ព័ត៌មានជាតិ
អភិបាលខេត្តព្រះសីហនុ បញ្ជាឲ្យមន្ទីរពាក់ព័ន្ធ ចុះស្ដារអូរ ប្រឡាយ បញ្ចៀសការជន់លិចដោយទឹកភ្លៀង
លោក គួច ចំរើន អភិបាល នៃគណៈអភិបាលខេត្តព្រះសីហនុ បានបញ្ជាឲ្យមន្ទីរធនធានទឹក និងមន្ទីរសាធារណការ ធ្វើការស្តារអូរ និងប្រឡាយ ដើម្បីបញ្ចៀសការជន់លិចដោយសារទឹកភ្លៀងនៅក្នុងក្រុងព្រះសីហនុ។
ក្នុងនោះនៅថ្ងៃទី ២០ ខែកក្កដា ឆ្នាំ ២០២៣ លោកអភិបាលខេត្ត បានបញ្ជាឲ្យមន្ទីរសាធារណការ និងដឹកជញ្ជូនខេត្តព្រះសីហនុ នាំយកគ្រឿងចក្រកាយ ស្តារអូរប្រឡាយ នៅក្នុងភូមិសាស្ត្រសង្កាត់លេខ ៤ ក្រុងព្រះសីហនុ និងនៅថ្ងៃទី ២១ ខែកក្កដា ឆ្នាំ ២០២៣ បានបញ្ជាឲ្យមន្ទីរធនធានទឹក និងឧតុនិយមខេត្ត យកគ្រឿងចក្រចុះស្ដារអូរឈើទាល ប្រវែង ២២០០ ម និងអូរសំអាត ប្រវែង ៧០០ ម ព្រមទាំងកាយយកសំរាមចេញពីអូរសំអាត ស្ថិតក្នុងសង្កាត់លេខ ៤ ក្រុងព្រះសីហនុ ខេត្តព្រះសីហនុ ដើម្បីរំដោះលំហូរទឹកភ្លៀងឲ្យមានចរន្តផ្លូវទឹកហូរបានលឿន បញ្ចៀសការជន់លិចដោយសារទឹកភ្លៀងក្នុងក្រុងព្រះសីហនុ។
យោងតាមក្រសួងធនធានទឹក និងឧតុនិយម បានឲ្យដឹងថា ចាប់ពីថ្ងៃទី ១៩ ដល់ថ្ងៃទី ២៥ កក្កដា ខាងមុខ កម្ពុជា បន្តទទួលឥទ្ធិពលពីជ្រលងព្យុះទី ៤ ឈ្មោះតាលីម និងខ្យល់មូសុងនិរតី ក្នុងកម្រិតពីមធ្យមទៅបង្គួរ ដោយឡែកក្នុងមហាសមុទ្រប៉ាស៊ីហ្វិកខាងកើត ប្រទេសហ្វីលីពីនសម្ពាធទាបសកម្មមួយ នឹងអាចវិវត្តទៅជាព្យុះថ្មីមួយទៀតពេលចូលដល់ភាគខាងជើងប្រទេសហ្វីលីពីន។ លក្ខណៈបែបនេះ ធ្វើឲ្យកម្ពុជាអាចមានភ្លៀងធ្លាក់ក្នុងកម្រិតពីតិចទៅមធ្យម និងបង្គួរ ដោយផ្នែកលាយឡំដោយផ្គររន្ទះ និងខ្យល់កន្ត្រាក់។ ចំណែកនៅតាមតំបន់មាត់សមុទ្រ អាចនឹងមានភ្លៀងធ្លាក់ក្នុងកម្រិតពីបង្គួរទៅច្រើនលាយឡំដោយផ្គររន្ទះ និងខ្យល់កន្ត្រាក់ លើផ្ទៃសមុទ្រនៅមានខ្យល់បក់បោកខ្លាំង ព្រមទាំងរលកសមុទ្រមានកម្ពស់ខ្ពស់៕
អត្ថបទ ៖ សំអឿន
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ១ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ១ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ