ព័ត៌មានជាតិ
អភិបាលរងខេត្តស្វាយរៀង ជួបអគ្គនាយកដ្ឋានអន្តោប្រវេសន៍ និងអគ្គនាយកដ្ឋានការងារពិគ្រោះយោបល់ លើកិច្ចការហត្ថពលកម្មបរទេស
(ខេត្តស្វាយរៀង): នៅថ្ងៃទី២២ ខែឧសភា ឆ្នាំ២០២៣ លោក ម៉ែន អេង អភិបាលរងខេត្តស្វាយរៀង តំណាងលោកអភិបាលខេត្ត បានអនុញ្ញាតឱ្យ លោកឧត្តមសេនីយ៍ទោ ហាស់ សុត្ថា ប្រធាននាយកដ្ឋានជនបរទេស អន្តោប្រវេសន៍ ជាអ្នកវិនិយោគឯកជន ព្រមទាំងប្រតិភូ មកពីអគ្គនាយកដ្ឋានអន្តោប្រវេសន៍ និងអគ្គនាយកដ្ឋានការងារ ចូលជួបសម្តែងការគួរសម និងពិគ្រោះយោបល់ លើកិច្ចការហត្ថពលកម្មបរទេស។

យោងតាមប្រភពពីអគ្គនាយកដ្ឋានអន្តោប្រវេសន៍ បានឱ្យដឹងថា អគ្គនាយកដ្ឋានអន្តោប្រវេសន៍ និងអគ្គនាយកដ្ឋានការងារ បានរៀបចំសមាសភាពក្រុមការងារចម្រុះ អធិការកិច្ចហត្ថពលកម្មបរទេសរួចរាល់សម្រាប់ចុះបំពេញការងារអធិការកិច្ច ហត្ថពលកម្មបរទេស នៅភូមិសាស្ត្រខេត្តស្វាយរៀង ក្នុងឆ្នាំ២០២៣ ហើយប្រតិភូដឹកនាំ ដោយលោកឧត្តមសេនីយ៍ទោ ហាស់ សុត្ថា ប្រធាននាយកដ្ឋានជនបរទេស អន្តោប្រវេសន្ត ជាអ្នកវិនិយោគឯកជន ចូលជួបសម្តែងការគួរសម និងពិគ្រោះយោបល់ ជាមួយនឹងថ្នាក់ដឹកនាំខេត្ត គឺធ្វើឡើងក្នុងគោលបំណង ដើម្បីឱ្យក្រុមការងារនេះ បានដំណើរការទៅប្រកបដោយប្រសិទ្ធភាព មានភាពស្និទ្ធស្នាល និងការទទួលខុសត្រូវខ្ពស់។
ក្នុងឱកាសនោះលោក ម៉ែន អេង បានមានប្រសាសន៍ឲ្យដឹងថា កិច្ចការងារអគ្គនាយកដ្ឋានអន្តោប្រវេសន៍ ជារៀងរាល់ឆ្នាំ បានចុះធ្វើអធិការកិច្ច ទៅលើហត្ថពល កម្មបរទេស មុននឹងគេចុះយុទ្ធនាការ ត្រូវចូលមកជួបសម្តែងការគួរសម សំណេះសំណាលជាមួយនឹងរដ្ឋបាលខេត្ត ហើយក៏គោរពរាយការណ៍ ជូនអំពីកិច្ចការងារ ឆ្នាំ២០២២ ។
លោកអភិបាលរងខេត្ត បានមានប្រសាសន៍បន្តទៀតថា ក្នុងនាមលោក តំណាងឲ្យលោកអភិបាលខេត្ត ថ្លែងអំណរគុណ និងរីករាយសហការជាមួយ មន្ត្រីជាន់ខ្ពស់ នៃអគ្គនាយកដ្ឋានអន្តោប្រវេសន៍ ក៏ដូចជាមន្ត្រី ដែលតំណាងដោយ អគ្គនាយកដ្ឋានការងារ នៃក្រសួងការងារ ដោយមានការចូលរួម ពីរដ្ឋបាលខេត្ត មន្ទីរការងារ រួមនឹងស្នងការរង ដែលទទួលបន្ទុកអន្តោប្រវេសន៍ នៃស្នងការដ្ឋាន នគរបាល ខេត្តស្វាយរៀង ដើម្បីបំពេញភារកិច្ចទទួលបានជោគជ័យ ទៅតាមផែនការ របស់ក្រសួង ដែលបានដាក់ចេញ៕ អទ្ថបទ៖ ភក្ដី

-
ព័ត៌មានជាតិ២ ថ្ងៃ មុន
តើធ្វើដូចម្ដេចទើបរៀនភាសាអង់គ្លេស ឆាប់ចេះអាន និយាយ និងសរសេរបានល្អ?
-
ព័ត៌មានជាតិ៣ ថ្ងៃ មុន
លោក គង់ វិបុល ប្តេជ្ញាប្រមូលពន្ធឱ្យគ្រប់ផែនការក្នុងឆ្នាំ ២០២៣ ទោះ ៨ខែមកនេះ ធ្លាក់ចុះ ២១ភាគរយ
-
ព័ត៌មានអន្ដរជាតិ៣ ថ្ងៃ មុន
ហេតុផល ៥យ៉ាង ដែលព្រលានយន្តហោះឡាវ មិនមានជើងហោះហើរត្រង់ទៅកាន់អឺរ៉ុប
-
សន្តិសុខសង្គម៦ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ជាលើកដំបូង កម្ពុជា នាំចេញបង្កងកណ្ដូបរស់ចំនួន៤៥គីឡូក្រាម ទៅកាន់ទីផ្សារចិន
-
សន្តិសុខសង្គម១ សប្តាហ៍ មុន
អគ្គិភ័យឆេះផ្ទះតារាចម្រៀងលោក ណូយ វ៉ាន់ណេត ខូចខាតសម្ភារៈមួយចំនួន
-
សន្តិសុខសង្គម៥ ថ្ងៃ មុន
មន្ត្រីនគរបាលដែលបើករថយន្តបុកស្ត្រីម្នាក់ស្លាប់នៅកោះរាជាស្វាមីស្ត្រីរងគ្រោះ
-
ព័ត៌មានអន្ដរជាតិ៦ ថ្ងៃ មុន
តើពិតជាមានមនុស្សក្រៅភពមែនឬ? ពេលនេះ អង្គការ NASA បញ្ចេញរបាយការណ៍ហើយ