ព័ត៌មានជាតិ

រដ្ឋបាលក្រុងកំពត ធ្វើការបំភ្លឺក្រោយ មានការបង្ហោះអំពីការបង្ហូរលូទឹកស្អុយចូលក្នុងទឹកព្រែកកំពត

បានផុស

៣ years មុន

នៅ

ថ្ងៃសុក្រ ២៦ ឧសភា ២០២៣

ដោយ

កំពត ៖ បន្ទាប់ពីរដ្ឋបាលក្រុងកំពតបានឃើញមានការចុះផ្សាយហើយពិនិត្យគណនីហ្វេសប៊ុកឈ្មោះ Sidavine Sun កាលពីថ្ងៃទី២៤ ខែឧសភា ឆ្នាំ២០២៣ នាពេលថ្មីៗនេះអំពីបញ្ហាដែលមានការបង្ហូរលឺទឹកស្អុយចូលទៅក្នុងព្រែកកំពតរដ្ឋបាលក្រុងកំពតបានបកស្រាយបំភ្លឺហើយ បានបញ្ជាក់ជូនដល់សាធារណជនដូចខាងក្រោមនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលក្រុងកំពត បានធ្វើការបកស្រាយបំភ្លឺតាមរយៈផេកផ្លូវការរបស់ខ្លួននាថ្ងៃទី២៥រហូតមកដល់រសៀលថ្ងៃទី២៦ ខែឧសភាឆ្នាំ២០២៣នេះ ក្រោយពីមានសារបង្ហោះនៅលើបណ្តាញសង្គមគណនីហ្វេសប៊ុកមួយលើឡើងថា មានការបង្ហូរលូទឹកស្អុយចូលទៅក្នុងទឹកព្រែកកំពតរដ្ឋបាលក្រុងកំពតសូមស្រាយបំភ្លឺនិងបញ្ជាក់ដល់សាធារណជនទាំងអស់ដូចខាងក្រោម។

១. ការរៀបចំប្រព័ន្ធលូក្រុងកំពត ជាគម្រោងរបស់ ADB (ធានាគារអភិវឌ្ឍន៍អាស៊ី) ក្នុងនោះ ADB បានអភិវឌ្ឍន៍ប្រព័ន្ធប្រព្រឹត្តិកម្មទឹកកខ្វក់ស្ថិតក្នុងសង្កាត់ក្រាំងអំពិលក្រុងកំពត និងស្រុកទឹកឈូ ដោយពាក់ព័ន្ធនឹងទឹកកខ្វក់ទាំងអស់ត្រូវបានបញ្ជូនទៅអាងចម្រោះរួចជាមុនសិនទើបបញ្ជូនទៅកាន់ប្រភពទឹកធម្មជាតិ ។

២. សព្វថ្ងៃនេះប្រព័ន្ធលូរបស់ ADB បាននឹងកំពុងរៀបចំតបណ្តាញតាមគោលដៅនីមួយៗ ប៉ុន្តែមិនទាន់អាចតភ្ជាប់រវាងប្រព័ន្ធលូដែលមានស្រាប់នៅឡើយទេ ដោយសារកំពុងដំណើរការជីកកប់បំពង់ និងសិក្សាបន្ថែម។

គម្រោងរបស់ADB នឹងតភ្ជាប់ប្រព័ន្ធលូនៅពេលឆាបៗខាងមុខនេះទាំងអស់ដែលបានបង្ហូរ ចូលទៅក្នុងព្រែកដើម្បីឱ្យទឹកស្អុយចូលអាងចម្រុះប្រព្រឹត្តិកម្មទាំងអស់៕

ដោយ ៖ សឹង រ៉ាត់