Connect with us

ព័ត៌មានជាតិ

លោក ជា ចាន់តូ ៖ អតីតយុទ្ធជនមានគុណបំណាច់យ៉ាងធំធេង និងធ្វើពលិកម្មគ្រប់បែបយ៉ាង ក្នុងបុព្វហេតុរំដោះប្រទេសជាតិ

បានផុស

នៅ

លោក ជា ចាន់តូ សមាជិក​គណៈ​អចិន្ត្រៃយ៍ គណៈកម្មាធិការ​កណ្ដាល​គណបក្ស​ប្រជាជន​កម្ពុជា និង​ជា​ប្រធាន​ក្រុម​ការងារ​គណបក្ស​ចុះ​មូលដ្ឋាន​ខេត្ត​កំពង់ធំ បាន​មាន​ប្រសាសន៍​ថា អតីត​យុទ្ធជន មាន​គុណ​បំណាច់​យ៉ាង​ធំធេង​មិន​អាច​កាត់ថ្លៃ​បាន​ឡើយ ដែល​ហ៊ាន​លះបង់​សាច់​ស្រស់ ឈាម​ស្រស់ និង​ធ្វើ​ពលិកម្ម​គ្រប់​បែបយ៉ាង​ក្នុង​បុព្វហេតុ​រំដោះ​ប្រទេស​ជាតិ ប្រជាជន​ឲ្យ​រួចផុត​ពី​របប​ប្រល័យ​ពូជសាសន៍ និង​បាន​ចូលរួម​អនុវត្ត​យ៉ាង​សកម្ម​ក្នុង​នយោបាយ​ឈ្នះ​ឈ្នះ ដែល​បាន​ដាក់​ចេញ​ដោយ​សម្ដេច​អគ្គ​មហា​សេនា​បតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែង​ក្នុង​ពិធី​បំពាក់​គ្រឿង​ឥស្សរិយយស​ការពារ​ជាតិ​ជូន​អតីត​យុទ្ធជន​កម្ពុជា​នៅ​ខេត្ត​កំពង់ធំ ចំនួន ២.១០៥ នាក់ កាលពី​រសៀល ថ្ងៃ​ទី ២០ ខែ​ឧសភា លោក ជា ចាន់តូ បាន​សម្ដែង​នូវ​ការ​កោតសរសើរ និង​បាន​ថ្លែងអំណរគុណ​យ៉ាង​ជ្រាលជ្រៅ​ផង​ដែរ​ចំពោះ​អតីត​យុទ្ធជន​ទាំងអស់ ព្រម​ទាំង​ក្រុម​គ្រួសារ ដែល​បាន​ធ្វើ​ពលិកម្ម​យ៉ាង​អង់អាច​ក្លាហាន ដើម្បី​បុព្វហេតុ​ការពារ អធិបតេយ្យ​ជាតិ​មាតុភូមិ ព្រមទាំង​បាន​និង​កំពុង​ចូលរួម​យ៉ាង​សស្រាក់សស្រាំ​ក្នុង​ការងារ​រួមចំណែក​កសាង និង​អភិវឌ្ឍន៍​ប្រទេសជាតិ។

លោក ជា ចាន់តូ បាន​បន្ត​ថា សមាគម​អតីត​យុទ្ធជន​កម្ពុជា​ដែល​មាន​សម្ដេច​តេ​ជោ ហ៊ុន សែន ជា​ប្រធាន​សមាគម​អតីត​យុទ្ធជន​កម្ពុជា សម្ដេច តែងតែ​គិតគូរ និង​យកចិត្តទុកដាក់​ចំពោះ​អតីត​យុទ្ធជន​ជានិច្ច​ដូចជា ការ​លើក​កម្ពស់​តួនាទី​នៅ​ក្នុង​សង្គមជាតិ និង​ការ​លើក​កម្ពស់​ជីវភាព​របស់​បងប្អូន និង​គ្រួសារ ព្រមទាំង​លើកទឹកចិត្ត​ឲ្យ​មានការ​ចូលរួម​របស់​អតីត​យុទ្ធជន និង​គ្រួសារ​ក្នុង​ការ​អភិវឌ្ឍ​ប្រទេស​ជាតិ។ ទន្ទឹម​នឹង​នេះ​ដែរ សម្ដេច​ប្រធាន បាន​ដាក់​ចេញ និង​អនុវត្ត​នូវ​គោលនយោបាយ​នានា មួយ​ចំនួន​ទៀត​ដូចជា ការ​កែសម្រួល​ដំឡើង​ប្រាក់​របប​គោលនយោបាយ​ជា​បន្តបន្ទាប់ រួម​នឹង​ការ​បំពាក់​មេដាយ​ការពារ​ជាតិ​ជូន​ជាដើម ផង​ដែរ។

បើ​តាម​ការ​បញ្ជាក់​ពី​លោក ងួន រតនៈ អភិបាល​ខេត្ត និង​ជា​ប្រធាន​កិត្តិយស​សមាគម​អតីត​យុទ្ធជន​កម្ពុជា​ខេត្ត​កំពង់ធំ បាន​ឲ្យ​ដឹង​ថា គ្រឿង​ឥស្សរិយយស​ការពារ​ជាតិ​ដែល​ត្រូវ​បំពាក់​ជូន​អតីត​យុទ្ធជន​កម្ពុជា​នៅ​ខេត្ត​កំពង់ធំ នា​ពេលនេះ មាន​ចំនួន ២.១០៥ នាក់ ក្នុង​នោះ​មេដាយ​ថ្នាក់​អស្សឫទ្ធិ ចំនួន ០១ គ្រឿង ,មេដាយ​មាស ៣២៩ គ្រឿង និង​មេដាយ​ប្រាក់ ១ ៧៧៥ គ្រឿង៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ប្រជាពលរដ្ឋ ២៩គ្រួសារ ប្តឹងបុគ្គលម្នាក់ ដោយចោទថាធ្វើរបង ព័ទ្ធយកដីចំណីព្រែករបស់រដ្ឋ នៅស្រុកកោះសូទិន

ព័ត៌មានជាតិ៦ ម៉ោង មុន

រោងចក្រកាត់ដេរ​ខ្នាត​យក្ស​មួយ​​​ចាយ​ទុន​​ជាង ២៤០ លាន​ដុល្លារ ​បង្កើត​ការងារជាង ១​ ម៉ឺន​កន្លែង​ នៅ​តំបន់​សេដ្ឋកិច្ច​ពិសេស​ រ៉ូយ៉ាល់ គ្រុប ភ្នំពេញ

ព័ត៌មានជាតិ៧ ម៉ោង មុន

មន្ត្រីរាជការ​និង​លោកគ្រូ អ្នកគ្រូ​នៃ​សាលា​មធ្យម​វិចិត្រ​សិល្បៈ​១០២​រូប ទទួលជោគជ័យ ក្នុង​វគ្គ​បណ្តុះបណ្តាល​គរុកោសល្យ វិធីសាស្ត្រ​នៃ​ការ​បង្រៀន

កីឡា៧ ម៉ោង មុន

អបអរសាទរ ភ្នំពេញក្រោនបញ្ចប់កំណត់ត្រាមិនដែលចាញ់របស់ Cebu FC ០-៣

ជីវិតកម្សាន្ដ៧ ម៉ោង មុន

Andy Lau ចង់ជ្រៀតខ្លួនចូលក្នុងពិភពហូលីវូដ ដូចមិត្តរួមជំនាន់

Sokha Hotels

ព័ត៌មានពេញនិយម