីផងដែរ។

លោក ជា ចាន់តូ បានបន្តថា «រាល់សមិទ្ធផលដែលបានកសាងនិងសមិទ្ធផលនានាដែលកើតមានក្នុងវត្តវត្តពោធិដំណាក់គឺអាស្រ័យយើងមានសម្ដេចប្រមុខដឹកនាំល្អដូចជាសម្ដេចទាំង២ គឺ សម្ដេចអគ្គមហាពញាចក្រី ហេង សំរិន និងសម្តេចអគ្គមហាសេនាបតីតេជោ ហ៊ុន សែន ដែលសម្តេចទាំងពីរតែងតែគិតគូរពីសុខទុក្ខប្រជាជនយើងជានិច្ច »។

លោក ជាចាន់តូបានបន្តទៀតថា រាជរដ្ខាភិបាលក្រោមការដឹកនាំរបស់ សម្តេចតេជោនាយករដ្ឋមន្ត្រី ដែលជានិច្ចកាលសម្ដេចតែងតែគិតគូរ យកចិត្តទុកដាក់ និងខិតខំស្វែងរកគ្រប់មធ្យោបាយ ដើម្បីដោះស្រាយរាល់ការលំបាកក្នុងជីវភាពរបស់ប្រជាជនយើង ជាពិសេសនៅតំបន់ជនបទ សំដៅសម្រេចកាត់បន្ថយភាពក្រីក្រ និងលើកកម្ពស់កម្រិតជីវភាពរស់នៅរបស់ប្រជាពលរដ្ឋយើងនៅទូទាំងប្រទេស ព្រមទាំងបានខិតខំកសាងសមិទ្ធផលជាច្រើនទាំងក្នុងវិស័យអាណចក្រនិងពុទ្ធចក្រ។

នៅក្នុងឱកាសនោះដែរ លោកទេសាភិបាល ជា ចាន់តូបានថ្លែងនូវការកោតសរសើរយ៉ាងក្រៃលែងចំពោះ សប្បុរសជនទាំងអស់ដែលបានរួមចំណែកផ្ដល់វិភាគទានដល់ការកសាងសមិទ្ធផលក្នុងវត្តពោធិដំណាក់ ឲ្យចេញជារូបរាងឡើងតាមគន្លងព្រះពុទ្ធសាសនា។ ហើយសកម្មភាពទាំងនេះជាកុសលធំណាស់ដូចពុទ្ធភាសិតមួយបានពោលថា “សុខោ បុញ្ញស្ស ឧច្ចយោ” ៖ ការសន្សំបុណ្យជាហេតុនាំមកនូវសេចក្តីសុខ។

ដើម្បីចូលរួមចំណែកក្នុងវិស័យមួយនេះលោក ជា ចាន់តូ បានឩបត្ថម្ភកម្មវិធី ១០លានរៀល,វត្តដំណាក់ ៤០លានរៀល,វត្តព្រះនង្គល ១០លានរៀល,វត្តស្រីរងិត ១០លានរៀល,វត្តស្វាយអៀ ១០លានរៀល,វត្តគ្នំជីមូស ១០លានរៀលនិងបានចែកជូនដល់យាយជី តាជី ២០០នាក់ ម្នាក់ៗក្រណាត់ស១ដុំ ថវិកា ២ម៉ឺនរៀលសិស្សានុសិស្ស ២០០នាក់ម្នាក់ៗ ទទួលបាន សៀវភៅ បិច ខ្មៅដៃ ថវិកា១ម៉ឺនរៀលនិងប្រជាពលរដ្ឋ ទទួលបាន សារុង១៕

ដោយ ៖ សំអឿន